തൃശ്ശൂര് : തൈക്കാട്ടുശേരി ഗ്രാമത്തെ ലോക പ്രശസ്തിയിലേക്കുയര്ത്തിയ ഇ.ടി. നാരായണന് മൂസ് (87) നിര്യാതനായി. വൈദ്യരത്നം സ്ഥാപനങ്ങളുടെ ചെയര്മാനും മാനേജിങ് ഡയറക്ടറുമാണ്.വാര്ധക്യ സഹചമായ രോഗങ്ങളാല് എണറാകുളത്തെ ആശുപത്രിയില് ചികിത്സയിലായിരുന്നു.കഴിഞ്ഞ ഞായറാഴ്ച വീട്ടിലേക്ക് തിരിച്ചെത്തി വിശ്രമിക്കുന്നതിനിടെ ബുധനാഴ്ചയാണ് മൂസിന്റെ ആകസ്മികമായ മരണം.
തൈക്കാട്ടുശേരി എളേടത്തു തൈക്കാട്ട് നീലകണ്ഠന് മൂസിന്റേയും ദേവകി അന്തര്ജനത്തിന്റേയും പത്തു മക്കളില് ഏകമകനായി 1933 സെപ്തംബര് 15നാണ് ജനനം.ആയുര്വേദ ചികിത്സാ രംഗത്ത് നല്കിയ ഉന്നത സംഭാവനകള്ക്ക് ഇ.ടി. നാരായണന് മൂസിനെ രാജ്യം പത്മഭൂഷണും പ്രധാനമന്ത്രിയുടെ സ്വദേശി പുരസ്കാരവും നല്കി ആദരിച്ചു. മുത്തച്ഛന് നാരായണന് മൂസിനെ 1924ല് ബ്രിട്ടീഷ് വൈസ്രോയി വൈദ്യരത്ന ബഹുമതി നല്കി ആദരിച്ചിട്ടുണ്ട്. അച്ഛന് ഇ.ടി നീലകണ്ഠന് മൂസിന് 1992ല് പത്മശ്രീ ലഭിച്ചു.
2010ല് നാരായണന് മൂസിന് പത്മഭൂഷണും ലഭിച്ചു.കേരളത്തില് ആദ്യകാലത്ത് 16 അഷ്ടവൈദ്യകുടുംബങ്ങള് ഉണ്ടായിരുന്നത് ഇപ്പോള് ആറാണ്. അതില് പ്രമുഖമാണ് ബ്രിട്ടീഷ് സര്ക്കാര് വൈദ്യരത്ന ബഹുമതി നല്കിയ എളേടത്ത് മന. ശാരീരിക അവശതകളുണ്ടെങ്കിലും അടുത്തിടെ വരെ രോഗികളെ നോക്കിയിരുന്നു.
ആയുര്വേദം അംഗീകരിച്ച എട്ടു ശാഖകളില് സ്പെഷ്യലൈസ് ചെയ്യുമ്പോഴാണ് അഷ്ടവൈദ്യനാവുക. 1941ല് നാരായണന് മൂസിന്റെ അച്ഛന് നീലകണ്ഠന് മൂസാണ് വൈദ്യരത്നം ഔഷധശാല തുടങ്ങിയത്. 1954ല് നാരായണന് മൂസ് ചുമതലക്കാരനായി. കലിക്കറ്റ് സര്വകലാശാലയ്ക്കു കീഴിലുള്ള ഒല്ലൂര് വൈദ്യരത്ന ആയുര്വേദ കോളജ്, നേഴ്സിങ് കോളജ്, മൂന്ന് ഔഷധ നിര്മാണശാലകള്, കേന്ദ്ര ആയുഷ് വകുപ്പിന്റെ സെന്റര് ഓഫ് എക്സലന്സ് അംഗീകാരം നേടിയ ആയുര്വേദ ഗവേഷണ കേന്ദ്രം, ചാരിറ്റി ഹോസ്പിറ്റല്, മൂന്ന് ആയുര്വേദ ഔഷധ ഫാക്ടറികള്, നിരവധി ഔഷധശാലകള് തുടങ്ങിയവയുടെ സ്ഥാപകനുമാണ് നാരായണന് മൂസ്.
ഇന്ത്യയിലുടനീളമുള്ള ഡീലര്മാരുടേയും ഫ്രാഞ്ചൈസികളുടേയും പ്രവര്ത്തനം ആയുര്വേദ രംഗത്തു തൈക്കാട്ടു വൈദ്യശാലകളുടെ സേവനമികവിന് ഉദാഹരണമാണ്. ആയിരത്തിലധികം പേര്ക്ക് ഈ സ്ഥാപനങ്ങള് തൊഴില് നല്കുന്നു. സതി അന്തര്ജനമാണ് ഭാര്യ. മക്കള്: ഡോ. ഇ.ടി. നീലകണ്ഠന് മൂസ് (തൃശൂര് ജില്ലാ ആതുരശുശ്രൂഷാ പദ്ധതിയായ ജീവാമൃതം ട്രസ്റ്റിന്റെ ചെയര്മാന്), അഷ്ടവൈദ്യന് ഇ.ടി. പരമേശ്വരന് മൂസ്, ഷൈലജ ഭവദാസന് നാരായണന് മൂസ് (തൃശൂര് ജില്ലയിലെ തലോര് ഉപസഭാംഗമാണ്).
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.