ചീറ്റകളെ തുറന്നു വിട്ട് പ്രധാനമന്ത്രി; ചരിത്രനിമിഷമെന്ന് മോദി

ഏഴ് പതിറ്റാണ്ടുകള്‍ക്ക് ശേഷം നമീബിയില്‍ നിന്നെത്തിച്ച എട്ടു ചീറ്റപ്പുലികളെ മധ്യ പ്രദേശിലെ കുനോ ദേശീയോദ്യാനത്തില്‍ തുറന്നുവിട്ടു പ്രധാനമന്ത്രി നരേന്ദ്ര മോദി. ജഖോഡ പുല്‍മേടുകളിലുള്ള ക്വാറന്റീന്‍ അറകളിലേക്കാണ് ഇവയെ തുറന്നുവിട്ടത്

ഭോപ്പാല്‍ :ഏഴ് പതിറ്റാണ്ടുകള്‍ക്ക് ശേഷം നമീബിയില്‍ നിന്നെത്തിച്ച എട്ടു ചീറ്റപ്പുലികളെ മധ്യപ്രദേശിലെ കുനോ ദേശീയോദ്യാനത്തില്‍ തുറന്നുവിട്ടു പ്രധാനമന്ത്രി നരേന്ദ്ര മോദി. ജഖോഡ പുല്‍മേടുകളിലുള്ള ക്വാറന്റീന്‍ അറകളിലേക്കാണ് ഇവയെ തുറന്നുവിട്ടത്.

1952 ല്‍ രാജ്യത്ത് വംശനാശം സംഭവിച്ച ചീറ്റപ്പുലികളെ പ്രധാനമന്ത്രിയുടെ പിറന്നാള്‍ ദിനത്തിലാണ് ഇ ന്ത്യയില്‍ എത്തിച്ചത് എന്നതും ശ്രദ്ധേയമാണ്. ഷാങ്ഹായ് ഉച്ചകോടി യില്‍ പങ്കെടുത്ത ശേഷം രാജ്യത്ത് തിരിച്ചെത്തിയ അദ്ദേഹം ചീറ്റപ്പുലികളെ തുറന്നുവിടാന്‍ നേരിട്ടെത്തുകയായിരുന്നു. തുറന്നുവിട്ടശേഷം പുലികളുടെ ചിത്രങ്ങള്‍ പ്രധാന മന്ത്രി സ്വന്തം ക്യാമറയില്‍ പകര്‍ത്തി. മദ്ധ്യപ്രദേശ് മുഖ്യമന്ത്രി ശിവ് രാജ് സിംഗ് ചൗഹാനും ചടങ്ങില്‍ പങ്കെടുത്തു.

ആഫ്രിക്കയിലെ നമീബിയയില്‍ നിന്നുള്ള ചീറ്റപ്പുലികളെയാണ് ഇന്ന് രാജ്യത്തെത്തിച്ചത്. വിമാനമേറി വന്ന എട്ട് പുലികള്‍ക്ക് ചെറിയ ക്ഷീണമുണ്ടെന്നാണ് വിലയിരുത്തല്‍. ഇന്ത്യയിലെ കാലാവസ്ഥയുമായി പൊരുത്തപ്പെടാനും സമയമെടുക്കും. ദശാബ്ദങ്ങള്‍ക്ക് മുമ്പ് ചീറ്റകള്‍ വംശനാശം സംഭവിച്ചതോടെ തക ര്‍ന്ന ജൈവവൈവിധ്യമാണ്, ചീറ്റ കളെ രാജ്യത്തെത്തിച്ചതോടെ ഇന്ത്യ തിരിച്ചുപിടിച്ചതെന്നും പ്രധാന മന്ത്രി പറഞ്ഞു.

അഞ്ച് പെണ്‍ ചീറ്റകളെയും മൂന്ന് ആണ്‍ ചീറ്റകളെയുമാണ് ഇന്ത്യയില്‍ എത്തിച്ചത്. പെണ്‍ ചീറ്റകള്‍ക്ക് 2-5 വയസ്സും ആണ്‍ ചീറ്റകള്‍ക്ക് 4.5 -5.5 വയസ്സുമാണ് പ്രായം. ആറ് ആഴ്ചയ്ക്കുള്ളില്‍ ആണ്‍ മൃഗങ്ങളെയും നാല് ആഴ്ചയ്ക്കുള്ളില്‍ പെണ്‍ മൃഗങ്ങളെയും വിശാലമായ മേട്ടിലേക്കു തുറന്നു വിടും.

ചീറ്റകളുടെ സഞ്ചാരപഥം മനസ്സിലാക്കുന്നതിന് ജിപിഎസ് സംവിധാനമുള്ള റേഡിയോ കോളറുകള്‍ കഴു ത്തില്‍ ഘടിപ്പിച്ചിട്ടുണ്ട്. ഓരോന്നിനെയും നിരീക്ഷിക്കാന്‍ പ്രത്യേ ക സംഘങ്ങളെയും ചുമതലപ്പെടുത്തി യിട്ടുണ്ട്. 13 വര്‍ഷത്തെ പ്രയത്നത്തിനൊടുവിലാണ്, കരയിലെ ഏറ്റവും വേഗമേറിയ ജീവികളായ ചീറ്റക ളെ രാജ്യത്തെത്തിക്കുന്നത്.