കോവിഡ് സ്ഥിരീകരിച്ചതിന് പിന്നാലെ ന്യൂമോണിയയും പിടിപെട്ടു. ഹൃദയ സ്തംഭനമാണ് മരണകാരണമെന്ന് ബന്ധുക്കള് അറിയിച്ചു. സംസ്കാരം ഇന്നു വൈകീട്ട് പൂവച്ചല് ജുമാ മസ്ജിദില്
തിരുവന്തപുരം: പ്രശസ്ത കവിയും ഗാനരചയിതാവുമായ പൂവച്ചല് ഖാദര് (73) അന്തരിച്ചു. കോവിഡ് ബാധയെത്തുടര്ന്നു തിരുവനന്തപുരം മെഡിക്കല് കോളജിലെ തീവ്ര പരിചരണ വിഭാഗത്തില് ചി കിത്സയിലായിരുന്നു. ഇന്നലെ രാത്രി 12:15ഓടെയായിരുന്നു അന്ത്യം.
കോവിഡ് സ്ഥിരീകരിച്ചതിന് പിന്നാലെ ന്യൂമോണിയയും പിടിപെട്ടു. ഹൃദയ സ്തംഭനമാണ് മരണ കാരണമെന്ന് ബന്ധുക്കള് അറിയിച്ചു. സംസ്കാരം ഇന്നു വൈകീട്ട് പൂവച്ചല് ജുമാ മസ്ജിദില്. ആമിനയാണ് ഭാര്യ. മക്കള്: തുഷാര, പ്രസൂന.
മൂന്നു പതിറ്റാണ്ടോളം മലയാള സിനിമയില് നിറസാന്നിധ്യമായിരുന്ന അദ്ദേഹം മൂന്നൂറോളം ചിത്ര ങ്ങളിലായി രണ്ടായിരത്തോളം ഗാനങ്ങളെഴുതി. നാഥാ നീവരും കാലൊച്ച(ചാമരം), അനുരാഗിണി ഇതായെന് (ഒരു കുടക്കീഴില്), പൂമാനമേ ഒരു രാഗമേഘം താ… (നിറക്കൂട്ട്),ഏതോ ജന്മ കല്പനയി ല് (പാളങ്ങള്), നീയെന്റെ പ്രാര്ത്ഥന കേട്ടൂ( കാറ്റുവിതച്ചവന്) തുടങ്ങി മലയാളികളുടെ മനസ്സില് തങ്ങിനില്ക്കുന്ന ഖാദറിന്റെ അനശ്വര ഗാനങ്ങള് ഏറെയാണ്.
1948 ഡിസംബര് 25ന് തിരുവനന്തപുരത്തെ കാട്ടാക്കടയ്ക്ക് സമീപം അബൂക്കര് പിള്ളയുടെയും റാബി യത്തുല് അദബിയ ബീവിയുടെയും മകനായി പൂവച്ചലിലാണ് മുഹമ്മദ് അബ്ദുല് ഖാദര് എന്ന പൂ വച്ചല് ഖാദര് ജനിച്ചത്. സ്കൂള് വിദ്യാഭ്യാസത്തിന് ശേഷം തൃശൂര് വലപ്പാട് പോളിടെക്നിക്കില് നി ന്ന് എഞ്ചിനീയറിങ്ങ് ഡിപ്ലോമയും തിരുവനന്തപുരം എഞ്ചിനീയറിങ് കോളേജില് നിന്ന് എഎം ഐഇയും പാസായി. പൊതുമരാമത്ത് വകുപ്പില് എഞ്ചിനിയറായിരുന്നു.
1972 -ല് ചലച്ചിത്ര ഗാനരചനയിലേക്ക് കടന്ന ഖാദര് പിന്നീട് മലയാള സിനിമയിലെ ശ്രദ്ധേയമായ ചി ത്രങ്ങള്ക്കുവേണ്ടി ഗാനങ്ങള് രചിച്ചു. ചലച്ചിത്ര ഗാനരചനയിലേക്ക് കടന്ന ഖാദര് കെജി ജോര്ജ്, പി എന് മേനോന്, ഐവി ശശി, ഭരതന്, പത്മരാജന് തുടങ്ങി പ്രമുഖരോടൊപ്പം പ്രവര്ത്തിച്ചു. ചാമ രം, ചൂള, തകര, പാളങ്ങള്, ബെല്റ്റ് മത്തായി, ശ്രീ അയ്യപ്പനും വാവരും, ആട്ടകലാശം, തമ്മില് തമ്മി ല്, സന്ദര്ഭം, കായലും കയറും, താളവട്ടം, ദശരഥം തുടങ്ങിയ നിരവധി ചിത്രങ്ങളിലെ പാട്ടുകള് ശ്രദ്ധ നേടി. എഴുപത് എണ്പത് കാലഘട്ടത്തില് സിനിമാഗാനരംഗത്തു നിറസാന്നിധ്യമായിരുന്നു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.