രാജ്യം ഭരിക്കുന്നത് അദാനി-അംബാനിമാരുടെ സര്‍ക്കാര്‍: രാഹുല്‍ ഗാന്ധി

പാട്‌ന: കേന്ദ്ര സര്‍ക്കാരിനെതിരെ രൂക്ഷ വിമര്‍ശനവുമായി കോണ്‍ഗ്രസ് നേതാവ് രാഹുല്‍ഗാന്ധി. രാജ്യം ഭരിക്കുന്നത് അദാനിയുടേയും അംബാനിയുടേയും സര്‍ക്കാരാണെന്ന് രാഹുല്‍ തുറന്നടിച്ചു. ബീഹാറിലെ തെരഞ്ഞെടുപ്പ് റാലിയിലാണ് രാഹുലിന്റെ വിമര്‍ശനം. കര്‍ഷകരെ പെരുവഴിയിലാക്കിയ സര്‍ക്കാരാണ് ഇതെന്നും മോദി ഭരണത്തില്‍ ലക്ഷക്കണക്കിന് യുവാക്കള്‍ക്ക് തൊഴില്‍ നഷ്ടമായെന്നും രാഹുല്‍ കുറ്റപ്പെടുത്തി.

അതേസമയം തെരഞ്ഞെടുപ്പ് അടുത്തിരിക്കെ തെരഞ്ഞെടുപ്പ് പ്രചരണത്തിനായി പ്രധാനമന്ത്രി നരേന്ദ്രമോദിയും ഇന്ന് ബീഹാറില്‍ എത്തി. രാഹുലിന്റെയും മോദിയുടേയും ബീഹാറിലെ ആദ്യ തെരഞ്ഞെടുപ്പ് റാലിയാണ് ഇത്. കശ്മീരില്‍ ആര്‍ട്ടിക്കിള്‍ 370 തിരികെ കൊണ്ടുവരാനാണ് പ്രതിപക്ഷത്തിന്റെ ആഗ്രഹമെന്ന് ബിജെപിയുടെ പ്രചരണ റാലിയില്‍ മോദി പറഞ്ഞു.

ഇത് ബീഹാറിനെ അപമാനിക്കുന്നതിന് തുല്യമാണെന്നും ബീഹാറില്‍ നിന്നുള്ള ജവാന്‍മാരും ഗല്‍വാനില്‍ വീരമൃത്യു വരിച്ചിട്ടുണ്ടെന്നും മോദി പറഞ്ഞു. എന്നാല്‍ ജവാന്മാര്‍ മരിച്ചുവീണപ്പോള്‍ പ്രധാനമന്ത്രി എന്തുചെയ്യുകയായിരുന്നു എന്നാണ് രാഹുല്‍ ചോദിച്ചത്.