മലപ്പുറം : നിലമ്പൂര് എംഎല്എ പി വി അന്വറിന്റെ പ്രതികരണങ്ങള്ക്ക് മറുപടിയുമായി കെ ടി ജലീല് എംഎല്എ. തനിക്ക് അന്യന്റെ കാലില് നില്ക്കേണ്ട ഗതികേടില്ലെന്ന് ജലീല് പ്രതികരിച്ചു. ആരില് നിന്നും ഒരു രൂപ പോലും താന് കൈപ്പറ്റിയിട്ടില്ലെന്നും അദ്ദേഹം പറഞ്ഞു. തനിക്കെതിരെയുള്ള ജലീലിന്റെ നിലപാടില് അദ്ദേഹത്തെ കുറ്റം പറയാനാകില്ലെന്നും ജലീലിന് സ്വന്തമായി നില്ക്കാനുള്ള ശേഷിയില്ലെന്നുമായിരുന്നു അന്വര് വാര്ത്താ സമ്മേളനത്തില് പ്രതികരിച്ചത്. പിന്നാലെയാണ് കെ ടി ജലീല് മറുപടിയുമായി രംഗത്തെത്തിയിരിക്കുന്നത്. അന്വര് മത്സരിച്ചപ്പോഴും തൊണ്ടകീറി പ്രസംഗിച്ചിട്ടുണ്ടെന്നും അപ്പോഴും സ്ഥാനാര്ത്ഥികളില് നിന്നോ തിരഞ്ഞെടുപ്പ് കമ്മിറ്റികളില് നിന്നോ ഒരു രൂപ പോലും കൈപ്പറ്റിയില്ലെന്നും അദ്ദേഹം പറഞ്ഞു.
‘മിസ്റ്റര് പി വി അന്വര്, ആരാന്റെ കാലില് നില്ക്കേണ്ട ഗതികേട് എനിക്കില്ല. കെ ടി ജലീല് ഒരാളുടെയും കാലിലല്ല നില്ക്കുന്നത്. എന്നും സ്വന്തം കാലിലേ നിന്നിട്ടുള്ളൂ. 2006-ലെ തെരഞ്ഞെടുപ്പ് കാലത്ത് അതിസമ്പന്നനായ മഞ്ഞളാംകുഴി അലി എന്റെ തൊട്ടടുത്ത മണ്ഡലമായ മങ്കടയിലാണ് മല്സരിച്ചത്. ഒരു ‘വാള്പോസ്റ്റര്’ പോലും അദ്ദേഹത്തോട് സംഭാവന ചെയ്യണമെന്ന് ഞാന് ആവശ്യപ്പെട്ടിട്ടില്ല. 2016ല് അബ്ദുറഹിമാനും അന്വറും മല്സരിച്ച ഘട്ടത്തിലും ഒരു സാമ്പത്തിക സഹായം അവരോടും അഭ്യര്ത്ഥിച്ചിട്ടില്ല. അബ്ദുറഹ്മാനും അന്വറും ലോക്സഭയിലേക്ക് പൊന്നാനിയില് നിന്ന് മല്സരിച്ച ഘട്ടങ്ങളില്, നിരവധി പൊതുയോഗങ്ങളില് ഞാന് തൊണ്ടകീറി പ്രസംഗിച്ചിട്ടുണ്ട്. ആ സന്ദര്ഭത്തിലും സ്ഥാനാര്ത്ഥികളില് നിന്നോ തിരഞ്ഞെടുപ്പ് കമ്മിറ്റികളില് നിന്നോ കാറിന് എണ്ണയടിക്കാനോ വഴിച്ചെലവിനോ ഒരു രൂപ പോലും കൈപ്പറ്റിയിട്ടില്ല. സ്വന്തം കീശയില് നിന്ന് ഇല്ലാത്ത കാശെടുത്താണ് യോഗസ്ഥലങ്ങളില് ഓടിയെത്തിയത്. ഒരു പ്രമാണിയുടെയും ഊരമ്മേല്, ഇന്നോളം ജലീല് കൂരകെട്ടി താമസിച്ചിട്ടില്ല,’ ജലീല് പറഞ്ഞു.
