ട്വിറ്ററിന്റെ നിയന്ത്രണം ഏറ്റെടുത്ത് ടെസ്ല സിഇഒ ഇലോണ് മസ്ക് കമ്പനി സി ഇ ഒ ഉള്പ്പെടെ ഉന്നതരെ പുറത്താക്കി. ട്വിറ്റര് സിഇഒ പരാഗ് അഗര്വാളിനെയടക്കം പുറത്താക്കിയാണ് മസ്കിന്റെ തുടക്കം
സാന്ഫ്രാന്സിസ്കോ: സാമൂഹിക മാധ്യമം ട്വിറ്ററിന്റെ നിയന്ത്രണം ഏറ്റെടുത്ത് ടെസ്ല സിഇഒ ഇ ലോണ് മസ്ക് കമ്പനി സി ഇ ഒ ഉള്പ്പെടെ ഉന്നതരെ പുറത്താക്കി. ട്വിറ്റര് സിഇഒ പരാഗ് അഗര്വാളി നെയടക്കം പുറത്താക്കിയാണ് മസ്കിന്റെ തുടക്കം. കമ്പനിയുടെ സിഎഫ്ഒ, ലീഗല് പോളിസി, ട്രസ്റ്റ് ആന്ഡ് സേഫ്റ്റ് മേധാവി എന്നിവരെയും പിരിച്ചുവിട്ടതായാണ് റിപ്പോര്ട്ടുകള്.
കോടതി നിര്ദേശിച്ചതനുസരിച്ച് കരാര് നടപ്പിലാക്കാനുള്ള കാലാവധി അവസാനിക്കാന് മണിക്കൂറു കള് ബാക്കി ഉള്ളപ്പോള് ആണ് ഇലോണ് മസ്ക് ട്വിറ്റര് സ്വന്തമാക്കിയത്. 44 ബില്യണ് ഡോളര് ചെല വഴിച്ചാണ് മസ്ക് ട്വിറ്റര് സ്വന്തമാക്കിയത്. ഇതിന് പിന്നാലെ സിഇഒ പരാഗ് അഗര്വാള്, കമ്പനി സി എഫ്ഒ,ലീഗല് പോളിസി ട്രസ്റ്റ് ആന്റ് സേഫ്റ്റ് മേധാവി എന്നിവരേയും പിരിച്ചുവിട്ടു.
സിഇഒ ഉള്പ്പടെയുള്ളവര് വ്യാജ അക്കൗണ്ട് സംബന്ധിച്ച വിവരങ്ങളില് തന്നെ തെറ്റിദ്ധരിപ്പിക്കാന് ശ്രമിച്ചുവെന്ന് മസ്ക് നേരത്തെ ആരോപിച്ചിരുന്നു. കഴിഞ്ഞ ദിവസം ട്വിറ്ററില് തന്റെ ബയോ ‘ചീഫ് ട്വിറ്റ്’ എന്ന് മസ്ക് മാറ്റിയിരുന്നു. സാന്ഫ്രാന്സിസ്കോയില് ഉള്ള ട്വിറ്ററിന്റെ ആസ്ഥാനവും അദ്ദേ ഹം സന്ദര്ശിച്ചു. കൈയില് ഒരു സിങ്കുമായാണ് മസ്ക് ട്വിറ്റര് ആസ്ഥാനത്ത് എത്തിയത്. ലെറ്റ് ദാറ്റ് സിങ്ക് ഇന് എന്ന് കുറിച്ച് മസ്ക് തന്നെയാണ് ഈ വിഡിയോ പങ്കുവച്ചതും.
ജീവനക്കാരെ കുറയ്ക്കുമെന്നും മസ്ക് വ്യക്തമാക്കിയിട്ടുണ്ട്.ട്വിറ്റര് വാങ്ങുന്നതിനുള്ള കരാറില് നിന്ന് പിന്നോട്ട് പോയ മസ്കിനെതിരെ കോടതിയില് പോയത് പരാഗിന്റെ നേതൃത്വത്തിലായിരുന്നു. ഏ പ്രില് നാലിനാണ് 44 ബില്യണ് ഡോളര് നല്കി ട്വിറ്റര് ഏറ്റെടുക്കാനുള്ള പ്രവര്ത്തനങ്ങള്ക്ക് മസ്ക് തുടക്കം കുറിച്ചത്. ഇടക്കുവെച്ച് ഇതില് താല്പര്യമില്ലെന്നും മസ്ക് അറിയിച്ചിരുന്നു. ഇതിനെതിരെ ട്വിറ്റര് ഉടമകള് കോടതിയില് കേസ് നല്കിയതിന് പിന്നാലെ ഇടപാട് പൂര്ത്തിയാക്കുമെന്ന് മസ്ക് അറിയിക്കുക യായിരുന്നു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.