മരണത്തിന് പിന്നില്‍ ഷൈബിന്‍ അഷറഫെന്ന് വെളിപ്പെടുത്തല്‍; ഡെന്‍സിയുടെ മൃതദേഹം ഇന്ന് പുറത്തെടുക്കും; റീ പോസ്റ്റ്മോര്‍ട്ടം

ദുരൂഹസാഹചര്യത്തില്‍ അബുദാബിയില്‍ മരിച്ച ചാലക്കുടി സ്വദേശി വാളിയേങ്കല്‍ ഡെന്‍സി ആന്റണി യുടെ മൃതദേഹം ഇന്ന് പുറത്തെടുത്ത് റീപോസ്റ്റുമോര്‍ട്ടം നടത്തും. സംസ്‌കാരം നടന്ന സെന്റ് ജോസഫ് പള്ളിയിലെ കല്ലറ തുറന്നാണ് റീപോസ്റ്റ്മോര്‍ട്ടം നടത്തുക

തൃശൂര്‍ : ദുരൂഹസാഹചര്യത്തില്‍ അബുദാബിയില്‍ മരിച്ച ചാലക്കുടി സ്വദേശി വാളിയേങ്കല്‍ ഡെന്‍ സി ആന്റണിയുടെ മൃതദേഹം ഇന്ന് പുറത്തെടുത്ത് റീപോസ്റ്റുമോര്‍ട്ടം നടത്തും. സംസ്‌കാരം നടന്ന സെന്റ് ജോസഫ് പള്ളിയിലെ കല്ലറ തുറന്നാണ് റീപോസ്റ്റ്മോര്‍ട്ടം നടത്തുക. ഇരിങ്ങാലക്കുട ആര്‍ഡി ഒയുടെ അനുമതിയോടെയാണ് നടപടി.

ദുബായില്‍ രണ്ടര വര്‍ഷം മുന്‍പാണ് ഡെന്‍സിയുടെ ദുരൂഹ മരണം. ഒറ്റമൂലി വൈദ്യന്‍ സാബാ ഷ രീഫിനെ കൊലപ്പെടുത്തിയ പ്രതികളുടെ വെളിപ്പെടുത്തലിന്റെ അടിസ്ഥാനത്തിലാണ് നടപടി. 2020 മാര്‍ച്ച് 5നാണ് ഡെന്‍സിയേയും ഹാരിസിനേയും അബുദാബിയില്‍ മരിച്ച നിലയില്‍ കണ്ടെത്തിയ ത്. ഹൃദയാഘാതം മൂലമാണെന്നാണ് ആദ്യം വീട്ടുകാരെ അറിയിച്ചിരുന്നത്. കഴിഞ്ഞദിവസമാണ് ഇ ത് കൊലപാതകമാണെന്ന് അറിയുന്നത്.

കോഴിക്കോട് സ്വദേശി ഹാരിസിന്റെ അബുദാബിയിലെ സ്ഥാപനത്തിലായിരുന്നു ഡെന്‍സിക്ക് ജോ ലി. പാരമ്പര്യ വൈദ്യന്‍ മൈസൂരുവിലെ ഷാബ ഷെരീഫിനെ തട്ടിക്കൊണ്ടുപോയി കൊലപ്പെടുത്തി യ കേസിലെ പ്രധാന പ്രതി നിലമ്പൂര്‍ കൈപ്പഞ്ചേരി സ്വദേശി ഷൈബിന്‍ അഷറഫാണ് കൊലയു ടെ സൂത്രധാരന്‍ എന്ന് കൂട്ടുപ്രതികളുടെ മൊഴിയോടെയാണ് ഇരട്ടക്കൊലപാതകത്തിന്റെ ചുരുളഴി ഞ്ഞത്.

ഷൈബിന്‍ അഷറഫ് ഹാരിസിന്റെ ബിസിനസ് പങ്കാളിയായിരുന്നു. ഈ കേസ് അന്വേഷിക്കുന്ന നി ലമ്പൂര്‍ ഡിവൈഎസ്പി സാജു കെ എബ്രഹാമിന്റെ അപേക്ഷ പ്രകാരമാ ണ് റീ പോസ്റ്റുമോര്‍ട്ടം.

2019 ഡിസംബറിലാണ് ഡെന്‍സി വിസിറ്റിംഗ് വിസയില്‍ ദുബായില്‍ പോയത്. 2020 മാര്‍ച്ച് 5നായിരു ന്നു മരണം. പ്രതികളുടെ വെളിപ്പെടുത്തലിനെത്തുടര്‍ന്ന് ഹാരിസിന്റെ മൃതദേഹം നേരത്തെ പുറ ത്തെടുത്ത് പോസ്റ്റ്മോര്‍ട്ടം നടത്തിയിരുന്നു. ഇതിനു പിന്നാലെയാണ് ആര്‍ഡിഒയുടെ ഉത്തരവ് കര സ്ഥമാക്കി നിലമ്പൂര്‍ ഡിവൈഎസ്പിയുടെ നേതൃത്വത്തിലുള്ള സംഘം കല്ലറ തുറന്ന് പരിശോധന നടത്തുന്നത്.