ഹൈദരാബാദ്: ഇലക്ട്രോണിക് ചിപ് ഉപയോഗിച്ച് പെട്രോള് അളവില് തട്ടിപ്പ് നടത്തിയ 33 പെട്രോള് പമ്പുകള് പൂട്ടി. തെലങ്കാന, ആന്ധ്ര സംസ്ഥാനങ്ങളിലെ പമ്പുകളാണ് പൊലീസും ലീഗല് മെട്രോളജി വകുപ്പും ചേര്ന്ന് നടത്തിയ പരിശോധനയില്പൂട്ടിച്ചത്. ഒരു ലിറ്റര് പെട്രോള് അടിക്കുമ്പോള് 970 മില്ലി മാത്രം ടാങ്കിലേക്ക് എത്തിക്കുന്ന രീതിയില് ചിപ്പ് ഘടിപ്പിച്ചായിരുന്നു തട്ടിപ്പ്. തട്ടിപ്പിനുപിന്നില് പ്രവര്ത്തിച്ചവരെ അറസ്റ്റുചെയ്തതായി സൈബരാബാദ് പോലീസ് കമ്മീഷണര് വി.സി സജ്ജനാര് അറിയിച്ചു.
ഇന്ധനം നിറയ്ക്കുമ്പോള് ഡിസ്പ്ലേ ബോര്ഡില് കൃത്യമായ അളവ് രേഖപ്പെടുത്തുമെങ്കിലും ഉപഭോക്താവിന് കുറഞ്ഞ അളവിലാണ് പെട്രോള് നല്കിയിരുന്നത്. ഇതിനായി പ്രോഗ്രാം സെറ്റ് ചെയ്ത ഐസി ചിപ്പ് ഘടിപ്പിക്കും. ഇന്ത്യന് ഓയില് കോര്പറേഷന്റെ 17, ഭാരത് പെട്രോളിയം കോര്പറേഷന്റെ ഒമ്പത്, ഹിന്ദുസ്ഥാന് പെട്രോളിയം കോര്പ്പറേഷന്റെയും എസാറിന്റെയും രണ്ടും പമ്പുകള്ക്കെതിരെയാണ് നടപടിയെടുത്തത്.
പമ്പുടമകളുടെ അറിവോടെ അന്തര് സംസ്ഥാന സംഘമാണ് തട്ടിപ്പ് നടത്തിയതെന്നാണ് പൊലീസ് കണ്ടെത്തിയിരിക്കുന്നത്.ഇത്തരത്തില് കോടിക്കണക്കിന് രൂപയാണ് പമ്പുടമകള് നടത്തിയതെന്ന് സൈബരാബാദ് പോലീസ് കമ്മീഷണര് വി.സി സജ്ജനാര് പറഞ്ഞു.
സംഭവവുമായി ബന്ധപ്പെട്ട് ആന്ധ്രാപ്രദേശിലെ ഏലൂര് സ്വദേശികളായ ബാഷ, ബാബ്ജി ബാബ, മദാസുഗുരി ശങ്കര്, ഐ മല്ലേശ്വര് റാവു എന്നിവരെ പൊലീസ് പിടികൂടി. ബാഷയില് നിന്നും 14 ഐ.സി ചിപ്പുകള്, എട്ട് ഡിസ്പ്ലേകള്, മൂന്ന് ജിബിആര് കേബിളുകള്, ഒരു മദര്ബോര്ഡ്, ഒരു ഹ്യുണ്ടായ് ഐ 20 കാര് എന്നിവ കണ്ടെടുത്തു.
ആന്ധ്രാ, തെലങ്കാന സംസ്ഥാനങ്ങളിലെ ഒന്പത് പമ്പുടമകളെയും പൊലീസ് അറസ്റ്റ് ചെയ്തു. അഞ്ച് പേര്ഒളിവിലാണ്. ചിപ്പ് വിതരണം ചെയ്ത മുംബൈ സ്വദേശികളായ ജോസഫ്, ഷിബു തോമസ് എന്നിവരും ഒളിവിലാണ്. ചിപ്പ് സ്ഥാപിക്കാന് 80,000 മുതല് 1,20,000 രൂപ വരെയാണ് പമ്പ് ഉടമകളില് നിന്നും ബാഷയുടെ സംഘം ഈടാക്കിയിരുന്നത്.
വാഹനങ്ങളില് നിറയ്ക്കുന്ന ഇന്ധനത്തിന്റെ അളവ് കുറയുമെങ്കിലും പ്ലാസ്റ്റിക് കുപ്പികളില് വാങ്ങുന്നവര്ക്ക് കൃത്യമായ അളവില് അത് ലഭിച്ചിരുന്നു. ഇതിനായി രണ്ടു തരത്തിലുള്ള സംവിധാനവും പമ്പുകളില് ഒരുക്കിയിരുന്നു.അതുകൊണ്ടു തന്നെ തട്ടിപ്പ് ആരുടെയും ശ്രദ്ധയില്പ്പെട്ടിരുന്നില്ല.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.