ഗ്രേ​റ്റ് ഇ​ന്ത്യ​ൻ മ​ഹോ​ത്സ​വം ; മ​ല​യാ​ള​ത്തി​​ന്‍റെ മി​ന്നും താ​ര​ങ്ങ​ൾ റി​യാ​ദി​നെ ഇ​ള​ക്കി​മറിക്കും

റി​യാ​ദ്: സൗ​ദി അ​റേ​ബ്യ​യു​ടെ ത​ല​സ്ഥാ​ന ന​ഗ​രി​യും പ്ര​ധാ​ന സാ​മ്പ​ത്തി​ക കേ​ന്ദ്ര​വു​മാ​യ റി​യാ​ദി​ൽ ഒ​ക്​​ടോ​ബ​ർ ആ​ദ്യ​വാ​ര​ത്തി​ൽ അ​ര​ങ്ങേ​റു​ന്ന ഗ്രേ​റ്റ് ഇ​ന്ത്യ​ൻ മ​ഹോ​ത്സ​വ​ത്തി​ൽ ഒ​ക്ടോ​​ബ​ർ അ​ഞ്ചി​ന് (ശ​നി​യാ​ഴ്ച) കേ​ര​ള​ത്തി​ൽ​നി​ന്നു​ള്ള ക​ലാ​പ്ര​തി​ഭ​ക​ൾ അ​ണി​നി​ര​ക്കും. ‘വൈ​ബ്സ് ഓ​ഫ് കേ​ര​ള’ എ​ന്ന പേ​രി​ൽ ന​ട​ക്കു​ന്ന ക​ലാ​സാം​സ്കാ​രി​ക സാ​യാ​ഹ്നം കേ​ര​ളീ​യ​രു​ടെ ഓ​ണാ​ഘോ​ഷ​ങ്ങ​ൾ​ക്കു​ള്ള നി​റ​പ്പ​കി​ട്ടാ​ർ​ന്ന ഒ​രു പ​ര്യ​വ​സാ​നം കൂ​ടി​യാ​യി​രി​ക്കും.
മ​ല​യാ​ളി​ക​ൾ ക​ണ്ടു​മു​ട്ടു​ന്ന ന​ഗ​ര​ത്തി​​ന്‍റെ ഓ​രോ കോ​ണി​ലും സ​മൂ​ഹ മാ​ധ്യ​മ പ്ലാ​റ്റ്ഫോ​മി​ലും ഏ​റെ ച​ർ​ച്ചാ വി​ഷ​യ​മാ​ണ് ഈ ​സ​ർ​ഗ​സാ​യാ​ഹ്നം. വി​ര​സ​മാ​ർ​ന്ന പ്ര​വാ​സ​ത്തി​ൽ അ​പൂ​ർ​വ​മാ​യി ല​ഭി​ക്കു​ന്ന ഈ ​അ​വ​സ​രം ആ​ഘോ​ഷി​ക്കാ​നു​ള്ള ത​യാ​റെ​ടു​പ്പി​ലാ​ണ് മ​ല​യാ​ളി സ​മൂ​ഹം.
ന​ട​നും ച​ല​ച്ചി​ത്ര നി​ർ​മാ​താ​വു​മാ​യ കു​ഞ്ചാ​ക്കോ ബോ​ബ​​ന്‍റെ നേ​തൃ​ത്വ​ത്തി​ലാ​ണ് മ​ല​യാ​ളി ക​ലാ​കാ​ര​ന്മാ​രു​ടെ വ​ര​വ്. സി​നി​മാ​പ്രേ​മി​ക​ൾ​ക്ക് പ്രി​യ​ങ്ക​ര​നാ​യ ചാ​ക്കോ​ച്ച​ൻ ആ​ദ്യ​മാ​യാ​ണ് റി​യാ​ദ് സ​ന്ദ​ർ​ശി​ക്കു​ന്ന​ത്. ച​ല​ച്ചി​ത്ര മേ​ഖ​ല​യി​ലെ ‘ചോ​ക്ലേ​റ്റ് ബോ​യി’​യി​ൽ രം​ഗ​പ്ര​വേ​ശ​നം ചെ​യ്ത ചാ​ക്കോ​ച്ച​ൻ ര​ണ്ട്​ ദ​ശ​ക​ങ്ങ​ളി​ലേ​റെ​യാ​യി മ​ല​യാ​ള സി​നി​മ​യി​ലെ താ​ര​മൂ​ല്യ​മു​ള്ള അ​ഭി​നേ​താ​ക്ക​ളി​ലൊ​രാ​ളാ​ണ്. നൂ​റി​ല​ധി​കം സി​നി​മ​ക​ളി​ൽ അ​ഭി​ന​യി​ച്ചി​ട്ടു​ള്ള ഇ​ദ്ദേ​ഹ​ത്തി​ന് റി​യാ​ദി​ലും ഫാ​ൻ​സ്‌ ഗ്രൂ​പ്പു​ണ്ട്.
