അരുണാചലില്‍ അഞ്ച് ഇന്ത്യക്കാരെ ചൈന തട്ടിക്കൊണ്ടുപോയി

സുബന്‍സിരി: അരുണാചലില്‍ അഞ്ച് ഇന്ത്യക്കാരെ ചൈനീസ് സൈന്യം തട്ടിക്കൊണ്ടുപോയി. അരുണാചല്‍ പ്രദേശിലെ സുബന്‍സിരി ജില്ലയിലാണ് സംഭവം. അരുണാചല്‍ പ്രദേശ് കോണ്‍ഗ്രസ് എംഎല്‍എ നിനോങ് എറിങ് ആണ് പീപ്പില്‍ ലിബറേഷന്‍ ആര്‍മി ഇന്ത്യക്കാരെ തട്ടിക്കൊണ്ട് പോയ കാര്യം വെളിപ്പെടുത്തിയത്. ട്വിറ്ററിലൂടെയാണ് ഇക്കാര്യം വ്യക്തമാക്കിയത്.

കഴിഞ്ഞ മാര്‍ച്ചില്‍ സമാനമായ സംഭവം ഉണ്ടായിരുന്നുവെന്നും എംഎല്‍എ പറഞ്ഞു. 21 വയസുകാരനായ യുവാവിനെ മാര്‍ച്ച് 19ന് മെക്മഹാനടുത്തുള്ള അസാപില സെക്ടറില്‍ വെച്ച് പിഎല്‍എ തട്ടിക്കൊണ്ടുപോകുകയായിരുന്നു.