ഫിഫ ലോകകപ്പ് ആതിഥേയത്വം; സൗദി അറേബ്യയുടെ വിജയത്തിൽ അഭിനന്ദനം അറിയിച്ച് ലോകം

ജിദ്ദ : ഫിഫ ലോകകപ്പ് 2034ന്റെ ആതിഥേയരാകുന്ന സൗദി അറേബ്യയുടെ   വിജയത്തിൽ അഭിനന്ദനം അറിയിച്ച് ലോകം.  സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ ഭരണാധികാരി സൽമാൻ രാജാവിനെ ഒട്ടനവധി നേതാക്കളാണ് അഭിനന്ദനം അറിയിച്ചത്. ലോകമെമ്പാടുമുള്ള ഫുട്ബോൾ വികസിപ്പിക്കുന്നതിന് ഫലപ്രദമായി സംഭാവന ചെയ്യാനുള്ള സൗദി അറേബ്യയുടെ മഹത്തായ ദൃഢനിശ്ചയമാണ് ഈ വിജയത്തിന് കാരണമെന്ന് കിരീടാവകാശി പറഞ്ഞു.
 “സ്‌നേഹം, സമാധാനം, സഹിഷ്ണുത തുടങ്ങിയ സന്ദേശങ്ങൾ പ്രചരിപ്പിക്കാനുള്ള രാജ്യത്തിന്റെ ദൃഢനിശ്ചയത്തെയാണ് ഈ വിജയം പ്രതിഫലിപ്പിക്കുന്നതെന്നും അദ്ദേഹം കൂട്ടിച്ചേർത്തു.  48 ടീമുകളെ പങ്കെടുപ്പിച്ചുള്ള ഫിഫയുടെ ലോകകപ്പ് ചരിത്രത്തിലെ ആദ്യ മത്സരങ്ങൾക്ക്  ആതിഥേയത്വം വഹിക്കുന്ന ആദ്യത്തെ ഒറ്റ രാജ്യമെന്ന പ്രത്യേകതയും സൗദി അറേബ്യയ്ക്കുണ്ട്.
 2023 ഒക്ടോബർ 4നാണ് ബിഡിൽ പങ്കെടുക്കാനുള്ള താൽപര്യം പ്രകടമാക്കിയത്.  ഒക്ടോബർ 9ന് ഫിഫയ്ക്ക്  ഔപചാരികമായി കത്തും നൽകി. ഇക്കഴിഞ്ഞ ജൂലൈ 29ന് രാജ്യത്തിന്റെ ഔദ്യോഗിക പ്രതിനിധി സംഘം പാരീസിൽ ആതിഥേയത്വത്തിനുള്ള ഔദ്യോഗിക ബിഡ് സമർപ്പിച്ചു. ഫിഫ ലോകകപ്പ് 2034 “ഒരുമിച്ച് വളരുക” എന്ന മുദ്രാവാക്യത്തിന് കീഴിലാണ്. ബിഡിൽ നിന്ന് ഓസ്ട്രേലിയ പിന്മാറിയതോടെ  സൗദി അറേബ്യയുടെ നിർദ്ദേശം സമാനതകളില്ലാതെ നിലകൊണ്ടു. ബിഡ് പ്രക്രിയയിൽ ഏറ്റവും ഉയർന്ന സ്കോർ നേടുകയും ചെയ്തു–അഞ്ചിൽ 4.2 .  ഫിഫ ചരിത്രത്തിൽ ഇതുവരെ ലഭിച്ചിട്ടുള്ള ഏറ്റവും ഉയർന്ന സ്കോർ ആണിത്. 
റിയാദ്, ജിദ്ദ, അൽ ഖോബാർ, അബഹ, നിയോം എന്നീ 5  ആതിഥേയ നഗരങ്ങളിലായി 15 അത്യാധുനിക സ്റ്റേഡിയങ്ങളിൽ ആണ് മത്സരങ്ങൾ നടക്കുക. തലസ്ഥാന നഗരിയായ റിയാദിലും ജിദ്ദ വാട്ടർഫ്രണ്ട് പ്രൊമെനേഡിലും 100,000 ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന കിങ് സൽമാൻ പാർക്കിലെ നിയുക്ത സൈറ്റ് ഉൾപ്പെടെ ഫിഫ ഫാൻ ഫെസ്റ്റിവലിനായി 10 നിർദ്ദിഷ്ട സ്ഥലങ്ങളും ബിഡ് ഫയലിൽ ഉൾപ്പെടുത്തിയിട്ടുണ്ട്. ലോകകപ്പ് 2034 ആതിഥേയത്വം വഹിക്കുന്നത് കിരീടാവകാശി സൗദി വിഷൻ ആരംഭിച്ചതിന് ശേഷം രാജ്യം അനുഭവിക്കുന്ന തുടർച്ചയായ പുരോഗതി ഉയർത്തിക്കാട്ടുന്നതിനുള്ള ഒരു സുപ്രധാന അവസരത്തെ അടിസ്ഥാനമാക്കിയാണ്. ക്ലബ്ബ് വേൾഡ് കപ്പ്, ഫോർമുല 1, ഡാക്കാർ റാലി എന്നിവയുൾപ്പെടെ വിവിധ കായിക ഇനങ്ങളിലായി 100-ലധികം പ്രധാന ഇവൻ്റുകൾ സംഘടിപ്പിക്കുന്നതിന് ഇത് കാരണമായി.