കൊച്ചിയില്‍ ആറിടത്ത് സമാന്തര ടെലഫോണ്‍ എക്‌സ്‌ചേഞ്ച് ; മൂന്ന് യുവാക്കള്‍ പിടിയില്‍, കള്ളക്കടത്ത് സംഘങ്ങളെ കേന്ദ്രീകരിച്ച് അന്വേഷണം

അങ്കമാലി, അത്താണി, പച്ചാളം തുടങ്ങി ആറിടത്തായിരു ന്നു എക്സ്ചേഞ്ചിന്റെ പ്രവര്‍ത്ത നം. സംഭവുമായി ബന്ധപ്പെട്ട് മൂന്ന് യുവാക്കളെ പിടികൂടി

കൊച്ചി: എറണാകുളത്ത് ആറിടത്ത് സമാന്തര ടെലഫോണ്‍ എക്സ്ചേഞ്ച് കണ്ടെത്തി. അങ്കമാലി, അത്താണി, പച്ചാളം തുടങ്ങി ആറിടത്തായിരു ന്നു എക്സ്ചേഞ്ചിന്റെ പ്രവര്‍ത്തനം. സംഭവുമായി ബന്ധപ്പെട്ട് മൂന്ന് യുവാക്കളെ പിടികൂടി. എക്സ്ചേഞ്ചിന്റെ പ്രവര്‍ത്തനത്തിനായി ഉപയോഗിച്ചിരുന്ന സാമഗ്രികള്‍ പൊലീസ് കണ്ടെടുത്തു. രഹസ്യ വിവരത്തെത്തുടര്‍ന്ന് ചാലക്കുടി ഡിവൈഎസ്പി നടത്തിയ അന്വേഷണത്തിലാണ് എക്സ്ചേഞ്ചുകള്‍ കണ്ടെത്തിയത്.

കള്ളക്കടത്ത് സംഘങ്ങള്‍ ഇതു മറയാക്കി ആശയവിനിമയം നടത്തിയിരുന്നോയെന്ന് അന്വേഷിച്ചു വരികയാണ്. ആരാണ് ഫോണ്‍ വിളികളുടെ ഉപഭോക്താക്കളെന്ന് കണ്ടെത്താനാണ് പൊലീസിന്റെ ശ്രമം. കള്ളക്കടത്ത് സംഘങ്ങള്‍ ഇതു മറയാക്കി ആശയവിനിമയം നടത്തിയിരുന്നോ എന്ന സംശയ ത്തില്‍ വിശദമായ അന്വേഷണം നടത്താന്‍ ഒരുങ്ങുകയാണ് പൊലീസ്.

ഇന്റര്‍നാഷണല്‍ കോളുകള്‍ ചെലവ് കുറച്ച് വിളിക്കാനുള്ള സൗകര്യമാണ് ഒരുക്കിയിരുന്നത്. ഇങ്ങ നെയുള്ള കോളുകള്‍ വരുമ്പോള്‍ നമ്പറുകള്‍ ചുരുക്കം മാത്രമേ കാണൂ. തിരിച്ചുവിളിച്ചാല്‍ കിട്ടുക യുമില്ല. എക്സ്ചേഞ്ചിന്റെ പ്രവര്‍ത്തനം നിയന്ത്രിച്ചിരുന്നത് വിദേശ രാജ്യങ്ങളില്‍ നിന്നാണെ ന്നാണ് സൂചന. കോളുകള്‍ പരസ്പരം ബന്ധിപ്പിക്കുകയെന്നതായിരുന്നു പിടിയിലായ മൂന്ന് യുവാക്കളുടെ യും ജോലി. ഈ സാഹചര്യത്തിലാണ് കള്ളക്കടത്ത് സംഘങ്ങള്‍ ഇതു മറയാക്കി ആശയവിനിമയം നടത്തിയിരുന്നോയെന്ന് അന്വേഷിക്കുന്നത്.