ജർമ്മനിയിലെ വാർഷിക പണപ്പെരുപ്പം മൂന്ന് വര്‍ഷത്തിനിടയിലെ ഏറ്റവും താഴ്ന്ന നിലയില്‍.!

ബർലിൻ : ജർമ്മനിയിലെ വാർഷിക പണപ്പെരുപ്പം ഈ മാസം 2021 ന് ശേഷമുള്ള ഏറ്റവും താഴ്ന്ന നിലയിലെത്തി.ഓഗസ്ററിലാണ് പണപ്പെരുപ്പം 2 ശതമാനത്തിൽ താഴെയാണെന്നുള്ള വിവരം ഔദ്യോഗിക കണക്കുകളിലൂടെ വ്യക്തമാവുന്നത്. പണപ്പെരുപ്പ നിരക്ക് പ്രതീക്ഷിച്ചതിലും 1.9 ശതമാനമായി കുറഞ്ഞു, ഫെഡറൽ സ്ററാറ്റിസ്ററിക്സ് ഏജൻസിയായ ഡെസ്ററാറ്റിസിന്റെ പ്രാഥമിക ഡാറ്റയിൽ ജൂലൈയിലെ 2.3 % നിന്ന് കുറഞ്ഞു.ഫാക്റ്റ്സെറ്റ് നടത്തിയ സർവേയിൽ പങ്കെടുത്ത അനലിസ്റ്റുകൾ ഓഗസ്റിലെ പണപ്പെരുപ്പ നിരക്ക് 2.1 ശതമാനമായി പ്രവചിച്ചിരുന്നു.
2021 മാർച്ചിലാണ് അവസാനമായി ജർമ്മൻ പണപ്പെരുപ്പം രണ്ട് ശതമാനത്തിൽ താഴെയായത്.ഓഗസ്റിലെ മാന്ദ്യത്തിന് ഊർജ്ജ വിലയിൽ 5.1 ശതമാനം ഇടിവുണ്ടായപ്പോൾ സേവന പണപ്പെരുപ്പം 3.9 ശതമാനത്തിൽ ഒതുങ്ങി.അസ്ഥിരമായ ഊർജ്ജം, ഭക്ഷണം, മദ്യം, പുകയില എന്നിവയുടെ വിലകളാണ് പ്രധാന പണപ്പെരുപ്പം 2.8 ശതമാനമായി ഉയർത്തിയത്.ഓഗസ്റ്റിൽ സ്പെയിനിലും പണപ്പെരുപ്പം കുറഞ്ഞു. ഇന്ധനത്തിന്റെയും ഭക്ഷ്യവസ്തുക്കളുടെയും വിലകൾ കുറഞ്ഞതാണ് കാരണം.സെപ്തംബർ 12 ന് നടക്കുന്ന മീറ്റിംഗിൽ യൂറോപ്യൻ സെൻട്രൽ ബാങ്ക് പലിശ നിരക്ക് കുറയ്ക്കുമോ എന്നാണ് ഇപ്പോൾ വിദഗ്ധർ ഉറ്റു നോക്കുന്നത്. റഷ്യയുടെ ഉക്രെയ്ൻ അധിനിവേശത്തെ തുടർന്ന് ഊർജ വില കുതിച്ചുയർന്നതിനെത്തുടർന്ന് 2022 ഒക്ടോബറിൽ യൂറോസോൺ പണപ്പെരുപ്പം 10 ശതമാനം കവിഞ്ഞു.