നി​ര​വ​ധി ഹി​റ്റ് പ്ര​ണ​യ​ഗാ​ന​ങ്ങ​ൾ അ​ഭ്ര​പാ​ളി​യി​ൽ അ​വ​ത​രി​പ്പി​ച്ച ഈ ​നാ​യ​ക​ൻ സ്​​റ്റേ​ജി​ലും മ​നം ക​വ​രു​ന്ന​തി​ന്​ കാ​ത്തി​രി​ക്കു​ക​യാ​ണ്​ പ്രേ​ക്ഷ​ക​ർ. നൂ​റു​ക​ണ​ക്കി​ന് വേ​ദി​ക​ൾ ത​​ന്‍റെ മാ​ന്ത്രി​ക വി​ര​ലു​ക​ൾ കൊ​ണ്ട് സം​ഗീ​ത സാ​ന്ദ്ര​മാ​ക്കി​യ സ്റ്റീ​ഫ​ൻ ദേ​വ​സി​യാ​ണ് മ​റ്റൊ​രു ആ​ക​ർ​ഷ​ണം. ചെ​റു​പ്പ​ത്തി​ൽ ത​ന്നെ നി​ര​വ​ധി സി​നി​മ​ക​ൾ​ക്ക് സം​ഗീ​തം ന​ൽ​കു​ക​യും പ്ര​ശ​സ്ത​രാ​യ ഒ​ട്ടേ​റെ സം​ഗീ​ത​ജ്ഞ​ർ​ക്ക് ഓ​ർ​ക്ക​സ്ട്രേ​ഷ​ൻ ഒ​രു​ക്കു​ക​യും ചെ​യ്ത ഈ ​പ്ര​തി​ഭ സ്റ്റേ​ജ് ഷോ​ക​ളി​ൽ ഒ​ഴി​ച്ചു​കൂ​ടാ​നാ​വാ​ത്ത താ​ര​മാ​ണ്.
ഒ​രു​പി​ടി ഹി​റ്റ് ഗാ​ന​ങ്ങ​ളി​ലൂ​ടെ ആ​സ്വാ​ദ​ക​രു​ടെ ഹൃ​ദ​യം കീ​ഴ​ട​ക്കി​യ പി​ന്ന​ണി ഗാ​യി​ക​മാ​രാ​യ നി​ത്യ മാ​മ​ൻ, ക്രി​സ്​​റ്റ​ക​ല, യു​വ​ഗാ​യ​ക​രാ​യ കെ.​എ​സ്. ഹ​രി​ശ​ങ്ക​ർ, അ​ക്ബ​ർ ഖാ​ൻ എ​ന്നി​വ​ർ ഫെ​സ്റ്റി​വ​ൽ വേ​ദി​യി​ൽ പാ​ടി​ത്തി​മി​ർ​ക്കും. ന​ട​നും ന​ർ​ത്ത​ക​നു​മാ​യ മു​ഹ​മ്മ​ദ്‌ റം​സാ​​ന്‍റെ ക​ലാ പ്ര​ക​ട​ന​ങ്ങ​ൾ, അ​ഭി​നേ​താ​വും അ​വ​താ​ര​ക​നു​മാ​യ മി​ഥു​ൻ ര​മേ​ശി​ന്‍റെ സാ​ന്നി​ധ്യം എ​ന്നി​വ വേ​ദി​യു​ടെ മ​നോ​ഹാ​രി​ത വ​ർ​ധി​പ്പി​ക്കും.
പ്ര​വാ​സ ച​രി​ത്ര​ത്തി​ന് പു​തി​യ അ​നു​ഭ​വ​ങ്ങ​ളു​ടെ ജാ​ല​ക​ങ്ങ​ൾ തു​റ​ക്കു​ന്ന പ്ര​ദ​ർ​ശ​ന​ങ്ങ​ളും രു​ചി​വൈ​വി​ധ്യ​ങ്ങ​ൾ​ക്ക് ആ​സ്വാ​ദ​ന​പ​ര​ത സ​മ്മാ​നി​ക്കു​ന്ന ഭ​ക്ഷ്യ മേ​ള​ക്കും ഈ ​വേ​ദി സാ​ക്ഷി​യാ​കും. ര​ണ്ടാ​ഴ്ച മാ​ത്രം അ​ക​ലെ​യു​ള്ള ഈ ​ച​രി​ത്ര സം​ഗ​മ​ത്തി​ലേ​ക്കു​ള്ള പ്ര​വേ​ശ​ന ടി​ക്ക​റ്റു​ക​ൾ റി​യാ​ദി​ലും സ​മീ​പ പ്ര​ദേ​ശ​ങ്ങ​ളി​ലും കൂ​ടാ​തെ https://greatindiafest.com എ​ന്ന ഓ​ൺ​ലൈ​ൻ ലി​ങ്കി​ലും ല​ഭ്യ​മാ​ണ്.

