തിരുവനന്തപുരം: സിസ്റ്റര് അഭയ കൊലക്കേസില് ഫാദര് കോട്ടൂരും സിസ്റ്റര് സെഫിയും കുറ്റക്കാരെന്ന് തിരുവനന്തപുരം സിബിഐ കോടതി. പ്രതികള്ക്കുള്ള ശിക്ഷ വിധി നാളെ പ്രഖ്യാപിക്കും. 28 വര്ഷങ്ങള്ക്ക് ശേഷമാണ് കേസില് വിധി വരുന്നത്. സെഫിക്കെതിരെ കുലക്കുറ്റം തെളിഞ്ഞതായും തോമസ് കോട്ടൂരിനെതിരെ കൊലപാതകം, അതിക്രമിച്ചു കടക്കല് എന്നിവ തെളിഞ്ഞതായും വിധി പ്രഖ്യാപിക്കവെ കോടതി വ്യക്തമാക്കി.
കോടതി വിധിയില് സന്തോഷമെന്ന് സിസ്റ്റര് അഭയയുടെ സഹോദരന് ബിജു തോമസ് പ്രതികരിച്ചു. ദൈവത്തിന്റെ ഇടപെടല് കൊണ്ടാണ് 28 വര്ഷത്തിന് ശേഷം അനുകൂല വിധി വന്നതെന്നും സഹായിച്ച വൈദികര്ക്കും സന്യാസിനികള്ക്കും നന്ദി പറയുന്നുവെന്നും ബിജു തോമസ് വ്യക്തമാക്കി.
1992 മാര്ച്ച് 27 നാണ് കോട്ടയം പയസ് ടെന്ത്ത് കോണ്വെന്റിലെ കിണറ്റില് സിസ്റ്റര് അഭയയുടെ മൃതദേഹം കണ്ടെത്തിയത്. ലോക്കല് പോലീസും ക്രൈംബ്രാഞ്ചും ആത്മഹത്യയെന്ന് എഴുതി തളളിയ കേസാണ് സിബിഐ കൊലപാതകമെന്ന് തെളിയിച്ചത്. കേസിലെ ഒന്നാം പ്രതിയായ കോട്ടയം ബി.സി.എം കോളേജിലെ അഭയയുടെ അധ്യാപകനായിരുന്ന ഫാദര് തോമസ് എം കോട്ടൂരും, മൂന്നാം പ്രതിയായ പയസ് ടെന്ത്ത് കോണ്വെന്റ് ഹോസ്റ്റലിലെ താല്ക്കാലിക ചുമതലക്കാരി സിസ്റ്റര് സെഫിയുമാണ് കേസില് വിചാരണ നേരിട്ടത്. രണ്ടാം പ്രതി സ്ഥാനത്തുണ്ടായിരുന്ന ഫാദര് ജോസ് പുതൃക്കയിലിനെ തെളിവുകളുടെ അഭാവത്തില് കോടതി വെറുതെ വിട്ടു.
പയസ് ടെന്ത്ത് കോണ്വെന്റ് ഹോസ്റ്റലില് പ്രതികള് തമ്മിലുള്ള ലൈംഗിക ബന്ധം അഭയ കാണാനിടയായത് കൊലപാതകത്തിന് കാരണമായെന്നാണ് സി.ബി.ഐ കുറ്റപത്രം. കൊലപാതകം, ഹോസ്റ്റലിലേക്ക് അതിക്രമിച്ച് കയറി കൊലപ്പെടുത്തല്, തെളിവ് നശിപ്പിക്കല് എന്നീ കുറ്റങ്ങളാണ് പ്രതികള്ക്കെതിരെ സിബിഐ ചുമത്തിയത്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.