ചെന്നൈ: 24 മണിക്കൂറിനിടെ രാജ്യത്തെ 19 സംസ്ഥാനങ്ങളില് നിന്നും കേന്ദ്രഭരണപ്രദേശങ്ങളില് നിന്നും ഒരു കോവിഡ് മരണം പോലും റിപ്പോര്ട്ട് ചെയ്തിട്ടില്ലെന്ന് കേന്ദ്ര ആരോഗ്യമന്ത്രാലയം. ചികിത്സയിലുള്ള കോവിഡ് രോഗികളുടെ എണ്ണം 1.46 ലക്ഷം ആയി. കഴിഞ്ഞ 24 മണിക്കൂറില് പ്രതിദിന രോഗമുക്തരുടെ എണ്ണം, രോഗം സ്ഥിരീകരിച്ചവരെക്കാള് കൂടുതലായി. വാക്സിന് സ്വീകരിച്ചവരുടെ എണ്ണം 1.21 കോടിയായി
ചികിത്സയിലുള്ള കോവിഡ് രോഗികളുടെ എണ്ണം 1.50 ലക്ഷത്തില് താഴെ (1,46,907). ഇത് ആകെ രോഗബാധിതരുടെ 1.33 ശതമാനമാണ്. 24 മണിക്കൂറില് 13,742 പേര്ക്ക് രോഗം സ്ഥിരീകരിക്കുകയും 14,037 പേര് രോഗമുക്തരാവുകയും ചെയ്തു. മഹാരാഷ്ട്രയില്, കോവിഡ് പോസിറ്റീവായവരുടെ എണ്ണത്തില് 298 പേര്കൂടി ഉള്പ്പെട്ടപ്പോള്, കേരളത്തില് രോഗമുക്തി നേടിയവരുടെ എണ്ണത്തില് 803 പേരുടെ വര്ധനയുണ്ടായി.
ഒരാഴ്ചയായി 12 സംസ്ഥാനങ്ങളിലെ പ്രതിദിന പുതിയ കേസുകളുടെ ശരാശരി എണ്ണം നൂറില് കൂടുതലാണ്. മഹാരാഷ്ട്ര, കേരളം, തമിഴ്നാട്, കര്ണാടക, പഞ്ചാബ്, ഗുജറാത്ത്, മധ്യപ്രദേശ്, ഛത്തീസ്ഗഡ്, പശ്ചിമ ബംഗാള്, തെലങ്കാന, ഡല്ഹി, ഹരിയാന എന്നിവയാണവ. കേരളം, മഹാരാഷ്ട്ര സംസ്ഥാനങ്ങളില് കഴിഞ്ഞ ഒരാഴ്ചയായി പ്രതിദിനം ശരാശരി നാലായിരത്തിലധികം രോഗികള്.
ഫെബ്രുവരി 24 ന് രാവിലെ ഏഴ് മണി വരെയുള്ള താല്ക്കാലിക കണക്ക് പ്രകാരം 2,54,356 സെഷനുകളിലായി 1,21,65,598 ഗുണഭോക്താക്കള് വാക്സിന് സ്വീകരിച്ചു. 64,98,300 ആരോഗ്യപ്രവര്ത്തകര് ( ആദ്യ ഡോസ്) 13,98,400 ആരോഗ്യപ്രവര്ത്തകര് (രണ്ടാം ഡോസ്) 42,68,898 മുന്നണിപ്പോരാളികള് (ഒന്നാം ഡോസ് ) എന്നിവര് ഉള്പ്പെടുന്നു. ആദ്യ ഡോസ് സ്വീകരിച്ച് 28 ദിവസം പൂര്ത്തിയാക്കിയവര്ക്കുള്ള രണ്ടാം ഡോസ് വിതരണം 2021 ഫെബ്രുവരി 13 ന് ആരംഭിച്ചു. കോവിഡ് മുന്നണിപ്പോരാളികള്ക്കുള്ള വാക്സിനേഷന് 2021 ഫെബ്രുവരി രണ്ടിനാണ് ആരംഭിച്ചത്.
കേരളത്തില് 4,823 പേരും മഹാരാഷ്ട്രയില് 5869 പേരും തമിഴ്നാട്ടില് 453 പേരും കഴിഞ്ഞ 24 മണിക്കൂറില് രോഗ മുക്തരായി. പുതുതായി രോഗം സ്ഥിരീകരിച്ചവരില് 86.15% വും ആറ് സംസ്ഥാനങ്ങളില് നിന്നാണ്. മഹാരാഷ്ട്രയിലാണ് കൂടുതല് – 6,218 പേര്. കേരളത്തില് 4,034 പേര്ക്കും തമിഴ്നാട്ടില് 442 പേര്ക്കും ചൊവ്വാഴ്ച രോഗം സ്ഥിരീകരിച്ചു. ഏറ്റവും കൂടുതല് മരണം റിപ്പോര്ട്ട് ചെയ്തത് മഹാരാഷ്ട്രയിലാണ്- 51 പേര്. കേരളത്തില് 14 പേരും പഞ്ചാബില് 10 പേരും മരിച്ചു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.