ഒ​ക്ടോ​ബ​ർ നാ​ല്, അ​ഞ്ച്​ തീ​യ​തി​ക​ളി​ൽ ഉ​ച്ച​ക്ക് ശേ​ഷം മൂ​ന്ന്​ മു​ത​ൽ: രു​ചി​പ്പെ​രു​മ​ക​ളു​ടെ ഫു​ഡ്‌ കോ​ർ​ണ​ർ, വി​വി​ധ വാ​ണി​ജ്യ കേ​ന്ദ്ര​ങ്ങ​ളു​ടെ പ്രൊ​പ​ർ​ട്ടി ഷോ​ക​ൾ, എ​ക്സ്പോ. കൂ​ടാ​തെ, കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ആ​ക​ർ​ഷ​ക സ​മ്മാ​ന​ങ്ങ​ളു​മാ​യി ലി​റ്റി​ൽ ആ​ർ​ട്ടി​സ്റ്റ്​ ഡ്രോ​യി​ങ് ആ​ൻ​ഡ്​ പെ​യി​ന്‍റി​ങ്, സി​ങ് ആ​ൻ​ഡ് വി​ൻ മ​ത്സ​ര​ങ്ങ​ൾ. ഒ​ക്‌​ടോ. നാ​ലി​ന് വെ​ള്ളി​യാ​ഴ്ച വൈ​കീ​ട്ട് ഏ​ഴ്​ മു​ത​ൽ: പാ​ൻ ഇ​ന്ത്യ​ൻ പ്രേ​ക്ഷ​ക​രെ ആ​ക​ർ​ഷി​ക്കു​ന്ന ക​ലാ​സാം​സ്കാ​രി​ക വി​രു​ന്ന്​ ‘താ​ൽ’. പ്ര​ശ​സ്ത ബോ​ളി​വു​ഡ് ഗാ​യ​ക​നും യു​വാ​ക്ക​ളു​ടെ ഹ​ര​വും ആ​വേ​ശ​വു​മാ​യ സ​ൽ​മാ​ൻ അ​ലി​യു​ടെ ബാ​ൻ​ഡി​നോ​ടൊ​പ്പം പു​തു​ത​ല​മു​റ​ക്കാ​രാ​യ ഭൂ​മി​ക, ര​ച​ന ചോ​പ്ര, സൗ​ര​വ്, ഷെ​റി​ൻ എ​ന്നി​വ​ർ അ​ണി​നി​ര​ക്കും.
പോ​പ്പ്, റോ​ക്ക്, സൂ​ഫി നാ​ദ​ധാ​ര​ക​ൾ സ​മ്മേ​ളി​ക്കു​ന്ന സം​ഗീ​ത വി​രു​ന്ന്​ ഇ​ന്ത്യ, പാ​ക്, ബം​ഗ്ലാ​ദേ​ശ് ​ക​ലാ​സ്വാ​ദ​ക​ർ​ക്ക്​ പു​തി​യ അ​നു​ഭൂ​തി പ​ക​രും. ഒ​ക്ടോ. അ​ഞ്ചി​ന്​ ശ​നി​യാ​ഴ്ച വൈ​കീ​ട്ട് ഏ​ഴ്​ മു​ത​ൽ: പ്ര​വാ​സി മ​ല​യാ​ളി​ക​ളു​ടെ ഓ​ണാ​ഘോ​ഷ​ത്തി​ന് നി​റ​പ്പ​കി​ട്ടു​ള്ള പ​രി​സ​മാ​പ്‌​തി​യാ​യി​രി​ക്കും ‘വൈ​ബ്സ് ഓ​ഫ് കേ​ര​ള’. താ​ര​ങ്ങ​ളാ​യ കു​ഞ്ചാ​ക്കോ ബോ​ബ​ൻ, സ്റ്റീ​ഫ​ൻ ദേ​വ​സി, യു​വ​ഗാ​യ​ക​രാ​യ നി​ത്യ മാ​മ​ൻ, കെ.​എ​സ്. ഹ​രി​ശ​ങ്ക​ർ, ക്രി​സ്​​റ്റ​ക​ല, അ​ക്ബ​ർ ഖാ​ൻ, ന​ട​നും ന​ർ​ത്ത​ക​നു​മാ​യ മു​ഹ​മ്മ​ദ്‌ റം​സാ​ൻ, അ​വ​താ​ര​ക​ൻ മി​ഥു​ൻ ര​മേ​ശ്‌ എ​ന്നി​വ​ർ അ​ണി​നി​ര​ക്കും.