ചാ​മ്പ്യ​ൻ​സ്​ ട്രോ​ഫി ഫൈ​ന​ൽ പ​ഴു​ത​ട​ച്ച സു​ര​ക്ഷ​യൊ​രു​ക്കി ദു​ബൈ

ദു​ബൈ: ക്രി​ക്ക​റ്റ്​ ആ​വേ​ശം വാ​നോ​ള​മു​യ​രു​ന്ന ചാ​മ്പ്യ​ൻ​സ്​ ട്രോ​ഫി 2025 ഫൈ​ന​ൽ മ​ത്സ​ര​ത്തി​ന്​ പ​ഴു​ത​ട​ച്ച സു​ര​ക്ഷ​യൊ​രു​ക്കി ദു​ബൈ അ​ധി​കൃ​ത​ർ. ദു​ബൈ ക്രി​ക്ക​റ്റ് സ്റ്റേ​ഡി​യ​ത്തി​ൽ ഞാ​യ​റാ​ഴ്ച ന​ട​ക്കു​ന്ന മ​ത്സ​ര​ത്തി​ൽ ഇ​ന്ത്യ​യും ന്യൂ​സി​ല​ൻ​ഡു​മാ​ണ്​ ക​ള​ത്തി​ലി​റ​ങ്ങു​ന്ന​ത്. ക​ളി​ക്കാ​ർ​ക്കും ആ​രാ​ധ​ക​ർ​ക്കും സു​ര​ക്ഷി​ത​വും മി​ക​ച്ച​തു​മാ​യ ക​ളി​യ​നു​ഭ​വം ഉ​റ​പ്പാ​ക്കാ​ൻ എ​ല്ലാ സു​ര​ക്ഷാ ന​ട​പ​ടി​ക​ളും ഉ​റ​പ്പാ​ക്കി​യി​ട്ടു​ണ്ടെ​ന്ന് ദു​ബൈ ഇ​വ​ന്റ് സെ​ക്യൂ​രി​റ്റി ക​മ്മി​റ്റി (ഇ.​എ​സ്.​സി) പ്ര​സ്താ​വ​ന​യി​ൽ അ​റി​യി​ച്ചു.
വെ​ള്ളി​യാ​ഴ്ച ദു​ബൈ പൊ​ലീ​സ് ഓ​ഫി​സേ​ഴ്‌​സ് ക്ല​ബി​ൽ ഓ​പ​റേ​ഷ​ൻ​സ് അ​ഫ​യേ​ഴ്‌​സ് അ​സി​സ്റ്റ​ന്റ് ക​മാ​ൻ​ഡ​ന്റ് മേ​ജ​ർ ജ​ന​റ​ൽ അ​ബ്ദു​ല്ല അ​ലി അ​ൽ ഗൈ​തി​യു​ടെ അ​ധ്യ​ക്ഷ​ത​യി​ൽ ഒ​രു​ക്ക​ങ്ങ​ൾ വി​ല​യി​രു​ത്തു​ന്ന​തി​ന്​ യോ​ഗം ​ചേ​ർ​ന്നു. സ്​​റ്റേ​ഡി​യ​ത്തി​ന്​ അ​ക​ത്തും പു​റ​ത്തും ശ​ക്ത​മാ​യ സു​ര​ക്ഷ​യും നി​രീ​ക്ഷ​ണ​വും ഉ​റ​പ്പാ​ക്കു​ന്ന രീ​തി​യി​ലാ​ണ്​ സം​വി​ധാ​ന​ങ്ങ​ൾ ഒ​രു​ക്കി​യി​രി​ക്കു​ന്ന​ത്. ഇ​രു​ടീ​മു​ക​ൾ​ക്കും വ​ലി​യ ആ​രാ​ധ​ക​വൃ​ന്ദം ദു​ബൈ​യി​ൽ മ​ത്സ​ര​ങ്ങ​ൾ വീ​ക്ഷി​ക്കാ​ൻ എ​ത്തി​ച്ചേ​രു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. ആ​സ്​​ട്രേ​ലി​യ​യെ തോ​ൽ​പി​ച്ചാ​ണ്​ മ​ത്സ​ര​ത്തി​ൽ ഇ​ന്ത്യ ക​ലാ​ശ​പ്പോ​രാ​ട്ട​ത്തി​ൽ ഇ​ടം​പി​ടി​ച്ച​ത്.
ബു​ധ​നാ​ഴ്ച ദ​ക്ഷി​ണാ​ഫ്രി​ക്ക​യു​മാ​യി ന​ട​ന്ന പോ​രാ​ട്ട​ത്തി​ൽ വി​ജ​യി​ച്ചാ​ണ്​ ന്യൂ​സി​ല​ൻ​ഡ്​ ഫൈ​ന​ലി​ലെ​ത്തി​യ​ത്. പ്ര​വാ​സി​ക​ളാ​യ ക്രി​ക്ക​റ്റ്​ ആ​രാ​ധ​ക​ർ ഏ​റെ ആ​കാം​ക്ഷ​യോ​ടെ​യാ​ണ്​ ഇ​ന്ത്യ​യു​ടെ ഫൈ​ന​ൽ മ​ത്സ​രം കാ​ത്തി​രി​ക്കു​ന്ന​ത്. ചൊ​വ്വാ​ഴ്ച ഒ​ഫി​ഷ്യ​ൽ വെ​ബ്​​സൈ​റ്റ്​ വ​ഴി ചാ​മ്പ്യ​ൻ​സ്​ ട്രോ​ഫി ഫൈ​ന​ൽ മ​ത്സ​ര​ത്തി​ന്‍റെ ടി​ക്ക​റ്റു​ക​ൾ വി​റ്റു​പോ​യ​ത്​ 40 മി​നി​റ്റി​ലാ​യി​രു​ന്നു. യു.​എ.​ഇ സ​മ​യം രാ​വി​ലെ 10 മ​ണി​ക്ക്​ ആ​രം​ഭി​ച്ച വി​ൽ​പ​ന 10.40ന്​ ​അ​വ​സാ​നി​ക്കു​ക​യാ​യി​രു​ന്നു. സാ​ധാ​ര​ണ പ്ര​വേ​ശ​ന​ത്തി​നു​ള്ള 250 ദി​ർ​ഹ​മി​ന്‍റെ ടി​ക്ക​റ്റ്​ മു​ത​ൽ 12,000 ദി​ർ​ഹ​മി​ന്‍റെ സ്​​കൈ ബോ​ക്സ്​ ടി​ക്ക​റ്റു​ക​ൾ​വ​രെ​യാ​ണ്​ വി​ൽ​പ​ന​ക്കു​ണ്ടാ​യി​രു​ന്ന​ത്.