മൂന്നാം തരംഗം തീവ്രം ; രാജ്യത്ത് പ്രതിദിന രോഗികള്‍ രണ്ട് ലക്ഷത്തിലേക്ക്, 1,94,720 പേര്‍ക്ക് കോവിഡ്

രാജ്യത്ത് മൂന്നാം തരംഗം രൂക്ഷമായതോടെ കോവിഡ് ബാധിതരുടെ എണ്ണം കുതിച്ചു യരുന്നു. പ്രതിദിന കേസുകള്‍ രണ്ട് ലക്ഷത്തേക്ക് അടുക്കുകയാണ്.ഇന്നലെ 1,68,063 പേരുടെ കോവിഡ് പരിശോധനാ ഫലം പോസിറ്റീവ് ആയപ്പോള്‍ ഇന്ന് 1,94,720 ആയി ഉയര്‍ന്നു

ന്യൂഡല്‍ഹി: രാജ്യത്ത് മൂന്നാം തരംഗം രൂക്ഷമായതോടെ കോവിഡ് ബാധിതരുടെ എണ്ണം കുതിച്ചുയരു ന്നു. പ്രതിദിന കേസുകള്‍ രണ്ട് ലക്ഷത്തേക്ക് അടുക്കുകയാണ്. ഇന്നലെ 1,68,063 പേരുടെ കോവിഡ് പരി ശോധനാ ഫലം പോസിറ്റീവ് ആയപ്പോള്‍ ഇന്ന് 1,94,720 ആയി ഉയര്‍ന്നു. കഴിഞ്ഞ ദിവസത്തെ പ്രതിദിന കേസുകളുമായി താരതമ്യം ചെയ്യുമ്പോള്‍ 26,657 രോഗികളുടെ വര്‍ധനവാണ് ഉണ്ടായിരിക്കുന്നത്.

നിലവില്‍ രാജ്യത്തെ ആക്ടിവ് കേസുകള്‍ 9.55.319 ആണ്. പ്രതിദിന ടെസ്റ്റ് പോസിറ്റിവിറ്റി നിരക്ക് 11.05 ശ തമാനം. കോവിഡ് വ്യാപനം ആരംഭിച്ച് ഇതുവരെ 36,070,510 പേര്‍ ക്കാണ് രോഗം സ്ഥിരീകരിച്ചിരിക്കുന്ന ത്. 60,405 പേരാണ് രോഗമുക്തി നേടിയത്. 442 പേര്‍ വൈറസ് ബാധ മൂലം മരിച്ചു.

തമിഴ്നാട്ടിലും കര്‍ണാടകയിലുമായി ഇന്നലെ മുപ്പതിനായിരത്തോളം പേര്‍ക്ക് കോവിഡ് സ്ഥി രീകരിച്ചു. കര്‍ണാടകയില്‍ 14,473 പേര്‍ക്കാണ് കോവിഡ് സ്ഥിരീകരിച്ചത്. 5 പേര്‍ മരിച്ചു. ചികി ത്സയിലുള്ളവരുടെ എ ണ്ണം 73,260 ആയി. ടിപിആര്‍ 10.30 ആയി ഉയര്‍ന്നു.

തമിഴ്നാട്ടില്‍ 15,379 പേര്‍ക്കാണ് വൈറസ് ബാധ കണ്ടെത്തിയത്. ചെന്നൈയിലാണ് കൂടുതല്‍ രോഗികള്‍. പതിനെട്ടിന് മേലെയാണ് ടിപിആര്‍. മഹാരാഷ്ട്രയില്‍ മുംബൈയില്‍ മാത്രം ഇന്ന ലെ 11,647 പേര്‍ക്കാണ് കോവിഡ് സ്ഥിരീകരിച്ചു. രണ്ട് പേര്‍ മരിച്ചു. നഗരത്തില്‍ മാത്രം ചികിത്സ യിലുള്ളവര്‍ ഒരുലക്ഷം കടന്നു.

ബംഗാളില്‍ 21,098 പേര്‍ക്കാണ് വൈറസ് ബാധ. ടിപിആര്‍ 32.35. 19 പേര്‍ മരിച്ചു. ചികിത്സയിലുള്ളവരുടെ എണ്ണം ഒരുലക്ഷത്തിന് മുകളിലായി.

ഒമിക്രോണ്‍ ബാധിതരുടെ എണ്ണത്തിലും വര്‍ധന

രാജ്യത്ത് ഒമിക്രോണ്‍ ബാധിതരുടെ എണ്ണത്തിലും വര്‍ധനവ് ഉണ്ടായിട്ടുണ്ട്. കഴിഞ്ഞ ദിവസം 4461 പേര്‍ക്ക് ഒമിക്രോണ്‍ സ്ഥിരീകരിച്ചപ്പോള്‍ ഇന്ന് അത് 4,868 ആയി വര്‍ധിച്ചു.