ലോക്ഡൗണ്‍ നിയന്ത്രണങ്ങളില്‍ ഇളവ്, ആറുദിവസം എല്ലാ കടകളും തുറക്കാം ; അവലോകനയോഗം ഇന്ന്

ഇന്ന് വൈകിട്ട് ചേരുന്ന അവലോകന യോഗത്തില്‍ ചീഫ് സെക്രട്ടറിതല ശുപാര്‍ശ സംബ ന്ധിച്ച് അന്തിമ തീരുമാനം എടുക്കും. കടകള്‍ തുറക്കുന്ന സമയവും ഇന്ന് തീരുമാനിക്കും

തിരുവനന്തപുരം : ശനി, ഞായര്‍ ദിവസങ്ങളിലെ വാരാന്ത്യ ലോക്ക്ഡൗണ്‍ പിന്‍വലിക്കാന്‍ ഇന്ന് തീ രുമാനമുണ്ടായേക്കും. സംസ്ഥാനത്ത് കോവി ഡ് നിയന്ത്രണങ്ങളില്‍ നിലവിലെ രീതയില്‍ മാറ്റം വരു ത്തുന്നത് സംബന്ധിച്ച് ഇന്നു തീരുമാനമെടുക്കും. സ്ഥിതിഗതികള്‍ വിലയിരുത്താന്‍ വൈകീട്ട് മുഖ്യ മന്ത്രിയുടെ അധ്യക്ഷതയില്‍ അവലോകന യോഗം ചേരും. ലോക്ഡൗണ്‍ സംബന്ധിച്ച് വിദഗ്ധ സ മിതി ശുപാര്‍ശകള്‍ യോഗം ചര്‍ച്ച ചെയ്യും.

വാരാന്ത്യ ലോക്ക്ഡൗണ്‍ ഞായറാഴ്ച മാത്രമാക്കുക, ആഴ്ചയില്‍ ആറ് ദിവസം എല്ലാ കടകളും തുറക്കാ ന്‍ അനുമതി നല്‍കു തുടങ്ങിയവയാണ് പ്രധാന ശുപാര്‍ശകള്‍. രോഗവ്യാപനം കൂടിയ വാര്‍ഡുകള്‍ മാത്രം അടച്ചുള്ള ബദല്‍ നടപടിയാണ് ആലോചിക്കുന്നത്. നിലവിലെ രീതി മാറ്റി, മൈക്രോ കണ്ടെ യ്മെന്‍മെന്റ് സോണുകള്‍ കേന്ദ്രീകരിച്ച് നിയന്ത്രണങ്ങള്‍ ഏര്‍പ്പെടുത്താനാവും പ്രധാന നിര്‍ദേശം.

രോഗവ്യാപനം ഇല്ലാത്ത ഇടങ്ങളില്‍ എല്ലാ ദിവസവും എല്ലാ കടകളും തുറക്കുക എന്നതാണ് പരിഗ ണിക്കുന്ന മറ്റൊരു പ്രധാന നിര്‍ദേശം. പരിപൂര്‍ണ്ണമായി ഇളവുകള്‍ നല്‍കുന്നതിന് എതിരെ കേന്ദ്രം സ്വീകരിക്കുന്ന നിലപാടും സര്‍ക്കാര്‍ പരിഗണിക്കും. എന്നാല്‍ ഓണക്കാലവും, നിയന്ത്രണങ്ങള്‍ക്ക് എതിരായ പ്രതിഷേധവും കണക്കിലെടുത്തു കൂടുതല്‍ ഇളവുകള്‍ക്ക് തന്നെയാണ് സാധ്യത. ഒരുവ ശത്ത് മുഴുവന്‍ അടച്ചുപൂട്ടിയിട്ടും കുറ യാത്ത കേസുകള്‍ മറുവശത്ത് ലോക്ക്ഡൗണിനെതിരെ ഉയ രുന്ന കടുത്ത പ്രതിഷേധവും മുഴുവന്‍ തുറന്നിടരുതെന്ന കേന്ദ്ര നിര്‍ദ്ദേശവും, വലിയ സമ്മര്‍ദ്ദത്തി ലാണ് സംസ്ഥാന സര്‍ക്കാര്‍

നിലവില്‍ ടിപിആര്‍ അടിസ്ഥാനത്തിലുള്ള കോവിഡ് നിയന്ത്രണങ്ങളാണ് ഏര്‍പ്പെടുത്തി വരുന്നത്. എന്നാല്‍ ഇതിനെതിരെ ആരോഗ്യ വിദഗ്ധരും കച്ചവടക്കാരും അടക്കം രംഗത്തെത്തിയിരുന്നു. ഈ സാഹചര്യത്തില്‍ ടിപിആര്‍ അടിസ്ഥാനത്തിലുള്ള കോവിഡ് നിയന്ത്രണങ്ങളില്‍ മാറ്റം കൊണ്ട് വരു ന്നത് അടക്കമുള്ള വിഷയങ്ങളില്‍ അവലോകന യോഗം ചര്‍ച്ച ചെയ്യും.