കേരള പോലീസ് നടത്തുന്ന വിർച്ച്വൽ ഹാക്കത്തോൺ: 11 ടീമുകൾ ഫൈനൽ റൗണ്ടിൽ

തിരുവനന്തപുരം: സൈബർ രംഗത്ത് കേരള പോലീസിന് അനുയോജ്യമായ പരിഹാരങ്ങൾ സൃഷ്ടിക്കുന്നതിനായി ഡിജിറ്റൽ സാങ്കേതികവിദ്യയിൽ പ്രാവീണ്യവും, നൂതനാശയങ്ങളുമുള്ളവർക്ക് അവ പ്രകാശിപ്പിക്കുന്നതിനും, പ്രദർശിപ്പിക്കുന്നതിനുമായി കേരള പോലീസിന്റെ നേതൃത്വത്തിൽ അന്തർദേശീയതലത്തിൽ അവതരിപ്പിക്കുന്ന വിർച്വൽ ഹാക്കത്തോൺ – Hac’KP 2020 ൽ 11 ടീമുകൾ ഫൈനൽ റൗണ്ടിലെത്തി. OsintSploit,Reubus,Codered,Beyond, Cyberon,Tink-Dynamics,Hoodwink,Ai-for-good, Bangalore-Cyber-Bots, TeamIndia, Bifrost എന്നീ ടീമുകളാണ് ഫൈനൽ റൗണ്ട് ഇവാലുവേഷന് അർഹത നേടിയത് . ഓൺലൈൻ ഇവാലുവേഷന് ശേഷം എഡിജിപിയും , സൈബർ ഡോം നോഡൽ ഓഫീസറുമായ മനോജ് എബ്രഹാം ഐപിഎസ് ആണ് ഫൈനലിൽ എത്തിയ ടീമുകളെ പ്രഖ്യാപിച്ചത്. 13, 14 നും നടക്കുന്ന ഫൈനൽ ഇവാലുവേഷന് ശേഷം 15 ന് വിജയികളെ പ്രഖ്യാപിക്കും.

രാജ്യത്തിനുള്ളിൽ നിന്നും, വിദേശ രാജ്യങ്ങളിൽ നിന്നുമുള്ള 500-ൽപരം ഐടി വിദഗ്ധർ 109 ടീമുകളായാണ് മത്സരത്തിൽ പങ്കെടുക്കുന്നത് . 13 , 14 തീയതികളിൽ നടക്കുന്ന അവസാന ഇവാലുവേഷനിൽ സഞ്ജയ് കുമാർ ഗുരുഡിന് ഐ പി എസ്സ് ,ജി ജയദേവ് ഐ പി എസ്സ് , ഹൈടെക് സെൽ അഡിഷണൽ എസ്സ് പി ബിജുമോൻ ഇ എസ്സ് പത്തനംതിട്ട അഡിഷണൽ എസ്സ് പി സുനിൽകുമാർ വി, സുനിൽ വർക്കി MD & Global Head of Cyber Security Assessment & Testing at HSBC, സജി ഗോപിനാഥ് startup mission director എന്നിവരടങ്ങുന്ന ജൂറി 11 ടീമുകളിൽ നിന്നും മികച്ച പ്രൊജക്റ്റ് അവതരിപ്പിച്ച 3 ടീമികളെ തിരഞ്ഞെടുക്കും. ഫൈനൽ ഇവാലുവേഷൻ ഹാക്ക്പി സോഷ്യൽ മീഡിയ ഹാൻഡ്ൽസിലും വെബ്സൈറ്റിലും ലൈവ് സ്ട്രീം ചെയ്യുന്നതായിരിക്കും.

ഓഗസ്റ് 15 നു നടക്കുന്ന ഹാക്ക്പി വിർച്ചൽ സമ്മിറ്റ്, ബഹു കേരളാ മുഖ്യമന്ത്രി ശ്രി പിണറായി വിജയൻ ഉദ്ഘടാനം ചെയ്യുകയും ഹാക്ക്പി 2020 virtual ഹാക്കത്തോൺ വിജയികളെ പ്രഖ്യാപിക്കുകയും ചെയ്യും . ചടങ്ങിൽ എഡിജിപിയും സൈബർ ഡോം നോഡൽ ഓഫീസറുമായ മനോജ് എബ്രഹാം ഐ പിഎസ്സ് സ്വാഗതവും, Former Global Board Member at OWASP JIM MANICO കീ നോട്ട് അഡ്രസും, സംസഥാന പോലീസ് മേധാവി ലോക്‌നാഥ് ബെഹ്‌റ ഐ പിഎസ്സ് ക്ലോസിങ് നോട്ട് എന്നിവ അവതരിപ്പിക്കും . തുടർന്ന് സൈബർ സെക്യൂരിറ്റി ഐ ടി മേഖലകളിലെ വിദഗ്ദ്ധർ എടുക്കുന്ന സൈബർ സെക്യൂരിറ്റി വെബിനാറുകളും ഇതിന്റെ ഭാഗമായി ഉണ്ടാകും.

ഹാക്ക്പി 2020 virtual ഹാക്കത്തോൺ ഒന്നാം സ്ഥാനം നേടുന്ന ടീമിന് 5 ലക്ഷം രൂപയും രണ്ടാം സ്ഥാനം നേടുന്ന ടീമിന് 2 .5 ലക്ഷം രൂപയും മൂന്നാം സ്ഥാനം നേടുന്ന ടീമിന് 1 ലക്ഷം രൂപയും സമ്മാനമായി ലഭിക്കും . കൂടാതെ അവസാന റൗണ്ടിൽ എത്തുന്ന ടീം അംഗങ്ങൾക്ക് അന്താരാഷ്ട്ര ഐ ടി കമ്പനി ആയ ക്‌ളൗഡ്‌ 4 സിയിൽ ജോലി ചെയ്യാനുള്ള അവസരവും, മികച്ച സൈബർ സെക്യൂരിറ്റി പ്രോജക്ടസ് അവതരിപ്പിക്കുന്ന ടീമുകൾക്ക് ഇ സി കൗൺസിൽ നൽകുന്ന CEH course ഉം, മറ്റു പ്രോത്സാഹന സമ്മാനങ്ങളും ലഭിക്കുന്നതാണ്.

വിശദ വിവരങ്ങൾ Hackp website ൽ ലഭ്യമാണ് https://hackp.kerala.gov.in/