മിശൈരിബ് ഡൗൺടൗൺ പെരുന്നാളിനെ വർണാഭമായ ആഘോഷങ്ങളോടെ വരവേൽക്കുന്നു

ദോഹ: ഖത്തറിലെ മിശൈരിബ് ഡൗൺടൗൺ ഈദുല്‍ അല്‍ അദ്ഹ ആഘോഷങ്ങൾ വിപുലമായി സംഘടിപ്പിച്ച് പെരുന്നാളിന്റെ ചിരിയും സന്തോഷവും പങ്കുവെക്കാൻ ഒരുങ്ങുന്നു. ജൂൺ 6 (വെള്ളി) മുതൽ 10 വരെ നടക്കുന്ന ആഘോഷങ്ങൾ നിറഞ്ഞുനില്ക്കുന്നത് തത്സമയ കലാപരിപാടികളോടെയും കുടുംബ സൗഹൃദ വിനോദങ്ങളോടെയുമാണ്.

വൈകുന്നേരം 4 മുതൽ രാത്രി 11 വരെയാണ് ആഘോഷങ്ങൾ നടക്കുക. പെരുന്നാൾ ദിനമായ വെള്ളിയാഴ്ച മുതൽ പരിപാടികൾ ആരംഭിക്കും.

പ്രധാന ആകർഷണങ്ങൾ:

• എന്റർടെയ്ൻമെന്റ് സ്റ്റേജ്: കലാപരിപാടികളും സംഗീതനിശകളും സംഘടിപ്പിക്കും.
• കുട്ടികൾക്കായി പ്രത്യേക മേഖല: മാജിക് ഷോ, ബബിൾ ഷോ, ഫേസ് പെയിന്റിങ്, ശാസ്ത്രീയ പരീക്ഷണങ്ങൾ, ശിൽപശാലകൾ തുടങ്ങിയവ ഉൾപ്പെടും.
• കുടുംബ സൗഹൃദ അന്തരീക്ഷം: എല്ലാ പ്രായക്കാരും ആസ്വദിക്കാവുന്ന പരിപാടികൾ ഒരുക്കിയിട്ടുണ്ട്.

മിശൈരിബിലെ ഈദ് ആഘോഷ വേദികളിലേക്ക് പ്രവേശനം സൗജന്യമാണ്.