താന് മാറി നില്ക്കുന്നത് സ്വര്ണക്കടത്ത് കേസില് പങ്കുള്ളതിനാല് അല്ലെന്ന് ആരോപണവിധേയയായ സ്വപ്ന.ജീവന് ഭീഷണിയുള്ളതുകൊണ്ടാണ് മാറിനില്ക്കുന്നതെന്നും സ്വപ്ന പറഞ്ഞു. എല്ലാ രാഷ്ട്രീയനേതാക്കളെയും തനിക്കാറിയാമെന്നും മുഖ്യമന്ത്രിയെയോ മന്ത്രിമാരെയോ ഇതൊന്നും ബാധിക്കില്ലെന്നും നഷ്ടം തനിക്കും കുടുംബത്തിനും മാത്രമാണെന്നും സ്വപ്ന പറയുന്നു. എല്ലാ രാഷ്ട്രീയപാര്ട്ടികളെയും വിമര്ശികൊണ്ടാണ് സ്വപ്നയുടെ വെളിപ്പെടുത്തല്. അതേസമയം, എല്ലാ കാര്യങ്ങളിലും വ്യക്തത വരുത്തുന്നുമില്ല. ഒളിവില് കഴിയുന്ന സ്വപ്ന പെട്ടെന്ന് തുറന്നുപറച്ചിലിന് മുതിര്ന്നതിന് പിന്നില് അവരെ സഹായിക്കാന് പുറത്തുനിന്നും ആളുകള് ഉണ്ടെന്ന സംശയം ഉദിക്കുന്നു. കോണ്സുലേറ്റ് ഉദ്യോഗസ്ഥ ആണെന്ന് പറയുന്നതല്ലാതെ വിശദാംശങ്ങള് ഒന്നും തന്നെ അവര് വെളിപ്പെടുത്താന് തയ്യാറാകുന്നില്ല.
യുഎഇ കോണ്സുലേറ്റിന്റെ മറവില് സ്വര്ണക്കടത്ത് നടത്തിയ ഒരു സ്ത്രീയാണ് താനെന്ന് എല്ലാവരും പറയുന്നു. താന് അങ്ങനെയൊന്നും ചെയ്തിട്ടില്ല. ആ സ്വര്ണത്തില് ഒരു പങ്കുമില്ലെന്ന് സ്വപനയുടെ ഓഡിയോ സന്ദേശത്തില് പറയുന്നു. മാറി നില്ക്കുന്നത് ഭയം കൊണ്ടാണെന്നും തെറ്റ് ചെയ്തിട്ടല്ലെന്നും സ്വപ്ന വ്യക്തമാക്കുന്നു.
‘ഡിപ്ലോമാറ്റിക് കാര്ഗോ വന്നിറങ്ങിയതിന്റെ പിറ്റേന്ന്, കാര്ഗോ ഇതുവരെ ക്ലിയര് ആയില്ലെന്ന് യുഎഇയിലെ ഡിപ്ലോമാറ്റ് വിളിച്ചു പറഞ്ഞു. അതൊന്ന് അന്വേഷിച്ചിട്ട് പറയാന് പറഞ്ഞു. അവിടുത്തെ എസി രാമമൂര്ത്തി സാറിനോട് ചോദിച്ചു. യുഎഇ ഡിപ്ലോമാറ്റ് ആകെ വറീഡ് ആണ്, ആ കാര്ഗോ എത്രയും പെട്ടെന്ന് ക്ലിയര് ചെയ്യാന് പറഞ്ഞു. ശരി മാഡം എന്ന് പറഞ്ഞു അദ്ദേഹം ഫോണ് വച്ചു. പിന്നീടൊന്നും എനിക്കറിയില്ല. കാര്ഗോ ഡിപ്പാര്ട്ട്മെന്റുമായി എനിക്ക് ബന്ധമില്ല. കോണ്സുല് ജനറല് പറയുന്ന ജോലി അല്ലാതെ വേറെയൊന്നും ചെയ്തിട്ടില്ല.’
യുഎഇയില് നിന്ന് വരുന്നവര്ക്ക് സപ്പോര്ട്ട് നല്കുകയാണ് താന് ചെയ്യുന്നത് അങ്ങനെ വരുന്നവര്ക്ക് വേണ്ട കാര്യങ്ങള് നല്കുക, അവരെ കംഫര്ട്ടബിള് ആക്കുക തുടങ്ങിയവ മാത്രമാണ് താന് ചെയ്തിരുന്നത്. യുഎഇ കോണ്സുല് ജനറലിന്റെ പിന്നില് നില്ക്കുക എന്നതാണ് എന്റെ ജോലിയെന്നും മുഖ്യമന്ത്രിയുടെ പിന്നിലല്ല താന് നിന്നതെന്നും സ്വപ്ന പറയുന്നു. കഴിഞ്ഞ നാഷണല് ഡേ നിങ്ങളെടുത്ത് നോക്കണം.അന്ന് വന്നത് പ്രതിപക്ഷ നേതാവാണ്.അന്ന് ആളുടെ കൂടെ വേദി പങ്കിടുകയും ചെയ്തിട്ടുണ്ട്. എന്നെ യുഎഇ കോണ്സുലേറ്റില് നിന്ന് പിരിച്ചുവിട്ടിട്ടില്ല. കൊറോണയുമായി ബന്ധപ്പെട്ട ഇവാക്വേഷനിലടക്കം ഞാന് സഹായിച്ചിട്ടുണ്ട്.
താനും കുടുംബവും ആത്മഹത്യയുടെ വക്കിലാണെന്നും സ്വപ്ന. ‘ഇതില് ഉണ്ടാകുന്ന ദ്രോഹം എനിക്കും എന്റെ കുടുംബത്തിനും മാത്രമാണ്. ഇത് മുഖ്യമന്ത്രിമാരെയോ മറ്റ് മന്ത്രിമാരെയോ ബാധിക്കില്ല. ഭയം കൊണ്ടും എന്റെ കുടുംബത്തിനുള്ള ഭീഷണി കാരണവുമാണ് ഞാന് മാറി നില്ക്കുന്നത്.’
തന്റെ പശ്ചാത്തലം അന്വേഷിക്കുന്നതിന് പകരം ആരാണ് ആ കാര്ഗോ അയച്ചതെന്നും ആര്ക്കാണ് അയച്ചതെന്നുമാണ് അന്വേഷിക്കേണ്ടത്. കോണ്സുലേറ്റില് ജോലി ചെയ്തപ്പോഴൊക്കെ തന്റെ തൊഴിലില് ആരും സംശയം പ്രകടിപ്പിച്ചിട്ടില്ല. പല മന്ത്രിമാരുമായി താന് സംസാരിച്ചിട്ടുണ്ട്. പക്ഷേ അതെല്ലാം തൊഴിലിന്റെ ഭാഗമായിട്ടാണ്. ഇവിടെയുള്ള പാവപ്പെട്ടവരുടെ തലയില് അടിച്ചമര്ത്തി തിരഞ്ഞെടുപ്പിനെ സ്വാധീനിക്കാന് നോക്കാതെ അതിന് യഥാര്ത്ഥ നടപടി എടുക്കണം. ‘എന്റെ കാര്യവും അന്വേഷിക്കൂ..ഞാന് ഏതൊക്കെ കരാറില് പങ്കെടുത്തിട്ടുണ്ടോ എന്നൊക്കെ അന്വേഷിച്ചോളൂ’ ഓഡിയോ സന്ദേശത്തില് പറയുന്നു.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.