യുഡിഎഫില്‍ വനിതകള്‍ക്ക് ഒമ്പത് തോറ്റ സീറ്റുകള്‍ ; എല്‍ഡിഎഫില്‍ വനിതകള്‍ക്ക് പത്ത് വിജയിച്ച സീറ്റുകള്‍ ; കോണ്‍ഗ്രസ് വനിതകള്‍ക്ക് തലമുണ്ഡന സമരം തന്നെ ശരണം

എല്‍ഡിഎഫില്‍ സ്ത്രീ സ്ഥാനാര്‍ത്ഥികള്‍ മത്സരിക്കുന്ന പതിനഞ്ചില്‍ പത്തും മുന്നണിയുടെ സിറ്റിങ് സീറ്റുകള്‍. യുഡിഎഫില്‍ സ്ത്രീ സ്ഥാനാര്‍ത്ഥികളെ പ്രഖ്യാപിച്ച പതിനൊന്നില്‍ സിറ്റിങ് സീറ്റുകളില്‍ രണ്ടെണ്ണം മാത്രം.

എല്‍ഡിഎഫില്‍ സ്ത്രീ സ്ഥാനാര്‍ത്ഥികള്‍ മത്സരിക്കുന്ന പതിനഞ്ചില്‍ പത്തും മുന്നണിയുടെ സിറ്റിങ് സീറ്റുകള്‍. യുഡിഎഫില്‍ സ്ത്രീ സ്ഥാനാര്‍ത്ഥികളെ പ്രഖ്യാപിച്ച പതിനൊന്നില്‍ സിറ്റിങ് സീറ്റുകളില്‍ രണ്ടെണ്ണം മാത്രം.

എല്‍ഡിഎഫ് വനിത സീറ്റില്‍ സിറ്റിങ് സീറ്റ് അല്ലാത്ത അഞ്ചില്‍ രണ്ടു സീറ്റുകള്‍ ഏഴായിരത്തില്‍ താഴെ വോട്ടുകള്‍ക്ക് മാത്രം കഴിഞ്ഞതവണ എല്‍ഡിഎഫ് പരാജയപ്പെട്ടവ ആണെന്നും കണക്കുകള്‍ വ്യക്തമാക്കുന്നു.എന്നാല്‍ യുഡിഎഫ് സ്ത്രീ സ്ഥാനാര്‍ത്ഥികളെ നിര്‍ത്തിയിട്ടുള്ള പതിനൊന്നില്‍ രണ്ടു സിറ്റിങ് സീറ്റ് ഒഴികെയുള്ള ഒമ്പതില്‍ ഏഴെണ്ണവും പതിനൊന്നായിരം മുതല്‍ 43 000 വരെ വോട്ടുകളുടെ വ്യത്യാസത്തില്‍ എല്‍ഡിഎഫ് ജയിച്ച മണ്ഡലങ്ങളാണ്.സിറ്റിംഗ് സീറ്റുകളും 2016 ല്‍ ഏഴായിരത്തില്‍ താഴെ വോട്ടുകള്‍ക്ക് ജയിച്ചവയാണ്.

