കുവൈത്ത് സിറ്റി: 12ാമത് ഗൾഫ് സീസ്മിക് കോൺഫറൻസ് സമാപിച്ചു. കുവൈത്ത് ഇൻസ്റ്റിറ്റ്യൂട്ട് ഫോർ സയന്റിഫിക് റിസർച്ച് (കെ.ഐ.എസ്.ആർ), കുവൈത്ത് സൊസൈറ്റി ഫോർ എർത്ത് സയൻസസ്, കുവൈത്ത് ഫൗണ്ടേഷൻ ഫോർ അഡ്വാൻസ്മെന്റ് ഓഫ് സയൻസസ് (കെ.എഫ്.എ.എസ്) എന്നിവയുടെ സഹകരണത്തോടെ കെ.ഐ.എസ്.ആർ ആക്ടിങ് ഡയറക്ടർ ജനറൽ ഡോ. ഫൈസൽ അൽ ഹുമൈദാന്റെ മേൽനോട്ടത്തിലാണ് ത്രിദിന അന്താരാഷ്ട്ര സമ്മേളനം സംഘടിപ്പിച്ചത്.
ഗൾഫ് സഹകരണ കൗൺസിൽ (ജി.സി.സി), യു.എസ്.എ, യൂറോപ്യൻ രാജ്യങ്ങൾ എന്നിവിടങ്ങളിൽനിന്നുള്ള വിദഗ്ധരും ഗവേഷകരും സമ്മേളനത്തിൽ പങ്കെടുത്തു. ഭൂകമ്പശാസ്ത്രം, ഭൂകമ്പ എൻജിനീയറിങ്, കെട്ടിട ഘടനാപരമായ ആരോഗ്യ നിരീക്ഷണം എന്നിവയെക്കുറിച്ചുള്ള ഏറ്റവും പുതിയ കണ്ടെത്തലുകൾ സമ്മേളന പ്രതിനിധികൾ അവതരിപ്പിച്ചു.
മലയാളി ശാസ്ത്രജ്ഞൻ ഡോ. ജാഫറലി പാറോൽ ഉയരമുള്ള കെട്ടിടങ്ങളുടെ ചലനം നിരീക്ഷിക്കാൻ കഴിയുന്ന ആധുനിക സാങ്കേതികവിദ്യയെക്കുറിച്ച് സംസാരിച്ചു. കുവൈത്തിലെ ഏറ്റവും ഉയരം കൂടിയ കെട്ടിടമായ അൽ ഹംറ ടവറിലാണ് ഡോ. ജാഫറലിയുടെ നേതൃത്വത്തിൽ ഈ സാങ്കേതികവിദ്യ നടപ്പാക്കിയത്. ഈ നിരീക്ഷണ സാങ്കേതികവിദ്യ കാണാൻ അൽ ഹംറ ടവറിൽ സന്ദർശനവും സംഘടിപ്പിച്ചു.
ഭൂകമ്പ നിരീക്ഷണ ശൃംഖലകൾ, ടെക്റ്റോണിക് പ്രവർത്തനം, ഭൂകമ്പ എൻജിനീയറിങ്, അപകടസാധ്യത കുറക്കൽ തുടങ്ങിയ വിഷയങ്ങളിൽ വ്യത്യസ്ത സെഷനുകൾ ഒരുക്കിയിരുന്നു.ഡയറക്ടറേറ്റ് ജനറൽ ഓഫ് സിവിൽ ഡിഫൻസ്, കുവൈത്ത് ഫയർഫോഴ്സ് (കെ.എഫ്.എഫ്), മുനിസിപ്പൽ കൗൺസിൽ, കുവൈത്ത് ഓയിൽ കമ്പനി (കെ.ഒ.സി) എന്നിവയുടെ പങ്കാളിത്തത്തോടെ കുവൈത്തിന്റെ അടിയന്തര പദ്ധതികളും ഭൂകമ്പ തയാറെടുപ്പുകളും സംബന്ധിച്ച പ്രത്യേക ശില്പശാലയും നടന്നു. അടുത്ത സമ്മേളനം 2026ൽ സൗദി അറേബ്യയിൽ നടക്കും.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.