വൈദേകം റിസോര്‍ട്ടിലെ ഓഹരി ഇ പി ജയരാജന്റെ കുടുംബം വില്‍ക്കുന്നു

മൊറാഴ വൈദേകം ആയുര്‍വേദ റിസോര്‍ട്ടിലെ ഓഹരികള്‍ എല്‍ ഡി എഫ് കണ്‍വീനര്‍ ഇ പി ജയരാജന്റെ കുടുംബം ഉപേക്ഷിക്കുന്നു. ഇ പിയുടെ ഭാര്യ ഇന്ദിരയും മകന്‍ ജെയ്സണുമാണ് തങ്ങളുടെ 9,199 ഓഹരികള്‍ വില്‍ ക്കു ന്നത്

കണ്ണൂര്‍ : മൊറാഴ വൈദേകം ആയുര്‍വേദ റിസോര്‍ട്ടിലെ ഓഹരികള്‍ എല്‍ ഡി എഫ് കണ്‍വീനര്‍ ഇ പി ജയരാജന്റെ കുടുംബം ഉപേക്ഷിക്കുന്നു. ഇ പിയുടെ ഭാര്യ ഇന്ദിരയും മകന്‍ ജെയ്സണുമാണ് തങ്ങളുടെ 9,199 ഓഹരികള്‍ വില്‍ക്കുന്നത്. ഇന്ദിരക്ക് 81.99 ലക്ഷത്തിന്റേയും ജെയ്സണ് 10 ലക്ഷം രൂപയുടെയും ഓ ഹരികളാണുള്ളത്. ആദായ നികു തി വകുപ്പിന്റെ റെയ്ഡിന്റെയും നോട്ടീസിന്റെയും രാഷ്ട്രീയ വിവാദങ്ങ ളുടെയും പശ്ചാത്തലത്തിലാണ് തീരുമാനം.

റിസോര്‍ട്ടിന്റെ ഉടമസ്ഥരായ കണ്ണൂര്‍ ആയുര്‍വേദിക് മെഡിക്കല്‍ കെയര്‍ പ്രൈവറ്റ് ലിമിറ്റഡ് കമ്പനിയുടെ ഷെയര്‍ ഉടമകള്‍ ആരൊക്കെയാണെന്നും അവര്‍ക്ക് എത്ര വീതം ഓ ഹരികള്‍ ഉണ്ടെന്നും ആരാഞ്ഞാണ് ടാക്‌സ് ഡിഡക്റ്റഡ് അറ്റ് സോഴ്‌സ് (ടി ഡി എസ്) വിഭാഗം നോട്ടീസ് നല്‍കിയത്. റിസോര്‍ട്ട് നിര്‍മാണവുമാ യി ബന്ധപ്പെട്ട കരാറുകളു ടെ വിശദാംശങ്ങള്‍, രേഖകള്‍, ഉടമകളുടെ നിക്ഷേപം സംബന്ധിച്ച രേഖകള്‍ അടക്കമാണ് ടി ഡി എസ് വിഭാഗം ആവശ്യപ്പെട്ടത്.

വ്യക്തിയെന്ന നിലയില്‍ ഇ പിയുടെ ഭാര്യ ഇന്ദിരക്കാണ് കൂടുതല്‍ ഷെയറുകള്‍. റിസോര്‍ട്ടിന്റെ മുന്‍ എം ഡി. കെ പി രമേശ് കുമാറിനും മകള്‍ക്കും 99.99 ലക്ഷം രൂപയുടെ 9, 999 ഷെയറുകളുണ്ട്.സംസ്ഥാന കമ്മി റ്റി യോഗത്തില്‍ കണ്ണൂര്‍ മുന്‍ സെക്രട്ടറി പി ജയരാജനാണ് റിസോര്‍ട്ടിനെ സംബന്ധിച്ച് പാര്‍ട്ടി അന്വേഷി ക്കണമെന്ന് ആവശ്യപ്പെട്ടത്.