സർക്കാർ ഏജൻസികളിലെ ജീവനക്കാരിൽ 80.2 ശതമാനവും കുവൈത്തി പൗരന്മാർ

കുവൈറ്റിലെ സർക്കാർ ഏജൻസികളിലെ ജീവനക്കാരിൽ 80.2 ശതമാനവും സ്വദേശികളെന്ന് കണക്കുകൾ

കുവൈറ്റ്  സിറ്റി: സർക്കാർ ഏജൻസികളിലെ ജീവനക്കാരിൽ 80.2 ശതമാനവും കുവൈറ്റി  പൗരന്മാരാണെന്ന് കണക്കുകൾ. 19.8 ശതമാനം മാത്രമാണ് സർക്കാർ ഏജൻസികളിൽ ജോലി ചെയ്യുന്ന കുവൈറ്റികൾ അല്ലാത്തവർ. സെൻട്രൽ അഡ്മിനിസ്ട്രേഷൻ ഓഫ് സ്റ്റാറ്റിസ്റ്റിക്സ് ആണ് കണക്കുകൾ പുറത്ത് വിട്ടിട്ടുള്ളത്.

മാർച്ച് 31 വരെയുള്ള കണക്കുകൾ പ്രകാരം സർക്കാർ ഏജൻസികളിലെ ജീവനക്കാരുടെ ആകെയെണ്ണം 451,960 ആണ്. അതിൽ 362, 133 പേരാണ് കുവൈറ്റി  പൗരന്മാർ. 89,827 പേരാണ് കുവൈറ്റികൾ അല്ലാത്തവരുള്ളത്. സർക്കാർ ഏജൻസികളിൽ വലിയ തോതിൽ കുവറ്റിവത്കരണം ലക്ഷ്യമിട്ടുള്ള പ്രവർത്തനം വിജയിച്ചുവെന്നാണ് കണക്കുകൾ വ്യക്തമാക്കുന്നത്.

അതേ സമയം, വിവിധ മന്ത്രാലയങ്ങളിലെ ജീവനക്കാരുടെ എണ്ണം 336,849 ആയിട്ടുണ്ട്. ഇതിൽ 268, 186 പേരും കുവറ്റി  പൗരന്മാരാണ്. 68,663 പേരാണ് പൗരന്മാർ അല്ലാത്തവരുള്ളത്. സർക്കാർ വകുപ്പുകളിൽ 27, 228 ജീവനക്കാരാണ് ഉള്ളത്. ഇതിൽ 24545 പേർ പൗരന്മാരാണ്. 2683 പേർ വിദേശികളുമാണ് .