ലോക്ക്ഡൗണ്‍ നീട്ടുന്ന കാര്യത്തില്‍ തീരുമാനമായിട്ടില്ല; കോവിഡ് കേസുകള്‍ കുറഞ്ഞാലും ജാഗ്രത തുടരണമെന്ന് മന്ത്രി

പ്രതിദിന രോഗികളുടെ എണ്ണം, ടെസ്റ്റ് പോസിറ്റിവിറ്റി നിരക്ക് എന്നിവ പരിഗണിച്ചാവും ലോക്ക്ഡൗ ണ്‍ നീട്ടുന്ന കാര്യത്തില്‍ അന്തിമ തീരുമാനമുണ്ടാവുകയെന്ന് ആരോഗ്യമന്ത്രി വീണ ജോര്‍ജ്

തിരുവനന്തപുരം: ജൂണില്‍ ലോക്ക്ഡൗണ്‍ തുടരണമോയെന്ന കാര്യത്തില്‍ തീരുമാനമെടു ത്തിട്ടി ല്ലെന്ന് ആരോഗ്യമന്ത്രി വീണ ജോര്‍ജ്. മുഖ്യമന്ത്രിയുടെ നേതൃത്വത്തിലുള്ള വിദഗ്ധ സമിതിയാണ് ഇക്കാര്യത്തില്‍ തീരുമാനമെടുക്കുക. പ്രതിദിന രോഗികളുടെ എണ്ണം, ടെസ്റ്റ് പോസിറ്റിവിറ്റി നിരക്ക് എന്നിവ പരിഗണിച്ചാവും ഇക്കാര്യത്തില്‍ അന്തിമ തീരുമാനമുണ്ടാവുകയെന്നും വീണ ജോര്‍ജ് പറഞ്ഞു.

മേയ് മാസത്തിന് ശേഷം സംസ്ഥാനത്ത് കോവിഡ് രോഗികളുടെ എണ്ണം കുറഞ്ഞേക്കാമെന്ന് വീണ ജോര്‍ജ് പറഞ്ഞു. ലോക്ക്ഡൗണ്‍ എത്രത്തോളം ഫലപ്രദമായിട്ടുണ്ടെന്ന് വ്യക്തമാവുക മേയ് മാസ ത്തിന് ശേഷമാവും. ഇപ്പോള്‍ ഏര്‍പ്പെടുത്തിയ കടുത്ത നിയന്ത്രണത്തിന്റെ ഫലം അടുത്ത മാസം ഉണ്ടാവുമെന്നാണ് പ്രതീക്ഷിക്കുന്നതെന്നും വീണ ജോര്&്വംഷ;ജ് പറഞ്ഞു.

കോവിഡിനൊപ്പം ഡെങ്കിപ്പനി പോലുള്ള മറ്റ് രോഗങ്ങളും പടരാനുള്ള സാധ്യതയുണ്ട്. ഈ രോഗങ്ങ ള്‍ക്കെതിരെയും ജനങ്ങളുടെ ജാഗ്രത വേണ മെന്ന് മന്ത്രി ആവശ്യപ്പെട്ടു. വ്യക്തിശുചിത്വവും പരി സരശുചിത്വവും ഉറപ്പാക്കാം. മിക്കയിടങ്ങളിലും മഴയുണ്ട്. കാലവര്‍ഷം തുടങ്ങുന്നതിനു മുമ്പേ ശക്തമായ മഴയാണ് നമുക്ക് ലഭിക്കുന്നത്. കൊതുകുകള്‍ക്ക് വളരാനുള്ളയിടങ്ങള്‍ കണ്ടെത്തി ഇല്ലാതാക്കണമെന്നും മന്ത്രി അറിയിച്ചു.

വെള്ളം കളഞ്ഞ ശേഷം ചിരട്ടകളും പാത്രങ്ങളുമൊക്കെ കമിഴ്ത്തി വെയ്ക്കണം. എലിപ്പനിയക്കെതിരെ യും ജാഗ്രത വേണം. ഞായറാഴ്ച ഡ്രൈ ആണ്. വീടും പരിസരവും നമുക്ക് വൃത്തിയാക്കാം. ആരോഗ്യ മന്ത്രി ഫേസ്ബുക്കില്‍ കുറിച്ചു.