മുന്‍ കേന്ദ്രമന്ത്രി അജിത് സിങ് കോവിഡ് ബാധിച്ച് മരിച്ചു

ചൗധരി അജിത് സിങ് കോവിഡ് ബാധിച്ച് ചികിത്സയിലായിരുന്നു

ന്യൂഡല്‍ഹി : ആര്‍എല്‍ഡി അധ്യക്ഷനും മുന്‍ കേന്ദ്രമന്ത്രിയുമായ ചൗധരി അജിത് സിങ് (82) അ ന്തരിച്ചു. കോവിഡ് ബാധിച്ച് ചികിത്സയിലാ യിരുന്നു. ശ്വാസ സംബന്ധമായ പ്രശ്‌നത്തെ തുടര്‍ന്ന് ചൊവ്വാഴ്ചയാണ് അജിത് സിങിനെ ഗുരുഗ്രാമിലുള്ള സ്വകാര്യ ആശുപത്രിയില്‍ പ്രവേശി പ്പിച്ചത്. തുടര്‍ന്ന് നില വഷളാവുകയും വ്യാഴാഴ്ച മരണം സംഭവിക്കുകയുമായിരുന്നു. ഏപ്രില്‍ 20ന് ഇദ്ദേ ഹ ത്തിന് കോവിഡ് 19 സ്ഥിരീകരിച്ചിരുന്നു.

മുന്‍ പ്രധാനമന്ത്രി ചൗധരി ചരണ്‍സിങ്ങിന്റെ മകനാണ്. മകനും എം.പിയുമായ ജയന്ത് ചൌധരി ട്വിറ്ററിലൂടെയാണ് മരണവാര്‍ത്ത അറിയിച്ചത്. പ്രധാനമന്ത്രി നരേന്ദ്ര മോദി, പ്രതിരോധ മന്ത്രി രാജ്‌നാഥ് സിങ്, കോണ്‍ഗ്രസ് നേതാവ് രാഹുല്‍ ഗാന്ധി എന്നിവര്‍ അജിത് സിങിന്റെ മരണത്തില്‍ അനുശോചിച്ചു.

നരസിംഹറാവു, മന്‍മോഹന്‍സിങ്, വാജ്‌പേയ് സര്‍ക്കാരുകളില്‍ അംഗമായിരുന്നു. നാലു കേന്ദ്രമന്ത്രിസഭകളിലാണ് മന്ത്രിയായിരുന്നു.വ്യോമയാനം, കൃഷി, വാണിജ്യം, വ്യവസായം ഉള്‍പ്പെടെ വിവിധ വകുപ്പുകള്‍ കൈകാര്യം ചെയ്തിട്ടുണ്ട്.