മലപ്പുറത്ത് അമ്മയും മകളും പാടത്തെ വെള്ളക്കെട്ടില്‍ മുങ്ങിമരിച്ചു

ചങ്ങരംകുളം ഒതളൂര്‍ വെമ്പുഴ പാടശേഖരത്തില്‍ യുവതിയും മകളും മുങ്ങി മരിച്ചു. ഷൈനി(40), മകള്‍ ആശ്ചര്യ (12) എന്നിവരാണ് മരിച്ചത്. ഓണാവധിക്ക് ഒതളൂര്‍ ബന്ധു വീട്ടിലേക്ക് കഴിഞ്ഞ ദിവസം എത്തി യതായിരുന്നു അമ്മയും മകളും

മലപ്പുറം : ചങ്ങരംകുളം ഒതളൂര്‍ വെമ്പുഴ പാടശേഖരത്തില്‍ യുവതിയും മകളും മുങ്ങി മരിച്ചു. ഷൈനി(40), മകള്‍ ആശ്ചര്യ (12) എന്നിവരാണ് മരിച്ചത്. ഓണാവധിക്ക് ഒതളൂര്‍ ബന്ധു വീട്ടിലേക്ക് കഴിഞ്ഞ ദിവസം എത്തിയതായിരുന്നു അമ്മയും മകളും.

പാടശേഖരത്തിലൂടെ അമ്മയും രണ്ടുമക്കളും കൂടി നടന്നുപോകുമ്പോള്‍ ഒരു കുട്ടി വെള്ളത്തില്‍ വീഴുകയായിരുന്നു. ഉടന്‍ തന്നെ അമ്മ കുട്ടിയെ രക്ഷപ്പെടുത്താനായി വെ ള്ളത്തില്‍ ഇറങ്ങി. രണ്ടു പേരും വെള്ളത്തില്‍ മുങ്ങിത്താഴുകയായിരുന്നു.

കൂടെയുണ്ടായിരുന്ന കുട്ടി നിലവിളിച്ചാണ് നാട്ടുകാര്‍ വിവരം അറിയുന്നത്. രാവിലെ പത്തുമണി യോടെയായിരുന്നു അപകടം. നാട്ടുകാരും പൊലീസും എത്തിയാണ് രക്ഷാ പ്രവര്‍ത്തനം നടത്തി യത്.

എട്ടാം ക്ലാസ് വിദ്യാര്‍ത്ഥിനിയാണ് മരിച്ച ആശ്ചര്യ. കുന്നംകുളത്താണ് ഷൈനിയെ വിവാഹം കഴിച്ച് അയച്ചിട്ടുള്ളത്. കഴിഞ്ഞ ബുധനാഴ്ചയാണ് അമ്മയും മക്കളും ഒതളൂരി ലെ ബന്ധുവീട്ടിലെത്തിയത്.