പരീക്ഷ മാറ്റിവെക്കാനുള്ള സർക്കാർ നീക്കം കുട്ടികളോട് ചെയ്യുന്ന ദ്രോഹം :കെ എസ് ടി യു

തിരുവനന്തപുരം : നിയമസഭാ തിരഞ്ഞെടുപ്പ് മറയാക്കി സംസ്ഥാനത്തെ എസ് എസ് എൽ സി ,ഹയർ സെക്കൻഡറി പരീക്ഷകൾ മാറ്റിവെക്കാനായി സർക്കാർ നടത്തുന്ന നീക്കം കുട്ടികളോട് ചെയ്യുന്ന ദ്രോഹമാണെന്ന് കെ എസ് ടി യു സംസ്ഥാന കമ്മിറ്റി പറഞ്ഞു .മാർച്ച് 17മുതൽ പരീക്ഷ നടത്താനുള്ള എല്ലാ മുന്നൊരുക്കങ്ങളും പൂർത്തിയായിട്ടുണ്ട് .മാതൃകാ പരീക്ഷകളും ഇന്നത്തോടെ അവസാനിച്ചു .അധ്യാപകരുടെ തിരഞ്ഞെടുപ്പ് ഡ്യൂട്ടി യാണ് സർക്കാർ പറയുന്ന കാരണം .ഇക്കാര്യത്തിൽ അധ്യാപകർക്കില്ലാത്ത ആശങ്ക സർക്കാരിന് ഉണ്ടാവേണ്ടതില്ല .തിരഞ്ഞെടുപ്പ് പരിശീലനം ഇപ്പോൾ ആരംഭിച്ചിട്ടുണ്ട് ,ശേഷിക്കുന്നവ പരീക്ഷഇല്ലാത്ത ദിനങ്ങളിൽ നടത്താവുന്നതേ യുള്ളൂ .മാർച്ച് 31ന് പരീക്ഷ തീരുന്നത് കൊണ്ട് അത് ഏപ്രിൽ 6-ലെ തിരഞ്ഞെടുപ്പ് പ്രവർത്തനങ്ങളെയും ബൂത്ത് ക്രമീകരണ ങ്ങളേയും ബാധിക്കുന്നില്ല .
കുട്ടികൾ പരീക്ഷയ്ക്ക് തയ്യാറായ സമയത്ത് മാറ്റിവെച്ചാൽ അത് കുട്ടികളെ മാനസികമായി തളർത്തുകയും പിരിമുറുക്കം കൂട്ടുകയും ചെയ്യും പഠിച്ച കാര്യങ്ങൾ തുടർച്ച യില്ലാതെയും ആവും .ഏപ്രിൽ 14ന് റംസാൻ വ്രതം ആരംഭിക്കുന്നതും വിഷുവരുന്നതും കനത്ത വേനലും കുട്ടികളെ തളർത്തും .
അത് കൊണ്ട് തന്നെ ഇപ്പോൾ നിശ്ചയിച്ച സമയത്ത് തന്നെ പരീക്ഷ നടത്തണമെന്നും സർക്കാർ കുട്ടികളുടെ പക്ഷം ചിന്തിക്കണമെന്നും കെ എസ് ടി യു സംസ്ഥാന പ്രസിഡണ്ട് അബ്ദുല്ല വാവൂർ ജനറൽ സെക്രട്ടറി കരീം പടുകുണ്ടിൽ പ്രസ്താവനയിൽ ആവശ്യപ്പെട്ടു .മറിച്ചുള്ള തീരുമാനം പരീക്ഷ എഴുതുന്ന പത്ത് ലക്ഷത്തോളം കുട്ടികളോട് ചെയ്യുന്ന ദ്രോഹം ആയിരിക്കുമെന്നും അവർ പറഞ്ഞു .