ലീഗ് സ്ഥാനാര്‍ഥികളെ പ്രഖ്യാപിച്ചു ; കരുത്ത് തെളിയിക്കാന്‍ ഏക വനിത സ്ഥാനാര്‍ത്ഥി നൂര്‍ബിന റഷീദ്

മലപ്പുറം : നിയമസഭയിലേക്ക് മത്സരിക്കാനായി പി.കെ കുഞ്ഞാലിക്കുട്ടി രാജിവെച്ച മലപ്പുറം ലോക്‌സഭ മണ്ഡലത്തില്‍ ഉള്‍പ്പെടെയുള്ള സീറ്റുകളില്‍ മുസ്‌ലീംലീഗ് സ്ഥാനാര്‍ഥികളെ പ്രഖ്യാപിച്ചു. നിയമസഭ തിരഞ്ഞെടുപ്പില്‍ 27 സീറ്റുകളിലാണ് മുസ്ലിംലീഗ് മത്സരിക്കുക. മലപ്പുറം ലോക്‌സഭ മണ്ഡലത്തില്‍ എം.പി.അബ്ദുസ്സമദ് സമദാനി സ്ഥാനാര്‍ത്ഥിയാകും. ഒഴിവ് വരുന്ന രാജ്യസഭ സീറ്റിലേക്ക് പി.വി അബ്ദുല്‍ വഹാബ് തുടരും. 1996ന് ശേഷം ആദ്യമായി വനിത സ്ഥാനാര്‍ത്ഥിയായി കോഴിക്കോട് സൗത്ത് മണ്ഡലത്തില്‍ നൂര്‍ബിന റഷീദിനെ മത്സരത്തിനിറക്കും. സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങളാണ് സ്്ഥാനാര്‍ത്ഥികളെ പ്രഖ്യാപിച്ചത്. കഴിഞ്ഞ നിയമസഭാ തെരഞ്ഞെടുപ്പില്‍ 24 സീറ്റുകളിലേക്കാണ് മത്സരിച്ചിരുന്നത്. ഇത്തവണ 27 സീറ്റുകളിലേക്കാണ് പരിഗണിക്കുന്നത്. പുനലൂര്‍, ചടയമംഗലം, പേരാമ്പ്ര എന്നിവടങ്ങളിലെ സ്ഥാനാര്‍ത്ഥികളെ പിന്നീട് പ്രഖ്യാപിക്കും.

മലപ്പുറം ലോക്‌സഭ സീറ്റ് : അബ്ദുസമദ് സമദാനി

രാജ്യസഭ സീറ്റ് : പി വി അബ്ദുള്‍ വഹാബ്

നിയമസഭ മണ്ഡലം സ്ഥാനാര്‍ഥികള്‍

മഞ്ചേശ്വരം: എ കെ എം അഷറഫ്

കാസര്‍കോട് : എന്‍ എ നെല്ലിക്കുന്ന്

കൂത്തുപറമ്പ് : പൊട്ടന്‍കണ്ടി അബ്ദുള്ള

അഴീക്കോട് : കെ എം ഷാജി

കുറ്റ്യാടി : പാറയ്ക്കല്‍ അബ്ദുള്ള

കോഴിക്കോട് സൗത്ത് : അഡ്വ. നൂര്‍ബിന റഷീദ്

കുന്നമംഗലം : ദിനേശ് പെരുമണ്ണ (യുഡിഎഫ് സ്വതന്ത്രന്‍)

തിരുവമ്പാടി : സിപി ചെറിയമുഹമ്മദ്

മലപ്പുറം : പി ഉബൈദുള്ള

ഏറനാട് : പി കെ ബഷീര്‍

മഞ്ചേരി : അഡ്വ യു എ ലത്തീഫ്

പെരിന്തല്‍മണ്ണ : നജീബ് കാന്തപുരം

താനൂര്‍ : പി കെ ഫിറോസ്

കോട്ടയ്ക്കല്‍ : കെ കെ ആബിദ് ഹുസൈന്‍ തങ്ങള്‍

മങ്കട : മഞ്ഞളാംകുഴി അലി

വേങ്ങര : പി കെ കുഞ്ഞാലിക്കുട്ടി

തിരൂര്‍ : കുറുക്കോളി മൊയ്ദീന്‍

ഗുരുവായൂര്‍ : അഡ്വ. കെഎന്‍എ ഖാദര്‍

മണ്ണാര്‍ക്കാട് : അഡ്വ. എന്‍ ഷംസുദ്ദീന്‍

തിരൂരങ്ങാടി : കെപിഎ മജീദ്

കളമശ്ശേരി : അഡ്വ വി ഇ ഗഫൂര്‍

കൊടുവള്ളി : എം കെ മുനീര്‍

കോങ്ങാട് : യു സി രാമന്‍