സ്വന്തം കുടുംബ സ്വത്ത് പോലും വേണ്ടെന്ന് പ്രഖ്യാപിച്ചയാളാണ് താനെന്നും അദ്ദേഹം പറയുന്നു. വമ്പന്മാരായ നാല് കേന്ദ്ര അന്വേഷണ ഏജന്സികള് കൊമ്പുകുലുക്കി വേട്ടക്കിറങ്ങി പരിശോധിച്ചിട്ടും എന്റെ രോമത്തില് തൊടാന് പറ്റിയിട്ടില്ലെന്നും ജലീല് പ്രതികരിച്ചു. അന്വറിന് ശരിയെന്ന് തോന്നിയത് അന്വറും തനിക്ക് ശരിയെന്ന് തോന്നിയത് താനും പറഞ്ഞുവെന്ന് ജലീല് പറഞ്ഞു. സമ്പത്തിന്റെ കാര്യത്തില് മാത്രമേ അന്വറിനേക്കാള് പിറകിലുള്ളുവെന്നും ഇങ്ങോട്ട് മാന്യതയുണ്ടെങ്കില് അങ്ങോട്ടും മാന്യതയാണെന്ന് ജലീല് വ്യക്തമാക്കി.
‘സ്വന്തം കുടുംബ സ്വത്ത് പോലും വേണ്ടെന്ന് നേരത്തെ പ്രഖ്യാപിച്ച ഒരാള്ക്ക് ആരെപ്പേടിക്കാന്. ഇനി ഒരു തിരഞ്ഞെടുപ്പ് അങ്കത്തിനില്ലെന്ന് അര്ത്ഥശങ്കക്കിടയില്ലാത്ത വിധം വ്യക്തമാക്കിയ ഒരാള്ക്ക് നില്ക്കാന് അപരന്റെ കാലുകള് എന്തിന്? ലീഗിലായിരുന്ന കാലത്ത് സാക്ഷാല് കുഞ്ഞാലിക്കുട്ടിയെ പേടിച്ചിട്ടില്ല. എന്നിട്ടല്ലേ ഇപ്പോള്! പിണറായി വിജയനെ പിതൃതുല്യനായി കണ്ടിട്ടുണ്ട്. ഇപ്പോഴും കാണുന്നു. മരണം വരെ അങ്ങിനെ തന്നെയാകും. അത് ഭയം കൊണ്ടല്ല. സ്നേഹം കൊണ്ടാണ്. വമ്പന്മാരായ നാല് കേന്ദ്ര അന്വേഷണ ഏജന്സികള് കൊമ്പുകുലുക്കി വേട്ടക്കിറങ്ങി പരിശോധിച്ചിട്ടും എന്റെ രോമത്തില് തൊടാന് പറ്റിയിട്ടില്ല. മേല്പ്പോട്ട് നോക്കിയാല് ആകാശവും കീഴ്പോട്ട് നോക്കിയാല് ഭൂമിയും മാത്രമുള്ള എനിക്ക് പടച്ച തമ്പുരാനെയും എന്റെ ഉപ്പാനെയും ഉമ്മനെയുമല്ലാതെ മറ്റാരെയും ഭയപ്പെടേണ്ട കാര്യമില്ല. തെറ്റ് ചെയ്യുന്നവര്ക്കല്ലേ നാട്ടുകാരെപ്പോലും പേടിക്കേണ്ടതുള്ളൂ. താങ്കള്ക്ക് ശരിയെന്ന് തോന്നിയത് താങ്കള് പറഞ്ഞു. എനിക്ക് ശരിയെന്ന് തോന്നിയത് ഞാന് പറഞ്ഞു. സമ്പത്തിന്റെ കാര്യത്തില് മാത്രമേ താങ്കളെക്കാള് ഞാന് പിറകിലുള്ളൂ. ഇങ്ങോട്ട് മാന്യതയാണെങ്കില് അങ്ങോട്ടും മാന്യത. മറിച്ചാണെങ്കില് അങ്ങിനെ,’ ജലീല് പറഞ്ഞു.
മറ്റുള്ളവരുടെ കാലില് ആണ് ജലീല് നില്ക്കുന്നതെന്നും സ്വയം നില്ക്കാന് ശേഷി ഇല്ലാത്തത് കൊണ്ടാണിതെന്നും അന്വര് പറഞ്ഞിരുന്നു. ജലീലിനെ ആരെങ്കിലും ഭീഷണിപ്പെടുത്തിയത് കൊണ്ടാകാം പിന്മാറിയതെന്നും അന്വര് പറഞ്ഞിരുന്നു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.