ദുബായ്: യുഎഇ ഉള്പ്പടെയുളള വിദേശരാജ്യങ്ങളില് നിന്ന് ഇന്ത്യയിലേക്ക് പോകുന്ന എല്ലാ യാത്രക്കാരും കോവിഡ് പിസിആര് ടെസ്റ്റ് നെഗറ്റീവ് റിസല്റ്റ് ഹാജരാക്കണം. നിയമം തിങ്കളീഴ്ച അര്ദ്ധരാത്രി മുതല് പ്രാബല്യത്തില് വരും. പ്രത്യേക പ്രായ പരിധി വ്യക്തമാക്കിയിട്ടില്ലാത്തതിനാല് കുട്ടികള്ക്കുള്പ്പടെ പിസിആര് ടെസ്റ്റ് എടുക്കേണ്ടി വരും. കേന്ദ്ര ആരോഗ്യ മന്ത്രാലയം വ്യോമയാന മന്ത്രാലയവുമായി ചേര്ന്നാണ് അന്താരാഷ്ട്ര യാത്രികര്ക്കുളള യാത്രാ നിര്ദ്ദേശങ്ങള് പുതുക്കിയത്.
കോവിഡ് ആര്ടി പിസിആര് നെഗറ്റീവ് ടെസ്റ്റ് റിസല്റ്റ് എയര് സുവിധ വെബ് സൈറ്റില് അപ്ലോഡ് ചെയ്തിരിക്കണം. റിസല്ട്ടിന്റെ പ്രിന്റ് ഔട്ട് കൈയ്യില് കരുതുകയും ചെയ്യണം. അതേസമയം ഇന്ത്യയിലെ വിമാനത്താവളങ്ങളില് കോവിഡ് ടെസ്റ്റുണ്ട്. യാത്രാക്കാര് സ്വന്തം ചെലവിലായിരിക്കണം കോവിഡ് ടെസ്റ്റ് നടത്തേണ്ടത്. അടുത്ത ബന്ധുക്കളുടെ മരണത്തെ തുടര്ന്നുളള യാത്രയാണെങ്കില്, പിസിആര് ടെസ്റ്റ് റിസല്റ്റ് സമര്പ്പിക്കുന്നതില് ഇളവുണ്ട്.
എയര് സുവിധ വെബ്സൈറ്റില് ഇതുമായി ബന്ധപ്പെട്ട കാര്യങ്ങള് വ്യക്തമാക്കി ഇളവിന് അപേക്ഷിക്കണം. കൃത്യമായ വിവരങ്ങളായിരിക്കണം വ്യക്തമാക്കേണ്ടത്. ഇല്ലെങ്കില് നിയമ നടപടിയുണ്ടായിരിക്കുമെന്നും അധികൃതര് വ്യക്തമാക്കിയിട്ടുണ്ട്. കൂടാതെ ആരോഗ്യ സേതു ആപ്പ് ഡൗണ് ലോഡ് ചെയ്തിരിക്കണം.
കേരളത്തിലേക്കാണ് യാത്രയെങ്കില് 14 ദിവസത്തെ ക്വാറന്റീനാണ് അധികൃതര് നിര്ദ്ദേശിക്കുന്നത്. ഏഴ് ദിവസം കഴിഞ്ഞ് ആര് ടി പിസിആര് ടെസ്റ്റ് എടുത്ത് നെഗറ്റീവാണെങ്കില് ക്വാറന്റീന് അവസാനിപ്പിക്കാം. അതല്ലെങ്കില് 14 ദിവസത്തെ ക്വാറന്റീനാണ് അഭികാമ്യം. വാക്സിന്റെ രണ്ട് ഡോസും എടുത്തവരാണെങ്കിലും ക്വാറന്റീനില് ഇളവില്ല.
യുഎഇയില് അബുദാബി ഒഴികെയുളള എമിറേറ്റുകളില് 150 ദിര്ഹമാണ് ആര്ടി പിസിആര് ടെസ്റ്റിന്റെ നിരക്ക്. അബുദാബിയില് 85 ദിര്ഹത്തിന് പിസിആര് ടെസ്റ്റ് ചെയ്യാം. യാത്രാ ആവശ്യത്തിനുളള പിസിആര് ടെസ്റ്റ് റിസല്റ്റില് ടെസ്റ്റ് എടുത്ത സമയം, തിയതി, ടെസ്റ്റ് റിസല്റ്റ് വന്ന സമയം, തിയതി ഇതൊക്കെ കൃത്യമായി രേഖപ്പെടുത്തിയിരിക്കണം.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.