ക്വാറന്റൈൻ ചെലവ് : ഹൈക്കഓടതിയിൽ ഹർജി

വെബ് ഡെസ്ക്ക്
കൊച്ചി : വിദേശങ്ങളിൽ നിന്നെത്തുന്ന പ്രവാസികൾ സർക്കാർ ഒരുക്കുന്ന ക്വാറന്റൈനിൽ കഴിയുന്നതിന്റെ ചെലവ് വഹിക്കണമെന്ന നിർദ്ദേശത്തെ ചോദ്യം ചെയ്ത് െൈഹക്കോടതിയിൽ ഹർജി. കേരള മുസ്‌ളിം കൾച്ചറൽ സെന്റർ അംഗം ഇബ്രാഹീം എളേറ്റിൽ, ഓവർസീസ് ഇന്ത്യൻ കൾച്ചറൽ കോൺഗ്രസ് മുൻ വൈസ് പ്രസിഡന്റ് റെജി താഴമൺ എന്നിവരാണ് ഹർജി നൽകിയത്.
ലോക്ക് ഡൗണിൽ വിദേശങ്ങളിൽ കുടുങ്ങിയ പ്രവാസികളിലേറെയും തൊഴിൽ നഷ്ടപ്പെട്ട് കടുത്ത സാമ്പത്തിക പ്രതിസന്ധിയിലാണ് തിരിച്ചെത്തുന്നത്. ഇവരോട് ക്വാറന്റൈൻ ചെലവ് ഈടാക്കരുതെന്നാണ് ഹർജിക്കാരുടെ ആവശ്യം.
പ്രവാസികൾ 14 ദിവസത്തെ സർക്കാർ ക്വാറന്റൈനിൽ കഴിയണമെന്നാണ് കേന്ദ്ര സർക്കാരിന്റെ മാർഗനിർദ്ദേശം. ഇതിൽ ഏഴു ദിവസത്തെ ചെലവ് പ്രവാസികൾ സ്വയം വഹിക്കണമെന്നും മേയ് 25 ലെ കേന്ദ്ര മാർഗ നിർദ്ദേശത്തിൽ പറയുന്നുണ്ട്. ഇതുപ്രകാരം പ്രവാസികൾ ക്വാറന്റൈൻ ചെലവ് വഹിക്കണമെന്നും സാമ്പത്തിക പ്രതിസന്ധിയുണ്ടെന്നുമാണ് സർക്കാർ പറയുന്നത്.
കൊവിഡ് പ്രതിരോധത്തിന് ഫണ്ടു കണ്ടെത്താൻ സർക്കാർ ജീവനക്കാരുടെ ആറു ദിവസത്തെ ശമ്പളം പിടിച്ചിരുന്നു. ുഖ്യമന്ത്രിയുടെ ദുരിതാശ്വാസ നിധിയിലേക്കു വൻതുക സംഭാവന ലഭിച്ചിട്ടുമുണ്ട്. സംസ്ഥാനത്തിന്റെ സാമ്പത്തിക അടിത്തറ ശക്തമാക്കുന്ന പ്രവാസികൾക്കായി ഈ തുക വിനിയോഗിക്കണം.
പ്രവാസികൾ സ്വന്തം ചെലവിൽ ക്വാറന്റൈനിൽ കഴിയണമെന്ന കേന്ദ്ര മാർഗരേഖയിലെ ഭാഗം റദ്ദാക്കണമെന്നും ഹർജികളിൽ ആവശ്യപ്പെടുന്നു.