മസ്കത്ത് : നബിദിന അവധിയും തിരുവോണവും ഒന്നിച്ചെത്തിയതോടെ മലയാളികൾ ആഘോഷ നിറവിൽ. നബിദിന അവധി തിരുവോണ നാളിൽ എത്തിയതാണ് മലയാളികൾക്ക് അനുഗ്രഹമായത്. ഒമാനിൽ നബിദിനം തിങ്കളാഴ്ചയാണെങ്കിലും പൊതു അവധി ഞായറാഴ്ചയാണ്. ഇത് മലയാളികളുടെ ഓണാഘോഷ പൊലിമ വർധിക്കാൻ കാരണമായി. അതിനാൽ ഈ വർഷം ഒമാനിലെ ഓണാഘോഷം കെങ്കേമായിരിക്കും. കുടുംബമായും ഒറ്റക്കും താമസിക്കുന്ന മലയാളികൾ ഓണാഘോഷത്തിനായി വിപുലമായ ഒരുക്കങ്ങളാണ് നടത്തുന്നത്. എന്നാൽ, വയനാട് ദുരന്ത പശ്ചാത്തലത്തിൽ പല കൂട്ടായ്മകളും ഓണം പരിപാടികൾ പൊലിമ കുറച്ചാണ് നടത്തുന്നത്.
മുസ്ലിം സംഘടനകളും കൂട്ടായ്മകളും നബിദിന പരിപാടികളും ഗംഭീരമായി നടത്തുന്നുണ്ട്. ഒമാനിലെ വിവിധ ഇടങ്ങളിൽ റബീഉൽ അവ്വൽ ഒന്ന് മുതൽ തന്നെ നബിദിന പരിപാടികൾ ആരംഭിച്ചിട്ടുണ്ട്. നബിദിനത്തിന്റെ ഭാഗമായി മസ്കത്ത് സുന്നി സെന്റർ മദ്റസയിൽ കലാത്ത് ആറിന് മൗലിദ് പാരായണം നടക്കും. നബിദിനത്തിന്റെ ഭാഗമായ മദ്റസാ കുട്ടികളുടെ വിവിധ കലാപരിപാടികൾ അടുത്ത മാസം 12 ന് അൽ ഫലാജ് ഹോട്ടൽ ഹാളിലാണ് വിപുലമായ പരിപാടികളോടെ നടക്കുക. റബീഉൽ അവ്വൽ കാമ്പയിന്റെ ഭാഗമായി മസ്കത്ത് സുന്നീ സെന്റർ ഉംറ യാത്രയും സംഘടിപ്പിച്ചു.നബിദിനത്തിന്റെ ഭാഗമായ മദ്റസാ കുട്ടികളുടെ വിവിധ കലാപരിപാടികൾ അടുത്ത മാസം 12 ന് അൽ ഫലാജ് ഹോട്ടൽ ഹാളിലാണ് വിപുലമായ പരിപാടികളോടെ നടക്കുക. റബീഉൽ അവ്വൽ കാമ്പയിന്റെ ഭാഗമായി മസ്കത്ത് സുന്നീ സെന്റർ ഉംറ യാത്രയും സംഘടിപ്പിച്ചു.
ഹാഷിം ഫൈസിയുടെ നേതൃത്വത്തിൽ ബുധനാഴ്ച രാവിലെയാണ് സംഘം യാത്ര പുറപ്പെട്ടത്. മസ്കത്ത് സുന്നി സെന്റർ ഓഫിസിൽ റബീഉൽ അവ്വൽ ഒന്ന് മുതൽ എല്ലാ ദിവസവും രാവിലെ ആറ് മണിക്ക് മൗലിദ് പാരായണവും നടക്കുന്നുണ്ട്. വാദീ കബീർ, മത്ര, കോർണീഷ് എന്നിവിടങ്ങളിലും മൗലിദ് പാരായണവും നബി ദിന പ്രഭാഷണങ്ങളും ഉണ്ട്.
അമീറാത്തിൽ ഈ മാസം 20ന് നടക്കുന്ന പരിപാടിയിൽ സിംസാറുൽ ഹഖ് ഹുദവിയാണ് മീലാദ് പ്രഭാഷണം നടത്തുന്നത്. ഷാമിഖാത്ത് ഹാളിൽ രാത്രി ഒമ്പതിനാണ് പരിപാടി. മറ്റിടങ്ങളിൽ നടക്കുന്ന പരിപാടികളിലും നാട്ടിൽനിന്നുള്ള പ്രമുഖർ പങ്കെടുക്കുന്നുണ്ട്. വിവിധ ഇടങ്ങളിൽ നബിദിന പ്രഭാഷണങ്ങളും മൗലിദ് പാരായണവുമാണ് നടക്കുന്നത്. ഒമാനിലെ മദ്റസകളിൽ നടക്കുന്ന നബിദിന പരിപാടികളിൽ ദഫ് മുട്ട് അടക്കമുള്ള പരിപാടികളും കുട്ടികളുടെ പ്രസംഗം, ഗാനം തുടങ്ങിയ കലാപരിപാടികളും നടക്കും.നബിദിന അവധി ദിവസത്തിൽ തിരുവോണം എത്തിയത് മലയാളികൾക്ക് വലിയ അനുഗ്രഹമായി. പ്രവൃത്തി ദിവസങ്ങളിൽ ഓണം എത്തിയാൽ അത് മലയാളികളുടെ ആഘോഷത്തെ ബാധിക്കാറുണ്ട്. ഇത്തരം ദിവസങ്ങൾ പലർക്കും സാധാരണ ദിവസംപേലെ കടന്നു പോകാറുണ്ട്.
മലയാളികൾ നടത്തുന്ന കമ്പനിയാണെങ്കിലും അവധി ലഭിക്കുമെങ്കിലും പലരും സാധാരണ പോലെ ഓണ ദിവസവും ജോലിക്കെത്തുകയാണ് പതിവ്. എന്നാൽ ഈ വർഷം പൊതു അവധിയും വാരാന്ത്യവുമെക്കെ ഒത്ത് വരുന്നതിനാൽ എല്ലാ മലയാളികൾക്കും ഓണം ആഘോഷിക്കാൻ കഴിയും. പലരും ഓണാഘോഷം താമസ ഇടത്ത് തന്നെയാണ് ഒരുക്കുക. വിവിധ സ്ഥലങ്ങളിൽ ഒറ്റക്ക് താമസിക്കുന്നവർ ഏതെങ്കിലും താമസ ഇടങ്ങളിൽ ഒത്തുകൂടിയും ആഘോഷം പൊലിപ്പിക്കും. കുട്ടായിരുന്ന സദ്യ ഒരുക്കിയും പൂക്കളം ഒരുക്കിയുമൊക്കെയാണ് ആഘോഷം നടത്തുക. പൊതു അവധി ആയതിനാൽ ഹോട്ടലുകളിൽ ഒരുക്കുന്ന ഓണ സദ്യക്കും ആവശ്യക്കാർ വർധിച്ചിട്ടുണ്ട്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.