ലോക ഹെറിറ്റേജ് പട്ടികയിൽ ഇടം നേടി കുവൈറ്റിലെ നൈയ്ഫ് കൊട്ടാരവും

ലോക ഹെറിറ്റേജ് പട്ടികയിൽ ഇടം നേടി കുവൈറ്റിലെ നൈയ്ഫ് കൊട്ടാരവും

കുവൈറ്റ്  സിറ്റി : ലോക പൈതൃക പട്ടികയിൽ നൈയ്ഫ് കൊട്ടാരം, ഇസ്ലാമിക് വേൾഡ് എജ്യുക്കേഷണൽ, സയന്റിഫിക് ആൻഡ് കൾച്ചറൽ ഓർഗനൈസേഷൻ (ISESCO) ഉൾപ്പെടുത്തി. സംഘടനയുടെ ഇസ്ലാമിക് വേൾഡ് ഹെറിറ്റേജ് കമ്മിറ്റിയുടെ പത്താമത്തെ യോഗത്തിലാണ് കുവൈത്തിലെ നെയ്ഫ് കൊട്ടാരത്തെ ഇസ്ലാമിക ലോകത്തിലെ പൈതൃക പട്ടികയിൽ ഉൾപ്പെടുത്തിയത്.

ഒരു നൂറ്റാണ്ടിലേറെ പഴക്കമുള്ള നൈയ്ഫ് കൊട്ടാരം ഉൾപ്പെടുന്നത് ഇസ്‌ലാമിക ലോകത്തിലെ ഏറ്റവും പ്രധാനപ്പെട്ട കൊട്ടാരങ്ങളിലൊന്നായ അതിന്റെ ചരിത്രപരവും പൈതൃകവുമായ പ്രാധാന്യത്തിനും ലഭിച്ച അംഗീകാരമാണെന്ന് സംഘടനയിലെ കുവൈത്ത് പ്രതിനിധിയും ഇസ്ലാമിക് വേൾഡ് ഹെറിറ്റേജ് കമ്മിറ്റി തലവനുമായ ഡോ. വലീദ് അൽ സെയ്ഫ് പറഞ്ഞു.

ഇരുപതാം നൂറ്റാണ്ടിന്റെ ആദ്യപാദത്തിൽ കുവൈത്തിൽ ഉണ്ടായിരുന്ന വാസ്തുവിദ്യയുടെ മഹത്വത്തിന് സാക്ഷ്യമായാണ് നൈയ്ഫ്  കൊട്ടാരം നിലനിൽക്കുന്നത്. ഖിബ്ല പ്രദേശത്ത്  28,882 ചതുരശ്ര മീറ്റർ വിസ്തൃതിയിലാണ് നൈയ്ഫ് പാലസ് സ്ഥിതി ചെയ്യുന്നത്. 214 മുറികളാൽ ചുറ്റപ്പെട്ട ചതുരാകൃതിയിലാണ് ഇതിൻ്റെ നിർമ്മാണമെന്നും അദ്ദേഹം കൂട്ടിച്ചേർത്തു.