2016ലും ഇതേ രീതിയാണ് യുഡിഎഫ് സ്ത്രീ സ്ഥാനാര്‍ഥി നിര്‍ണ്ണയത്തില്‍ സ്വീകരിച്ചത്. അന്ന് എല്‍ഡിഎഫിന്റെ 17 സീറ്റില്‍ സ്ത്രീകള്‍ മത്സരി ച്ചപ്പോള്‍ യുഡിഎഫില്‍ നിന്ന് ആകെ ഒന്‍പതു പേര്‍ മാത്രമാണ് മത്സരിച്ചത് . അന്നും രണ്ട് സിറ്റിങ് സീറ്റ് മാത്രമാണ് യുഡിഎഫ് വനിതകള്‍ക്ക് നല്‍കിയത്.മാനന്തവാടിയില്‍ മന്ത്രി പി കെ ജയലക്ഷ്മിയും തൃശൂരില്‍ പത്മജ വേണുഗോപാലും. മറ്റുള്ളവര്‍ മത്സരിച്ച സീറ്റുകളില്‍ ഒന്നൊഴികെ എല്ലാം പതിമൂവായിരത്തിലേറെ വോട്ടിന് 2011 ല്‍ എല്‍ഡിഎഫ് ജയിച്ചവയായിരുന്നു. യുഡിഎഫിന്റെ എല്ലാ വനിതാ സ്ഥാനാര്‍ത്ഥികളും തോല്‍ ക്കുകയും ചെയ്തു. പിന്നീട് 2019 ലെ അരൂര്‍ ഉപതെരഞ്ഞെടുപ്പില്‍ ഷാനിമോള്‍ ഉസ്മാന്‍ ജയിച്ചതോടെയാണ് നിയമസഭയില്‍ യുഡിഎഫിന് വനിതാ പ്രാതിനിധ്യം ഉണ്ടായത്.

അന്നും എല്‍ഡിഎഫിന്റെ പട്ടികയില്‍ പതിനേഴില്‍ എട്ടുപേരും മത്സരിച്ചത് കഴിഞ്ഞതവണ എല്‍ഡിഎഫ് വിജയിച്ച മണ്ഡലങ്ങളിലായിരുന്നു . ശേഷിച്ച ഒമ്പതില്‍ ഏഴ് മണ്ഡലങ്ങളും 2011ല്‍ ഒമ്പതിനായിരത്തില്‍ താഴെ വോട്ടിന് എല്‍ഡിഎഫിന് നഷ്ടമായ സീറ്റുകളും.

ഇക്കുറി മട്ടന്നൂര്‍ (43381), കൊയിലാണ്ടി (13369), കോങ്ങാട്,(13271), ഇരിങ്ങാലക്കുട,(2711), ആറന്മുള (7646), കായംകുളം (11857), കുണ്ടറ (30460), ആറ്റിങ്ങല്‍ (40383), വൈക്കം (24584), ചടയമംഗലം (21928) എന്നീ സിറ്റിംഗ് സീറ്റുകളില്‍ എല്‍ഡിഎഫില്‍ നിന്ന് വനിതകള്‍ മത്സരിക്കുന്നു.(ഓരോ സീറ്റിലും കഴിഞ്ഞ തവണ എല്‍ഡിഎഫ് നേടിയ ഭൂരിപക്ഷം ബ്രാക്കറ്റില്‍). ശേഷിച്ചവയില്‍ അരൂര്‍, പിറവം മണ്ഡലങ്ങളില്‍ പതിനായിരത്തില്‍ താഴെയായിരുന്നു യുഡിഎഫ് ഭൂരിപക്ഷം.

യുഡിഎഫ് പട്ടികയിലെ അരൂര്‍ (2079), കോഴിക്കോട് സൗത്ത് (6195) എന്നീ സിറ്റിംഗ് സീറ്റുകള്‍ മാത്രമാണ് സ്ത്രീകള്‍ക്ക് മത്സരിക്കാന്‍ കിട്ടിയത്. ബാക്കി മണ്ഡലങ്ങളിലെ കഴിഞ്ഞ തെരഞ്ഞെടുപ്പിലെ എല്‍ഡിഎഫ് ഭൂരിപക്ഷം ബ്രായ്ക്കറ്റില്‍. പാറശാല (18566),കൊട്ടാരക്കര (42632), കൊല്ലം(17611), കായംകുളം (11857) , വൈക്കം (24584) ,തൃശൂര്‍ (6987), തരൂര്‍ (23068), മാനന്തവാടി (1307), വട്ടിയൂര്‍ക്കാവ് (14465). ഇതില്‍ വട്ടിയൂര്‍ക്കാവ് 2019 ലെ ഉപതെരെഞ്ഞെടുപ്പിലാണ് എല്‍ഡിഎഫ് യുഡിഎഫില്‍ നിന്ന് പിടിച്ചെടുത്തത്.