ബലിപെരുന്നാൾ: അനധികൃത അറവുശാലകൾക്ക് പൂട്ട്; ദുബായ് നഗരസഭ കർശന നടപടിയുമായി

ദുബായ് : ബലിപെരുന്നാളിന്റെ പശ്ചാത്തലത്തിൽ ദുബായ് നഗരസഭ അനധികൃത അറവുശാലകൾക്ക് ശക്തമായ നടപടി സ്വീകരിച്ചു. നഗരസഭയുടെ അംഗീകാരമില്ലാതെ ചെയ്യുന്ന അറവുശാലകളിൽ പരിശോധന നടത്തി പലതും അടച്ചുപൂട്ടി. ശാസ്ത്രീയ പരിശോധനകൾ ഇല്ലാതെ അറക്കുന്ന ബലിമൃഗങ്ങൾ ഗുരുതര ആരോഗ്യപ്രശ്നങ്ങൾക്ക് വഴി തെളിയിക്കുമെന്ന് ആരോഗ്യവിദഗ്ധർ മുന്നറിയിപ്പ് നൽകി.

ബ്രൂസല്ലോസിസ്, ആന്ത്രാക്സ്, ക്യൂ ഫീവർ, ടോക്സോപ്ലാസ്മോസിസ്, ബോവൈൻ ട്യൂബർക്കുലോസിസ്, സാൽമൊണെല്ല, ഈ.കോലി എന്നിവയുള്‍പ്പെടെയുള്ള നിരവധി രോഗങ്ങൾ അശാസ്ത്രീയ അറവുമാർഗങ്ങൾ വഴി വ്യാപിക്കാൻ സാധ്യതയുണ്ടെന്ന് വിദഗ്ധർ ചൂണ്ടിക്കാട്ടി. വീട്ടുപ്രദേശങ്ങളിലും പൊതുസ്ഥലങ്ങളിലും അനധികൃതമായി അറവ് നടത്തുന്നതും അറവുമാലിന്യം തത്സമയത്തിൽ നീക്കം ചെയ്യാത്തതും പൊതുജനാരോഗ്യത്തിനും പരിസ്ഥിതിക്കും വലിയ ഭീഷണിയാകുമെന്നാണ് മുന്നറിയിപ്പ്.

ഇന്റേണൽ മെഡിസിൻ സ്പെഷ്യലിസ്റ്റ് ഡോ. ജോസഫ് “അശാസ്ത്രീയ അറവുമാലിന്യം മലിനജലത്തിലേക്ക് കലർന്നാൽ കുടിവെള്ളം പോലും അപകടത്തിലാകാം” എന്ന് മുന്നറിയിപ്പ് നൽകി.

അധികൃത കശാപ്പുശാലകളുടെ സൗകര്യങ്ങൾ ജനങ്ങൾ പരമാവധി ഉപയോഗപ്പെടുത്തണമെന്നും ആരോഗ്യവകുപ്പ് അഭ്യർത്ഥിച്ചു.

അതേസമയം, കശാപ്പ് ദൃശ്യങ്ങൾ ചെറുപ്പക്കാർക്കു മനസ്സിൽ ദൈർഘ്യമേറിയ മാനസിക ബാധകൾ ഉണ്ടാക്കാൻ സാധ്യതയുള്ളതുകൊണ്ട് 7 വയസ്സിനു താഴെയുള്ള കുട്ടികളെ ഇത്തരം രംഗങ്ങളിൽ നിന്ന് വിട്ടുനിർത്തണമെന്നും മനോരോഗ വിദഗ്ധൻ ഡോ. വലീദ് അൽ ഉംർ രക്ഷിതാക്കൾക്ക് മുന്നറിയിപ്പ് നൽകി.

നിയമലംഘകർക്ക് കർശന നടപടി

അനധികൃത കശാപ്പ് തടയാൻ നഗരസഭാ വിഭാഗങ്ങൾ പരിശോധന ഊർജിതമാക്കി. അംഗീകൃത കശാപ്പുശാലകളിലൂടെയുള്ള അറവിന്റെ പ്രാധാന്യം വ്യക്തമാക്കിയ മാർഗനിർദേശങ്ങളും പുറത്തിറക്കി. അസുഖം ബാധിച്ച മൃഗങ്ങൾ വാങ്ങാതിരിക്കാൻ പൊതുജനങ്ങൾക്ക് നഗരസഭയും നിർദേശിച്ചു. നിയമലംഘകർക്ക് കർശന നിയമനടപടികൾ ഉണ്ടാകുമെന്നും അധികൃതർ അറിയിച്ചു.