തൈക്കാട്: ആഗോള കലാസാംസ്കാരിക സംഘടനയായ ഭാവലയയുടെ ബാനറിൽ ലഹരിക്കെതിരെ ഒരുക്കിയ ഹൃസ്വചിത്രം ‘പാറു’ തൈക്കാടുള്ള ഗണേശം സൂര്യ നാടക കളരിയിൽ പ്രദർശിപ്പിച്ചു. ആഗോള പ്രവാസി മലയാളി സംഘടനയായ വേൾഡ് മലയാളി ഫെഡറേഷൻ ഏറ്റെടുത്തിരിക്കുന്ന ലഹരി വിരുദ്ധ ക്യാമ്പയിന്റെ ഭാഗമായി നടക്കുന്ന ആദ്യപ്രദർശനമായിരുന്നു ഇത്.
പ്രദർശന ഉദ്ഘാടനം കലാസ്നേഹിയും ശാസ്ത്രജ്ഞനുമായ സൂര്യ കൃഷ്ണമൂർത്തി നിർവഹിച്ചു. ഭാവലയയുടെ സ്ഥാപകനും ചെയർമാനും, വേൾഡ് മലയാളി ഫെഡറേഷൻ ഗ്ലോബൽ ചെയർമാനുമായ ഡോ. ജെ. രത്‌നകുമാർ മുഖ്യ പ്രഭാഷണം നടത്തി.
ചടങ്ങിൽ മലയാളം മിഷൻ ചെയർമാൻ കവി മുരുകൻ കാട്ടാക്കട, ഭാരത് ഭവൻ മെമ്പർ സെക്രട്ടറി ഡോ. പ്രമോദ് പയ്യന്നൂർ, എക്സൈസ് ജോയിന്റ് കമ്മീഷണർ ഷിബു വി., ചൈൽഡ് വെൽഫെയർ കൗൺസിൽ ചെയർപേഴ്സൺ അഡ്വ. ഷാനിഫബീഗം, വേൾഡ് മലയാളി ഫെഡറേഷൻ ഡയറക്ടർ ബോർഡ് അംഗം ഹരീഷ് നായർ, WMF കേരള സ്റ്റേറ്റ് കൗൺസിൽ പ്രസിഡണ്ട് റഫീഖ് മരക്കാർ, ഹൃസ്വചിത്രത്തിന്റെ രചയിതാവും സംവിധായകനുമായ ഒമാനിലെ പ്രമുഖ മാധ്യമപ്രവർത്തകൻ കബീർ യൂസഫ്, വേൾഡ് മലയാളി ഫെഡറേഷൻ ജില്ലാ കൗൺസിൽ പ്രസിഡൻറ് മഹേഷ് മാണിക്കം എന്നിവരും സംസാരിച്ചു.
മുപ്പത്തിയേഴ് മിനിറ്റ് ദൈർഘ്യമുള്ള ‘പാറു’ ലഹരി ഉപയോഗം വ്യക്തിജീവിതത്തിലും കുടുംബത്തിലും സമൂഹത്തിലും ഉണ്ടാക്കുന്ന ദുഷ്പ്രഭാവങ്ങളാണ് തികച്ചും മനോഹരമായി ചിത്രീകരിക്കുന്നത്. ഒമാനിലെ അനിതാ രാജൻയും സോമ സുന്ദരൻയും പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത് കബീർ യൂസഫ് ആണെങ്കിലും, ഒട്ടനവധി കലാപ്രതിഭകളുടെ സംയുക്ത ശ്രമമാണ് ഈ ഹൃസ്വചിത്രത്തിന് ഉജ്വലത നൽകുന്നത്. അഷർ ഷാ, കിരൺ ഹരിപ്രസാദ്, ആശ കിരൺ, മാസ്റ്റർ വിശ്രുത്, റയാൻ ജോർജ്, വിനോദ് രാഘവൻ, ജയൻ കാഞ്ഞങ്ങാട് എന്നിവരാണ് മറ്റ് പ്രധാന അഭിനേതാക്കൾ.
സാങ്കേതിക ഘടകങ്ങൾ:
ഹൃസ്വചിത്രത്തിൽ തലശ്ശേരി ഗവണ്മെന്റ് ബ്രണ്ണൻ ഹൈസ്കൂളിലെ വിദ്യാർത്ഥികളായ തീർതഥൻ, ദേവിക മഹേഷ്, ശ്രീരാഗ് ദിനേശ്, അമർനാഥ്, യെദുദേവ്, ഹർജിത്, ദേവനന്ദ് മനോജ്, അനയ, രെജീഷ്, ശ്രീനന്ദ്, നിധിൻ തുടങ്ങിയവരും പങ്കാളികളായിട്ടുണ്ട്.
ലഹരിവിരുദ്ധ സന്ദേശം പുതിയ തലത്തിലേക്ക് ഉയർത്തിയ ഈ ഹൃസ്വചിത്രം സമൂഹത്തിൽ ചിന്ത തുടിപ്പിക്കുന്ന മാറ്റത്തിന് തുടക്കം കുറിക്കുമെന്ന് സംഘാടകർ പ്രതീക്ഷിക്കുന്നു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.