രാജ്യത്ത് അതിതീവ്ര കോവിഡ് വ്യാപനം ; 24 മണിക്കൂറിനിടെ രണ്ടു ലക്ഷത്തിലധികം രോഗബാധിതര്‍ ;1038 മരണം

തുടര്‍ച്ചയായ ഒരാഴ്ച്ച കൊണ്ട് ഒന്നര ലക്ഷത്തിലേറെ കേസുകളാണ് രാജ്യത്ത് പ്രതിദിനം റിപ്പോര്‍ട്ട് ചെയ്യുന്നത്

ന്യുഡെല്‍ഹി : രാജ്യത്ത് അതിതീവ്ര കോവിഡ് വ്യാപനം. കഴിഞ്ഞ 24 മണിക്കൂറിനിടെ രണ്ടു ലക്ഷ ത്തിലധികം (200739) പേര്‍ക്ക് കോവിഡ് സ്ഥിരീകരിച്ചു. അതേസമയം 1038 പേര്‍ കോവിഡ് ബാധിച്ച് മരിച്ചു. തുടര്‍ച്ചയായ ഒരാഴ്ച്ച കൊണ്ട് ഒന്നര ലക്ഷത്തിലേറെ കേസുകളാണ് രാജ്യത്ത് പ്രതിദിനം റിപ്പോര്‍ട്ട് ചെയ്യുന്നത്. പ്രതിദിന മരണ നിരക്ക് ഇന്നലെയും ആയിരം കടന്നിരുന്നു. രോഗബാധ നിരക്ക് ഇനിയും രൂക്ഷമാകാനാണ് സാധ്യതയെന്ന് ആരോഗ്യ മന്ത്രാലയം വ്യക്തമാക്കി.

രാജ്യത്തെ ആറ് മാസത്തിന് ശേഷം ഇന്നലെയാണ് ആയിരത്തിലധികം പേര്‍ കോവിഡ് ബാധിച്ച് മരിച്ചത്. ഇന്നും മരണനിരക്ക് ആയിരം കടന്നത് വലിയ ആശങ്ക ഉയര്‍ത്തുകയാണ്. രാജ്യത്തെ ആറ് സംസ്ഥാനങ്ങളില്‍ രോഗ വ്യാപനം അതിതീവ്രമായി തുടരുകയാണ്.