ബംഗളൂരു: ലഹരിമരുന്ന് കേസുമായി ബന്ധപ്പെട്ട പണമിടപാടില് കേസില് ബിനീഷ് കോടിയേരിയെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു. രാവിലെ മുതല് ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്. ബിനീഷിനെ ബംഗളൂരുവിലെ ഇ.ഡി ഓഫീസില് നിന്ന് കൊണ്ടുപോയി.
ബിനീഷിനെ ബംഗളൂരു സിറ്റി സിവില് കോടതിയില് ഹാജരാക്കി. എന്ഫോഴ്സ്മെന്റ് ഡയറക്ടറേറ്റ് നാല് ദിവസത്തെ കസ്റ്റഡിയില് ആവശ്യപ്പെട്ടു. ബിനീഷിനെ കോടതിയില് നിന്നും പരപ്പന അഗ്രഹാര ജയിലിലേക്ക് മാറ്റിയേക്കും.
മയക്കുമരുന്ന് കേസില് നാര്കോട്ടിക്സ് കണ്ട്രോള് ബ്യൂറോ അറസ്റ്റ് ചെയ്ത കൊച്ചി സ്വദേശി അനൂപ് മുഹമ്മദിനെ ഇഡി നേരത്തെ ചോദ്യംചെയ്തിരുന്നു. നേരത്തേ ഇഡിക്കു മുമ്പാകെ ബിനീഷ് നല്കിയ മൊഴിയും അനൂപ് മുഹമ്മദ് നല്കിയ മൊഴിയും തമ്മില് വൈരുധ്യങ്ങളുണ്ടെന്നാണ് വിവരം. അനൂപ് നല്കിയ മൊഴിയുടെ അടിസ്ഥാനത്തിലാണ് ബിനീഷിനെ വീണ്ടും ചോദ്യംചെയ്തത്. ഇന്ന് രാവിലെ പതിനൊന്നു മണിയോടെയാണ് ഇഡി. സോണല് ഓഫീസില് ബിനീഷ് കോടിയേരി ചോദ്യംചെയ്യലിന് ഹാജരായത്. ലഹരിമരുന്ന് കേസുമായി ബന്ധപ്പെട്ട് ബിനീഷും പ്രതിയായ അനൂപ് മുഹമ്മദും തമ്മില് നടത്തിയെന്ന് പറയുന്ന സാമ്പത്തിക ഇടപാടുകളുടെ സ്രോതസ്സാണ് ഇഡി അന്വേഷിക്കുന്നത്.
ഒക്ടോബര് ആറിനാണ് ബിനീഷിനെ കോടിയേരിയെ ഇഡി ആദ്യമായി ചോദ്യംചെയ്തത്. ഇതിന്ശേഷം അനൂപ് മുഹമ്മദിനെയും ഇഡി ചോദ്യം ചെയ്തിരുന്നു. അഞ്ചു ദിവസം കസ്റ്റഡിയില് വാങ്ങിയാണ് സോണല് ആസ്ഥാനത്ത് ചോദ്യം ചെയ്തത്. എന്നാല് അനൂപ് നല്കിയ മൊഴിയുടെ അടിസ്ഥാനത്തില് പൊരുത്തക്കേടുകള് കണ്ടതിനെ തുടര്ന്നാണ് ഇഡി വീണ്ടും ബിനീഷിനെ ചോദ്യം ചെയ്യാന് വിളിച്ചുവരുത്തിയത്.
ബിനീഷ് കോടിയേരി അനൂപിന് പണം നല്കി സഹായിച്ചിട്ടുണ്ട്. 50 ലക്ഷം രൂപ പല അക്കൗണ്ടുകളില് നിന്നായി അനൂപിന്റെ അക്കൗണ്ടിലേക്ക് എത്തിയിട്ടുണ്ട്. ഇത് നിക്ഷേപച്ചതാരാണെന്ന കാര്യത്തില് ഇതുവരെ വ്യക്തത നല്കാന് അനൂപിനായിട്ടില്ല. ഈ പണം എവിടെ നിന്നു വന്നു. ബെംഗളുരുവില് ബിനീഷ് ബിനാമി ഇടപാടുകള് നടത്തുന്നുണ്ടോ തുടങ്ങിയവയെല്ലാം ഇഡി അന്വേഷിക്കുന്നുണ്ട്.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.