രാജ്യത്ത് കോവിഡ് മരണം 4,000 ത്തിലധികം, 4,01,078 പേര്‍ക്ക് രോഗ ബാധ ; മൂന്നാം തരംഗം തടയാന്‍ കര്‍ശന നടപടി

രാജ്യത്ത് ആദ്യമായി പ്രതിദിന കോവിഡ് മരണനിരക്ക് 4,000 ത്തിലധികം. ഇരുപത്തിനാലു മണിക്കൂറിനിടെ രാജ്യത്ത് 4,01,078 പേര്‍ക്കാണ് വൈറസ് ബാധ സ്ഥിരീകരിച്ചത്. 4187 പേര്‍ കോവിഡ് മൂലം മരിച്ചു

ന്യൂഡല്‍ഹി : രാജ്യത്ത് ആദ്യമായി പ്രതിദിന കോവിഡ് മരണനിരക്ക് 4,000 ത്തിലധികം. ഇരുപത്തിനാലു മണിക്കൂറിനിടെ രാജ്യത്ത് 4,01,078 പേര്‍ക്കാണ് വൈറസ് ബാധ സ്ഥിരീകരിച്ചത്. 4187 പേര്‍ കോവിഡ് മൂലം മരിച്ചു. ആഴ്ചയില്‍ നാലാം തവണയും 4 ലക്ഷത്തിലധികം പ്രതിദിന കേസുകള്‍ റിപോര്‍ട്ട് ചെയ്തു.

ഇന്നലെ 3,18,609 പേരാണ് രോഗമുക്തി നേടിയത്. ഇതുവരെ രാജ്യത്ത് കോവിഡ് ബാധിച്ചത് 2,18,92,676 പേര്‍ക്ക്. ഇതില്‍ 1,79,30,960 പേര്‍ രോഗമുക്തരായി. 2,38,270 പേരാണ് ഇതുവരെ കോവിഡ് ബാധിച്ചു മരിച്ചത്. ഇന്നലെ വരെയുള്ള കണക്ക് അനുസരിച്ച് രാജ്യത്ത് 16,73,46,544 പേര്‍ വാക്സിന്‍ സ്വീകരിച്ചതായും കേന്ദ്ര ആരോഗ്യമന്ത്രാലയം അറിയിച്ചു.

മഹാരാഷ്ട്രയില്‍ ഇന്നലെ 54,022 പേര്‍ക്കാണ് കോവിഡ് സ്ഥിരീകരിച്ചത്. 37,386 പേര്‍ക്ക് മാത്രമാണ് രോഗ മുക്തി. സംസ്ഥാനത്തെ ആകെ കേസുകള്‍ 49,96,758. ഇതുവരെയായി 42,65,326 പേര്‍ക്കാണ് രോഗ മുക്തി. ആകെ മരണം 74,413. നിലവില്‍ സംസ്ഥാനത്ത് 6,54,788 പേരാണ് ചികിത്സയിലു ള്ളത്.കര്‍ണാടകയിലും സ്ഥിതി രൂക്ഷമായി തന്നെ തുടരുകയാണ്. ഇന്നലെ 48,781 പേര്‍ക്കാണ് രോഗം സ്ഥിരീകരിച്ചത്. 592 പേര്‍ മരിച്ചു. ഉത്തര്‍പ്രദേശില്‍ 28,076 പേര്‍ക്കും തമിഴ്നാട്ടില്‍ 26,465 പേര്‍ക്കും രോഗം ബാധിച്ചു.

അതേസമയം ശക്തമായ നടപടികള്‍ സ്വീകരിച്ചാല്‍ മൂന്നാം കോവിഡ് തരംഗം സംഭവിക്കാനിടയി ല്ലെന്ന് സര്‍ക്കാര്‍ വ്യക്തമാക്കി.