ജിദ്ദയില്‍ അനധികൃതമായി നിർമിച്ച കൊട്ടാരസദൃശമായ ഭവനം നഗരസഭ പൊളിച്ചു നീക്കി.

ജിദ്ദ : അനധികൃത കെട്ടിടങ്ങൾക്ക് എതിരെ നടപടി കർശനമാക്കി ജിദ്ദ നഗരസഭ. നിയമവിരുദ്ധമായി നിർമിച്ച നിരവധി കെട്ടിടങ്ങൾ പൊളിച്ചുനീക്കി. ഉത്തര ജിദ്ദയിലെ അബ്ഹുറില്‍ പ്രിന്‍സ് അബ്ദുല്‍ മജീദ് റോഡിന്റെ അവസാന ഭാഗത്ത് കഴിഞ്ഞ ദിവസം പൊളിച്ചുനീക്കിയത് കൊട്ടാരസദൃശ്യമായ വീടായിരുന്നു. 
നോര്‍ത്ത് അബ്ഹുറിലെ 33 ലക്ഷം ചതുരശ്രമീറ്ററിലേറെ വിസ്തൃതിയുള്ള 48 പ്ലോട്ടുകള്‍ തിരിച്ചുപിടിച്ചു. ദക്ഷിണ ജിദ്ദയിലെ ഖുംറയില്‍ 35 ലക്ഷം ചതുരശ്രമീറ്റര്‍ സ്ഥലത്തെ കയ്യേറ്റവും ഒഴിപ്പിച്ചു. നിയമവിരുദ്ധ നിര്‍മാണങ്ങള്‍ മുഴുവൻ ഒഴിപ്പിക്കുമെന്ന് നഗരസഭ വ്യക്തമാക്കി.