ഓട്ടോറിക്ഷ സ്വകാര്യ ബസിലിടിച്ച് മൂന്ന് മരണം

മലപ്പുറം: മങ്കടയില്‍ ഗുഡ്സ് ഓട്ടോറിക്ഷ സ്വകാര്യബസിലിടിച്ച് മൂന്നുപേര്‍ക്ക് ദാരുണാന്ത്യം. ഓട്ടോയിലുണ്ടായിരുന്നവരാണ് മരിച്ചിരിക്കുന്നത്. ഓട്ടോയില്‍ ഡ്രൈവര്‍ ക്യാബിനില്‍ വാഹനമോടിച്ചയാള്‍ക്കു പുറമേ രണ്ടുപേര്‍ കൂടിയുണ്ടായിരുന്നു. കോഴിക്കോട് മുക്കം അഗസ്ത്യമൂഴി സ്വദേശി എന്‍.സിജു ആണ് മരിച്ചിരിക്കുന്നതില്‍ ഒരാളെന്ന് തിരിച്ചറിഞ്ഞിട്ടുണ്ട്. മറ്റ് രണ്ടുപേരെയും തിരിച്ചറിഞ്ഞിട്ടില്ല.

ഗുഡ്സ് ഓട്ടോ ബസിനടിയിലേക്ക് ഇടിച്ചുകയറുകയായിരുന്നുവെന്ന് സംഭവം കണ്ട സ്ഥലവാസികള്‍ പറയുകയുണ്ടായി. ഏറെ നേരത്തെ ശ്രമത്തിനൊടുവിലാണ് ബസിനടിയില്‍ നിന്നും ഓട്ടോ പുറത്തെത്തിക്കാനായത്. ഇതിനുശേഷമാണ് കുടുങ്ങിക്കിടന്നവരെ പെരിന്തല്‍മണ്ണയിലെ സ്വകാര്യ ആശുപത്രിയിലെത്തിക്കുകയുണ്ടായത്. എന്നാല്‍ വൈകാതെ മൂവരും മരിക്കുകയുണ്ടായി. ഇരുവാഹനങ്ങളും അതിവേഗത്തിലാണ് വന്നിരുന്നതെന്ന് ദൃക്സാക്ഷികള്‍ പറഞ്ഞു.