മൂന്നാറില്‍ രണ്ടിടത്ത് ഉരുള്‍പൊട്ടല്‍; വിനോദസഞ്ചാരികളുടെ വാഹനത്തിന് മുകളില്‍ മണ്ണിടിഞ്ഞ് വീണു

മൂന്നാര്‍ കുണ്ടളക്ക് സമീപം പുതുക്കുടിയില്‍ മണ്ണിടിഞ്ഞ് വീണ് അപകടം. വിനോദസഞ്ചാരികള്‍ എത്തിയ ട്രാവലറിന് മുകളിലേക്കാണ് മണ്ണിടിഞ്ഞു വീണത്. വാഹനം റോഡിനു താഴേക്ക് പതിച്ചുവെന്നാണ് കരുതുന്നത്

മൂന്നാര്‍ : മൂന്നാര്‍ കുണ്ടളക്ക് സമീപം പുതുക്കുടിയില്‍ മണ്ണിടിഞ്ഞ് വീണ് അപകടം. വിനോദസഞ്ചാരികള്‍ എത്തിയ ട്രാവലറിന് മുകളിലേക്കാണ് മണ്ണിടിഞ്ഞു വീണത്. വാ ഹനം റോഡിനു താഴേക്ക് പതിച്ചുവെന്നാ ണ് കരുതുന്നത്. ആര്‍ക്കും പരിക്കില്ലെന്നാണ് പ്രാഥമിക വിവരം.

വഴിയരികില്‍ നിര്‍ത്തിയിട്ട വാഹനമാണ് അപകടത്തില്‍ പെട്ടതെന്ന് കരുതുന്നു. ഡ്രൈവര്‍ വാഹനത്തി നുള്ളില്‍ തന്നെയുണ്ടായിരുന്നെന്ന സംശയം പ്രദേശവാസികള്‍ ഉന്നയിച്ചിട്ടുണ്ട്. പ്രദേശത്ത് ശക്തമായ മഴ തുടരുകയാണ്. പൊലീസും ഫയര്‍ ഫോഴ്‌സുമുള്‍പ്പെടെ രക്ഷാ പ്രവര്‍ത്തകര്‍ പ്രദേശത്ത് എത്തിയി ട്ടുണ്ട്.

റോഡിലേക്ക് കല്ലും മണ്ണും ഉള്‍പ്പെടെ വീണുകിടക്കുന്നതിനാല്‍ ഗതാഗതം തടസപ്പെട്ടിരിക്കുകയാണ്. കുണ്ടളയില്‍ നേരത്തെയും ഉരുള്‍പ്പൊട്ടലുണ്ടായിരുന്നു. പ്രദേശത്ത് മൂന്നു ദിവസമായി മഴ തുടരുകയാ ണെന്ന് ദേവികുളം എംഎല്‍എ എ രാജ പറഞ്ഞു.