കോവിഡ് മൂന്നാംതരംഗ ഭീഷണി ; കുട്ടികളുടെ ഡിജിറ്റല്‍ പഠനം തുടരേണ്ടിവരും, സൗജന്യ ഇന്റര്‍നെറ്റ്, ഡിജിറ്റല്‍ ഉപകരണങ്ങള്‍ ലഭ്യമാക്കും

കുട്ടികള്‍ക്കുള്ള പഠനോപകരണങ്ങള്‍ കണ്ടെത്തുന്നതിന് എല്ലാ ധനസ്രോതസ്സുകളും ഉപയോഗിക്കണമെന്ന് മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞു

തിരുവനന്തപുരം : കോവിഡ് തുടരുന്ന സാഹചര്യത്തില്‍ ഡിജിറ്റല്‍ പഠനം തുടരേണ്ടി വരുമെന്ന് മുഖ്യമന്ത്രി പിണറായി വിജയന്‍. വിദ്യാഭ്യാസ മേഖലയില്‍ ഡിജിറ്റല്‍ വിടവ് ഉണ്ടാവാതെ നോക്കണ മെന്ന് മുഖ്യമന്ത്രി നിയമസഭയില്‍ പറഞ്ഞു. കുട്ടികള്‍ക്കുള്ള പഠനോപകരണങ്ങള്‍ കണ്ടെത്തുന്ന തിന് എല്ലാ ധനസ്രോതസ്സുകളും ഉപയോഗിക്കണമെന്നും അദ്ദേഹം നിര്‍ദേശിച്ചു.

ഒന്നാം തരംഗം വന്നപ്പോള്‍ രണ്ടാം തരംഗത്തെക്കുറിച്ച്  ആലോചിച്ചിരുന്നില്ല. ഇപ്പോള്‍ മൂന്നാം തരം ഗത്തെക്കുറിച്ചു പറയുന്നു. അതിനു ശേഷവും തരംഗം ഉണ്ടാവുമോ എന്നു ഭയക്കുന്നു. ഇതെല്ലാം സൂചിപ്പിക്കുന്നത് കോവിഡ് കുറച്ചുകാലം നമ്മുടെ ഇടയില്‍ ഉണ്ടാവുമെന്നാണ്. ഈ സാഹചര്യത്തി ല്‍ ഡിജിറ്റല്‍ പഠനം തുടരേണ്ടിയിരിക്കുന്നു. സൗജന്യ ഇന്റര്‍നെറ്റ് നല്‍കാനും കണക്ടിവിറ്റി കൂട്ടാ നും സര്‍ക്കാര്‍ ശ്രമമുണ്ടാകും. കെഎസ്ഇബി, കേബിള്‍ നെറ്റ്വര്‍ക്ക് എന്നിവരുടെ സഹായം സ്വീകരി ച്ച് കണക്ടിവിറ്റി ഉറപ്പിക്കാന്‍ കഴിയുമെന്നും മുഖ്യമന്ത്രി പറഞ്ഞു.

ഇന്റര്‍നെറ്റ് സേവന ദാതാക്കളുടെ യോഗം വിളിച്ചിരിക്കുന്നത് ഈ സാഹചര്യത്തിലാണ്. വ്യാഴാഴ്ചയാ ണ് യോഗം ചേരും. കേരളം മുഴുവന്‍ കണക്ടി വിറ്റി ലഭ്യമാക്കുകയാണ് സര്‍ക്കാര്‍ ലക്ഷ്യം. സമൂഹ ത്തിലെ ഒരു വിഭാഗം കുട്ടികള്‍ക്ക് പഠനാവശ്യത്തിനായ ടെലിവിഷന്‍, മൊബൈല്‍ ഫോണ്‍, ലാപ്‌ ടോപ് തുടങ്ങിയവ വാങ്ങാന്‍ ശേഷിയില്ലാത്തവരാണ്. അതിനാവശ്യമായ സ്രോതസ്സുകള്‍ ഒരുമി പ്പിക്കുമെന്നും മുഖ്യമന്ത്രി നിയമസഭയില്‍ ചോദ്യോത്തരവേളയില്‍ മറുപടി നല്‍കി. പാഠപുസ്തകം പോലെ എല്ലാവര്‍ക്കും ഡിജിറ്റല്‍ ഉപകരണം ആവശ്യമാണ്. അതിനു സാധ്യമായതെല്ലാം ചെയ്യും- മുഖ്യമന്ത്രി വ്യക്തമാക്കി.