കുവൈറ്റിലെ  കൊവിഡ് സാഹചര്യം മെച്ചപ്പെട്ട അവസ്ഥയിലെന്ന് ആരോ​ഗ്യ മന്ത്രാലയം

കുവൈറ്റിലെ  കൊവിഡ് സാഹചര്യം മെച്ചപ്പെട്ട അവസ്ഥയിലെന്ന് ആരോ​ഗ്യ മന്ത്രാലയം

കുവൈറ്റ് : രാജ്യത്തെ കൊവിഡ് സാഹചര്യം കൂടുതൽ മെച്ചപ്പെട്ട അവസ്ഥയിലാണ് ഉള്ളതെന്ന് ആരോ​ഗ്യ മന്ത്രാലയം സ്ഥിരീകരിച്ചു. പൊതുജനങ്ങൾക്ക് യാതൊരുവിധ ആശങ്കയും വേണ്ടെന്നാണ് മന്ത്രാലയം അറിയിച്ചിട്ടുള്ളത്. വാക്സിനേഷൻ കൂടുതൽ വേ​ഗത്തിലാക്കി മഹാമാരിയെ പ്രതിരോധിക്കുന്നതിനുള്ള പ്രവർത്തനങ്ങൾ ഊർജിതപ്പെടുത്തി . കഴിഞ്ഞ ഏപ്രിൽ മുതൽ ഈ മാസം 21വരെയുള്ള കണക്കുകൾ പരിശോധിക്കുമ്പോൾ രാജ്യത്തെ രോ​ഗമുക്തി നിരക്ക് 100 ശതമാനത്തിലേക്ക് എത്തിയിട്ടുണ്ട്.

രണ്ടാം ഡോസ് സ്വീകരിച്ച 27,652 പേർ ഉൾപ്പെടെ 152,000 പൗരന്മാർക്കും താമസക്കാർക്കും വാക്‌സിനുകൾ നൽകാൻ സാധിച്ചു. മറ്റ് 110,050 പേർക്ക് ബൂസ്റ്റർ ഡോസ് ലഭിച്ചു. വൈറസ് ബാധയുടെ ലക്ഷണങ്ങൾ കാണിക്കുന്നവരുമായുള്ള സമ്പർക്കം ഒഴിവാക്കണം . വീട്ടിലായാലും അല്ലെങ്കിൽ മറ്റേതെങ്കിലും സ്ഥലങ്ങളിലായാലും കൈകൾ കഴുകുന്നത് അടക്കമുള്ള മുൻകരുതലുകൾ പാലിക്കുന്നത് തുടരണം. രണ്ടാം ഡോസും ബൂസ്റ്റർ ഡോസും എല്ലാവരും ഉറപ്പായും സ്വീകരിക്കണമെന്നും മന്ത്രാലയം   അറിയിച്ചു .