രാജ്യത്ത് കോവിഡ് ബാധിതര്‍ കുറയുന്നു; ഇന്നലെ 1.34 ലക്ഷം രോഗികള്‍, മൂവായിരത്തില്‍ താഴെ മരണം

കഴിഞ്ഞ ഏഴ് ദിവസമായി രണ്ട് ലക്ഷത്തില്‍ താഴെയാണ് പ്രതിദിന രോഗബാധിതരുടെ എണ്ണം. 24 മണിക്കൂറിനിടെ 1,34,154 പേര്‍ക്കാണ് പുതുതായി രോഗം സ്ഥിരീകരിച്ചത്. 2,887 പേര്‍ കോവിഡ് ബാധിതരായി മരിച്ചു

ന്യൂഡല്‍ഹി : രാജ്യത്ത് പ്രതിദിന കോവിഡ് രോഗികളുടെ എണ്ണം കുറയുന്നു. കഴിഞ്ഞ ഏഴ് ദിവസ മായി രണ്ട് ലക്ഷത്തില്‍ താഴെയാണ് പ്രതിദിന രോഗബാധിതരുടെ എണ്ണം. 24 മണിക്കൂറിനിടെ 1,34,154 പേര്‍ക്കാണ് പുതുതായി രോഗം സ്ഥിരീകരിച്ചത്. 2,887 പേര്‍ കോവിഡ് ബാധിതരായി മരിച്ചു. 2,11,499 പേരാണ് രോഗമുക്തരായത്. ടെസ്റ്റ് പോസിറ്റിവിറ്റി റേറ്റ് 6.2 ശതമാനമായി താഴ്ന്നു.

അതേസമയം, മരണനിരക്കില്‍ കാര്യമായ ഇടിവ് സംഭവിച്ചിട്ടില്ല. തുടര്‍ച്ചയായ 44ാം ദിവസമാണ് രണ്ടായിരത്തിലധികം മരണം റിപ്പോര്‍ട്ട് ചെയ്യു ന്നത്. രാജ്യത്ത് ഇതുവരെ 2,84,41,986 പേരാണ് കോവിഡ് ബാധിതരായത്. ഇവരില്‍ 3,37,989 പേര്‍ മരണമടഞ്ഞു. ആകെ 2,63,90,584 പേര്‍ രോഗമു ക്തരായി. നിലവില്‍ 17,13,413 പേരാണ് ചികിത്സയിലുള്ളത്. ഇതുവരെ 22,10,43,693 പേര്‍ക്കാണ് വാക്സിന്‍ നല്‍കിയത്.

പ്രതിദിന രോഗികളുടെ കണക്കില്‍ തമിഴ്നാടാണ് മുന്നില്‍. 25,317 പേര്‍ക്കാണ് 24 മണിക്കൂറിനിടെ രോഗം ബാധിച്ചത്. കേരളം 19760, കര്‍ണാടക 19661, മഹാരാഷ്ട്ര 15169, ആന്ധ്രപ്രദേശ് 12768, പശ്ചിമ ബംഗാള്‍ 8923 എന്നിങ്ങനെയാണ് മറ്റു സംസ്ഥാനങ്ങളിലെ കണക്കുകള്‍. കോവിഡ് ഗുരു തരമായി ബാധിച്ച സംസ്ഥാനങ്ങളില്‍ മഹാരാഷ്ട്രയാണ് മുന്നില്‍. ഇതുവരെ 5,776,184 പേര്‍ക്കാണ് സംസ്ഥാന ത്ത് കോവിഡ് ബാധിച്ചത്. കര്‍ണാടക (26,35,122), കേരളം (2,566,099), തമിഴ്നാട് (2,148,346), ആന്ധ്ര പ്രദേശ് (1,717,156) എന്നിങ്ങനെയാണ് പട്ടികയില്‍ മുന്നിലുള്ള സംസ്ഥാനങ്ങളിലെ കോവിഡ് ബാധിതരുടെ കണക്കുകള്‍.