തിരുവനന്തപുരം: വിദേശ രാജ്യങ്ങളിലേയ്ക്കുളള അനധികൃത റിക്രൂട്ട്മെന്റുകള്, വിസാ തട്ടിപ്പുകള് എന്നിവ നിയന്ത്രിക്കുന്നതിന് രൂപീകരിച്ച ഓപ്പറേഷന് ശുഭയാത്ര ടാസ്ക് ഫോഴ്സിന്റെ ആദ്യ യോഗം തിരുവനന്തപുരം നോര്ക്ക സെന്ററില് ചേർന്നു. അനധികൃതവും വ്യാജവുമായ വിദേശ തൊഴില് റിക്രൂട്ട്മെന്റുകള്, വിസാ തട്ടിപ്പ്, സ്റ്റുഡന്റ് വിസാ തട്ടിപ്പ്, വിസിറ്റ് വിസയിലെത്തിയുളള റിക്രൂട്ട്മെന്റ് തട്ടിപ്പുകള്, റഷ്യ, പോളണ്ട്, നെതര്ലാന്റ്സ്, തായ്ലന്റ്, കമ്പോഡിയ, ലാവോസ്, ന്യൂസിലാന്റ് എന്നിവിടങ്ങളിലേയ്ക്കുളള തൊഴില് തട്ടിപ്പുകള് എന്നിവയുള്പ്പെടെ യോഗം വിലയിരുത്തി. ഇത്തരം തട്ടിപ്പുകളിൽ നടപടി വേണമെന്ന മുഖ്യമന്ത്രി പിണറായി വിജയന്റെ നിര്ദ്ദേശത്തെതുടര്ന്ന് രൂപീകരിച്ചതാണ് ഓപ്പറേഷന് ശുഭയാത്ര ടാക്സ് ഫോഴ്സ്.
സ്റ്റുഡന്റ്-വിസിറ്റ് വിസ തട്ടിപ്പുകളില് നടപടി സ്വീകരിക്കുന്നതിന് നിലവില് നിയമപരിമിധിയുണ്ട്. ഇക്കാര്യത്തില് നിയമനിര്മ്മാണ്ണത്തിന്റെ ആവശ്യകത സംബന്ധിച്ച് സംസ്ഥാന സര്ക്കാറിന്റെ ശ്രദ്ധയില്പെടുത്താനും യോഗം തീരുമാനിച്ചു. റിക്രൂട്ടമെന്റ് തട്ടിപ്പ് പരാതികള് കൂടുതലുളള വിവിധ പൊലീസ് സ്റ്റേഷന് പരിധികള് (ഹോട്ട് സ്പോട്ടുകള്) കണ്ടെത്തിയിട്ടുണ്ട്. ഇക്കാര്യത്തില് ആവശ്യമായ നടപടികള് സ്വീകരിക്കേണ്ടതുണ്ടെന്നും യോഗം തീരുമാനിച്ചു.
വിസാ തട്ടിപ്പുകള്ക്കെതിരെയുളള പ്രചാരണ പ്രവര്ത്തനങ്ങള് മാധ്യമങ്ങള് വഴി വിപുലീകരിക്കാനും ഹോട്ട് സ്പോട്ടുകളില് പ്രത്യേകം ബോധവല്ക്കരണ പരിപാടികള് സംഘടിപ്പിക്കാനും തീരുമാനിച്ചു. കൃത്യമായ സമയത്തും ആവശ്യമായ വിവരങ്ങളോടെയും പരാതിപ്പെടേണ്ടതിന്റെ ആവശ്യകത സംബന്ധിച്ചും ബോധവല്ക്കരണം സംഘടിപ്പിക്കാനും തീരുമാനിച്ചതായി യോഗം അറിയിച്ചു.
നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരി, തിരുവനന്തപുരം, എറണാകുളം പ്രൊട്ടക്ടര് ഓഫ് ഇമിഗ്രന്സ് ശ്യാംചന്ദ്. സി (ഐ.എഫ്.എസ്), എം. രാമ കൃഷ്ണ എന്നിവരും എൻആർഐ സെല്ലില് നിന്നും എസ്പി അശോകകുമാർ. കെ, ഡിവൈഎസ്പി എസ്. ശ്രീകാന്ത്, ഇൻസ്പെക്ടർ പ്രകാശ് കെ.എസ് എന്നിവരും നോര്ക്ക റൂട്ട്സ് പ്രതിനിധികളും യോഗത്തിൽ പങ്കെടുത്തു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.