ധീരജവാന് ഇന്ന് വിട നല്‍കും; പ്രദീപിന്റെ സംസ്‌കാരം വൈകിട്ട്

ഹെലികോപ്ടര്‍ ദുരന്തത്തില്‍ കൊല്ലപ്പെട്ട മലയാളി ജൂനിയര്‍ വാറന്‍ഡ് ഓഫീസര്‍ പ്രദീപിന്റെ മൃതദേഹം ഇന്ന് ജന്മനാട്ടിലെത്തിക്കും.ഡല്‍ഹിയില്‍ നിന്ന് വിമാനം രാവിലെ ഏഴ് മണിയോടെ പുറപ്പെട്ടു.

തൃശൂര്‍: കൂനൂര്‍ ഹെലികോപ്ടര്‍ ദുരന്തത്തില്‍ കൊല്ലപ്പെട്ട മലയാളി ജൂനിയര്‍ വാറന്‍ഡ് ഓഫീസര്‍ പ്രദീ പിന്റെ മൃതദേഹം ഇന്ന് ജന്മനാട്ടിലെത്തിക്കും.ഡല്‍ഹിയില്‍ നിന്ന് വിമാനം രാവിലെ ഏഴ് മണിയോടെ പു റപ്പെട്ടു.കേന്ദ്ര വിദേശകാര്യ സഹമന്ത്രി വി.മുരളീധരന്‍ മൃതദേഹത്തെ അനുഗമിക്കും. 11 മണിയോടെ സൂ ലൂര്‍ വ്യോമതാവളത്തില്‍ എത്തുന്ന മൃതദേഹം റോഡ് മാര്‍ഗമാണ് തൃശൂരിലെത്തിക്കുക.

പ്രദീപ് പഠിച്ച പുത്തൂര്‍ ഹൈസ്‌കൂളില്‍ പൊതുദര്‍ശനത്തിന് വെച്ച ശേഷമാണ് സംസ്‌കാരം. വൈകീട്ട് വീട്ടുവളപ്പില്‍ ഔദ്യോഗിക ബഹുമതികളോടെ സംസ്‌കാര ചടങ്ങു കള്‍ നടത്തും.ഇന്നലെയാണ് വിദഗ്ധ പരിശോധനകള്‍ക്ക് ശേഷം പ്രദീപിന്റെ മൃതദേഹം തിരിച്ചറിഞ്ഞത്.മൃതദേഹം തിരിച്ചറിഞ്ഞതിന് പിന്നാ ലെ ബന്ധുക്കള്‍ക്ക് വിട്ട് നല്‍ കുകയും ചെയ്തു.

തൃശൂര്‍ പുത്തൂര്‍ സ്വദേശിയായ പ്രദീപ് അറക്കല്‍ 2004 ലാണ് സൈന്യത്തില്‍ ചേര്‍ന്നത്. പിന്നീട് എയര്‍ ക്രൂ ആയി തെരഞ്ഞെടുത്തു. രാജ്യത്തിന്റെ വിവിധ ഇടങ്ങളില്‍ സേ വനമനുഷ്ടിച്ചിട്ടുണ്ട്. ഛത്തീസ്ഗ ഢിലെ മാവോയിസ്റ്റുകള്‍ക്കെതിരെയുള്ള ഓപ്പറേഷനിലും പ്രദീപ് പങ്കെടുത്തു. സംയുക്ത സൈനിക മേധാവി ബിപിന്‍ റാവത്ത് ഉള്‍പ്പെടെ 13 പേര്‍ കൊല്ലപ്പെട്ട കൂനൂര്‍ ഹെലികോപ്ടര്‍ ദുരന്തത്തിലാണ് പ്രദീ പും വിടപറഞ്ഞത്. ഹെലികോപ്ടറിന്റെ ഫ്‌ളൈറ്റ് ഗണ്ണര്‍ ആയിരുന്നു പ്രദീപ്.