സി.എസ്.ബി ബാങ്കിന് 53.6 കോടി രൂപയുടെ റെക്കാർഡ് അറ്റാദായം

കൊച്ചി: നടപ്പുസാമ്പത്തിവർഷത്തിലെ ആദ്യക്വാർട്ടറിൽ തൃശൂർ ആസ്ഥാനമായ സി.എസ്.ബി ബാങ്ക് 53.6 കോടി കോടി രൂപ അറ്റാദായം നേടി. മുൻവർഷം ഇതേ കാലയളവിൽ 19.5 കോടി രൂപയായിരുന്ന അറ്റാദായം.
ബാങ്കിന്റെ പ്രവർത്തനലാഭം മുൻവർഷത്തെ 40.1 കോടി രൂപയിൽ നിന്നു 221.85 ശതമാനം വർധനയോടെ 129.1 കോടി രൂപയിലെത്തി. അറ്റ പലിശവരുമാനം  2019-20 ആദ്യക്വാർട്ടറിലെ 132.5 കോടിയിൽൽ നിന്ന് 40 ശതമാനം വർധിച്ച് 185.3 കോടി രൂപയിലെത്തി. പലിശയിതര വരുമാനം മുൻവർഷമിതേ കാലയളവിലെ 30.2 കോടി രൂപയിൽനിന്ന് 74.3 കോടി രൂപയിലേക്ക് ഉയർന്നു. വർധന 146 ശതമാനം.
ബാങ്കിന്റെ ചരിത്രത്തിലെ ഏറ്റവും ഉയർന്ന ക്വാർട്ടർ അറ്റാദായമാണിതെന്ന് ബാങ്ക് മാനേജിംഗ് ഡയറക്ടറും സി.ഇ.ഒയുമായ സി.വി. ആർ രാജേന്ദ്രൻ പറഞ്ഞു. കോവിഡ് ആവശ്യങ്ങൾക്ക് 42.6 കോടി രൂപ നീക്കിവച്ചിരുന്നില്ലെങ്കിൽ അറ്റാദായത്തിൽ ഗണ്യമായ വർധനയുണ്ടാകുമായിരുന്നെന്ന് അദ്ദേഹം പറഞ്ഞു.