കൊച്ചി : പാല്‍ ഉപയോഗിക്കാതെ തണുത്ത വെള്ളത്തില്‍ വളരെയെളുപ്പം രുചികരമായ ഐസ്‌ക്രീം തയ്യാറാക്കുന്നതിനുള്ള കോള്‍ഡ് വാട്ടര്‍ ഐസ്‌ക്രീം മിക്‌സ് വിപണിയിലെത്തുന്നു. കേരളത്തിലെ പ്രമുഖ ഭക്ഷ്യോത്പന്ന നിര്‍മ്മാതാക്കളായ ചോസന്‍ ഫുഡ്‌സ് ആണ് ഇന്ത്യയില്‍ ആദ്യമായി ഗാര്‍ഹിക ഉപയോഗത്തിന് വേണ്ടി തണുത്ത വെള്ളത്തില്‍ കേവലം അഞ്ചു മിനിട്ട് കൊണ്ട് ഐസ്‌ക്രീം തയ്യാറാക്കുന്നതിനുള്ള ഐസ്‌ക്രീം മിക്‌സ് വിപണിയിലെത്തിക്കുന്നത്. വാനില, ചോക്കലേറ്റ്, സ്‌ട്രോബറി, ബട്ടര്‍സ്‌കോച്ച്, മാംഗോ എന്നീ അഞ്ചു രുചികളില്‍ കോള്‍ഡ് വാട്ടര്‍ ഐസ്‌ക്രീം മിക്‌സ് ലഭ്യമാകും.
കേവലം 80 രൂപ വിലയുള്ള 85 ഗ്രാം അടങ്ങിയ പാക്കില്‍ നിന്ന് 500 മില്ലി ഗ്രാം വരെ ഐസ്‌ക്രീം നിര്‍മ്മിക്കാം. ഒരു പാക്കറ്റ് ഐസ്‌ക്രീം മിക്‌സ് 150 മില്ലി ഗ്രാം തണുത്ത വെള്ളത്തില്‍ ഇലക്ട്രിക് ബീറ്റര്‍ ഉപയോഗിച്ച് മൂന്ന് മിനിട്ട് നേരം ബീറ്റ് ചെയ്ത ശേഷം ഏഴ് മണിക്കൂറോളം ഫ്രീസറില്‍ സൂക്ഷിച്ചാല്‍ സ്വാദിഷ്ഠമായ ഐസ്‌ക്രീം റെഡിയാകും. കേരളം, തമിഴ്‌നാട്. കര്‍ണ്ണാടക, ആന്ധ്ര, മഹാരാഷ്ട്ര, ഡല്‍ഹി തുടങ്ങിയ സംസ്ഥാനങ്ങളിലെ പ്രധാന വിപണികളിലെല്ലാം കോള്‍ഡ് വാട്ടര്‍ ഐസ്‌ക്രീം മിക്‌സ് എത്തിക്കാനാണ് ചോസന്‍ ഫുഡ്‌സ് തീരുമാനിച്ചിട്ടുള്ളത്.
കമ്പനിയുടെ പുതിയ ഉത്പന്നമായ കോള്‍ഡ് വാട്ടര്‍ ഐസ്‌ക്രീം മിക്‌സ് നല്ല രുചിയോടെ എളുപ്പത്തില്‍ ഐസ്‌ക്രീം തയ്യാറാക്കാന്‍ ഉതകുന്നതാണെന്ന് ചോസന്‍ ഫുഡ്‌സ് ഡയറക്ടര്‍ അംജത് ഹുസൈന്‍ പറഞ്ഞു.’നിലവില്‍ വിപണിയില്‍ ലഭിക്കുന്ന പ്രമുഖ ബ്രാന്റുകളിലുള്ള ഐസ്‌ക്രീമുകളുടെ രുചിയോട് കിടപിടിക്കുന്നതായിരിക്കും കോള്‍ഡ് വാട്ടര്‍ ഐസ്‌ക്രീം. എളുപ്പത്തില്‍ തയ്യാറാക്കി ഫ്രീസറില്‍ സൂക്ഷിച്ചാല്‍ ഏത് സമയത്തും വീട്ടിലുള്ളവര്‍ക്കും അതിഥികള്‍ക്കുമെല്ലാം സ്വാദിഷ്ഠമായ ഐസ്‌ക്രീമിന്റെ രുചി നുണയാനാകും. ചോസന്‍ ഫുഡ്‌സിന്റെ റിസര്‍ച്ച് ആന്റ് ഡെവലപ്പ്‌മെന്റ് വിഭാഗം നിരവധി പഠനങ്ങളും പരീക്ഷണങ്ങളും നടത്തിയ ശേഷമാണ് കോള്‍ഡ് വാട്ടര്‍ ഐസ്‌ക്രീം മിക്‌സ് തനതായി രൂപപ്പെടുത്തിയിട്ടുള്ളത്.’ അംജത് ഹുസൈന്‍ പറഞ്ഞു.
2017 ലാണ് വിവിധ ഭക്ഷ്യ ഉത്പന്നങ്ങള്‍ നിര്‍മ്മിച്ച് കൊണ്ട് ചോസന്‍ ഫുഡ്‌സ് വിപണിയിലെത്തിയത്. വിവിധ രുചികളിലുള്ള കോണ്‍ഫ്‌ളേക്‌സുകള്‍, ചോക്കോ സ്‌പ്രെഡ്‌സ്, വിവിധയിനം ഡെസേര്‍ട്ടുകള്‍, ബേക്കറി ഉത്പന്നങ്ങള്‍, സ്‌പൈസ് മസാല പൗഡര്‍, റൈസ് പൗഡര്‍ തുടങ്ങിയവ കമ്പനി വിപണിയിലെത്തിക്കുന്നുണ്ട്.
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എൽ കമ്പനി യുടെ തുടക്കവും വളർച്ചയും…
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എ ൽ കമ്പനി യുടെ തുടക്കവും…
മസ്കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
This website uses cookies.