1000 കോടി രൂപയുടെ മുഖ്യമന്ത്രിയുടെ തദ്ദേശ റോഡ് പദ്ധതിയ്ക്ക് തുടക്കം

ജനപ്രതിനിധികളുടെ നേതൃത്വത്തിൽ പ്രാദേശികതല മേൽനോട്ട സമിതിയുണ്ടായിരിക്കും.
പദ്ധതിയുടെ പുരോഗതി ജില്ലാ കളക്ടറാണ് അവലോകനം ചെയ്യുന്നത്. ഗുണമേൻമ പരിശോധിക്കാൻ ജില്ലാതല സാങ്കേതിക സമിതിയുമുണ്ടായിരിക്കും. സമിതിയിൽ ഒരു സൂപ്രണ്ടിംഗ് എഞ്ചിനീയർ (റിട്ടയേർഡ്), ജില്ലാ പഞ്ചായത്ത് എക്സിക്യൂട്ടീവ് എഞ്ചിനീയർ, അതത് സ്ഥാപനങ്ങളിലെ തദ്ദേശസ്ഥാപനത്തിലെ എഞ്ചീനീയർമാർ എന്നിവർ ഉണ്ടാകും.
ആദ്യഘട്ടത്തിൽ 2011 പ്രവൃത്തികൾക്ക് 3,54,59,31,290 രൂപയും രണ്ടാംഘട്ടത്തിൽ 2118 പ്രവൃത്തികൾക്ക് 3,88,43,09,090 രൂപയും അനുവദിച്ച് ഭരണാനുമതിയായിരുന്നു. കൂടാതെ, മൂന്നാംഘട്ടത്തിൽ 881 പ്രവൃത്തികൾക്ക് 173,64,81,200 രൂപയും മറ്റുഘട്ടങ്ങളിലെ പ്രവൃത്തികളുടെ മെച്ചപ്പെട്ട പൂർത്തീകരണത്തിന് 25,00,000 രൂപ അധികവും അനുവദിച്ച് ഭരണാനുമതിയായിരുന്നു